شفيق في مواجهة لجنة الحكماء على التلفزيون الليلة مباشر الساعة 9

**korkor** · 03-03-2011 08:00 AM

المشاركة الأصلية كتبت بواسطة tlrsiap

أهلا باللجنة الالكترونية , نفس الكلمتين اللي بيتقالوا على الفيس بوك بالحرف
:)))))))))))

يعنى حضرتك مش شايف ان فى اختلاف فى الاراء سواء على الفريق احمد شفيق او علاء الاسونى او غيره من المحاورين ولما شفت ان بعض الاراء مش على هواك علاطول وصمتهم انهم من اللجنه الالكترونيه للحزب الوطنى يعنى هو ده بقى اسلوب الحوار انت لو مش معايا تبقى ضدى , الف مبروك انت كده وصلت خلاص

**misoalex** · 03-03-2011 08:09 AM

المشاركة الأصلية كتبت بواسطة korkor

لا علشان هو راجل محترم ومحترف واحنا مش متعودين على الاحترام والاحتراف فى العمل متعودين انك لما تبقى عارف انك ماشى بعد شهر تكبر دماغك وتبلطج ماهى ماعدتش فارقه والكلام ده انا ماحستيش بى غير لما اشتغلت مع اجانب , عندى فى الشغل مدير اجنبى كل المشروع عارف انه ماشى من 3 شهور والراجل بيشتغل ويخطط ولا كانه قاعد 10 سنين هو ده الاحترام والاحتراف واللى قالق حضرتك ده المفروض انه يخليك تحترمه بغض النظر انت مختلف معاه وعاوزه يقعد ولا يمشى .

لا يا باشا تفرق كتييييييييييير

ولما يبقى يعمل الى عليه دلوقتى وكل حاجه تمام يفكر فى الى جاى ويخطط ليه عشان يسلم الى بعديه

لكن مش كل ما حد يسأله على حاجه يقول معرفش امال انت بتعمل ايه

والبلد الى مبقاش فيها امان دى سايبها ليه ولما هو مش عارف يمشى كلمته على الوزرا بتوعه قاعد ليه

والمصايب الى بتحصل كل يوم سايبها ليه
والمصرين اللى فى ليبيا وتونس سايبهم لحد دلوقتى ليه

عاوز كمان ولا كفايه

لما يبقى يخلص حاجه واحده من دول يبقى يفكر فى بكره الى هو مش بتاعه اصلا
مش تقوللى اجانب

**ahf_vip** · 03-03-2011 08:16 AM

المشاركة الأصلية كتبت بواسطة tlrsiap

أهلا باللجنة الالكترونية , نفس الكلمتين اللي بيتقالوا على الفيس بوك بالحرف
:)))))))))))

بموت فى الزرااااااااااااااااااااا ااافة مش الظرافة

**ahf_vip** · 03-03-2011 08:35 AM

احب اقولكم ان اسلوب حواركم جميل جدا و فى قمة الرقى و التحضر و يبشر بمستقبل رائع لمصر مع شباب زى الفل هيودونا فى ستين داهية

و انا عندى 20 سنة و بقولها ليكم كلكم انا مع احمد شفيق و هو فعلا خسارة فى ناس زيكم اسلوبهم فقط كفيل بان يوضح ان شخصياتهم اكثر فسادا من مليون حسنى مبارك و شلة الفساد الغبية اللى حواليه

و طبعا احب اقولكم انى اتخنقت من ردودكم اللى ملهاش معنى غير فعلا انها بتضحكنى و انا فعلا مستمتع انى اضحك على الردود دى من ناس

اعتقد ان مؤهلاتها لا ترقى لطفل رضيع و اعتقد ان الرضيع بيفكر افضل منكم على الاقل هيكون محايد مش بيقول انا عايز ديمقراطية و هو اساسا لو شاف رد ينتقده بيبقى اول واحد بيهاجمه لمجرد انه انتقده

و مرة اخرى مبرووووك ليكم يا جزء ليس له معنى من شباب مصر لان الانسان اللى بيكون بدون تفكير سليم بيكون ملوش اساس من الوجود فى الدنيا

و انا منتظر باقى فصول المسرحية الرائعة عشان اكمل ضحك على التفكير الذى ليس له معنى

باستثناء بعض ااعضاء اللى بفرح جداااا لما بشوف ردودهم لانهم بيقولوا رأيهم الحقيقى رغم ان منهم معارضين حاليا لأحمد شفيق لكنهم بيقولو رأيهم باسلوب يجبرنى على احترام عقولهم

و طبعا بعد انتهاء الايقاف عشان اكمل المسرحية مع اذكى الاعضاء

لقد تحول الحوار القائم إلى شخصنه وصراع شخصي وسخريه وقد خالفتم بذلك القاعدة رقم (13) من قواعد المنتدى، لذا
فقد استحققتم عقوبه لمخالفة قواعد المنتدى.

يرجى مراجعة قواعد المنتدى
مشرف 18ب
3-3-2011
9:12AM

**korkor** · 03-03-2011 08:36 AM

المشاركة الأصلية كتبت بواسطة misoalex

لا يا باشا تفرق كتييييييييييير

ولما يبقى يعمل الى عليه دلوقتى وكل حاجه تمام يفكر فى الى جاى ويخطط ليه عشان يسلم الى بعديه

لكن مش كل ما حد يسأله على حاجه يقول معرفش امال انت بتعمل ايه

والبلد الى مبقاش فيها امان دى سايبها ليه ولما هو مش عارف يمشى كلمته على الوزرا بتوعه قاعد ليه

والمصايب الى بتحصل كل يوم سايبها ليه
والمصرين اللى فى ليبيا وتونس سايبهم لحد دلوقتى ليه

عاوز كمان ولا كفايه

لما يبقى يخلص حاجه واحده من دول يبقى يفكر فى بكره الى هو مش بتاعه اصلا
مش تقوللى اجانب

هو فى حد سايبله فرصه يفكر حتى مش ينفذ سواء من ضغط المتظاهرين فى الشارع , فلول النظام السابق ومحاولتها اجهاض الثوره بالاضافه الى الى التطورات الغير مسبوقه من الثوره فى ليبيا , دمار شبه شامل فى اقتصاد البلد , انا شايف ان هو او اى وزير او رئيس وزاره قادم هيكون مصيره الفشل الذريع حتى لو كان تكنوقراط زى ما جموع الثائرين عاوزين , وانا مازلت متسمك برايى اللى مش بحاول افرضه على حد ان الفريق احمد شفيق على اقل تقدير لو مش متفقين عليه بس هو مختلف , حد عمره شاف رئيس وزراء يطلع يتكلم فى التليفزيون وكل اللى قاعد يلطش فيه , يااخى ده الرسول المنزه عن الخطأ الناس ماكنتش راضيه عنه ومصدقه فما بالك بواحد من البشر

**م.احمد زكريا** · 03-03-2011 08:50 AM

- نتيجه الخناقه الحاصلة في البرنامج بعد 4 -5 ساعات صداع أن شفيق شفيق ليس في يده أي شيء وأن من يحكم هو المجلس العسكري

يعني لو شالو شفيق جابو X or Y نفس الوضع سيظل كما هو حتى لو واحد مجتمع عليه الشعب

شيلو المجلس العسكري

- قلتها وهافضل أقولها :
حسني مبارك حرق 2 ( شفيق و عمر سليمان )

أتمكنى من الدكتور شفيق أن يستقيل ويسيبها لأنها به أو بدونه سيااااااااااان

يبقى يسيب قلة القيمة وعدم القدرة على الحوار لاخرين

- الإقتصاد فعلا في خطر كبيييييييييييير أنا ممكن ابني اقتصاد دولة في سنين طويله ويقع في ساعة .. الراجل مش بيخوف ولا بيفزع حد .... هو بيقول حقائق ومطلوب منه توضيحها

- علاء الاسواني (بحبه جدا ككاتب وروائي) بس مابيعرفش يتحاور وبيستفز القدامه وده مش محبذ في المرحلة دي

**nour_nrc** · 03-03-2011 08:54 AM

أذا كان الأسواني أسلوبه مستفز......شفيق منطقه أكثر استفزازا والمنطق أهم
إذا كان الأسواني بيتعصب علشان الشهداء...... شفيق بيتعصب علشان منصبه بدليل إن محدش هاجم شخصه لكن هجموا سياسته
إذا كان الأسواني بيتكلم عن مستقبل مصر........شفيق بيتكلم عن ماضيه وتاريخه الشخصى
إذا كان الأسواني بيسأل كتير............. شفيق لم يعط أي إجابات

**human** · 03-03-2011 08:55 AM

شفيق يا راجل | اين كنتم لما حاربت و قاتلت و انقتلت اين كنتم ..... من انتم انا بنيت مطارات انا بنيت شركه طيران من انتم من انتم الى المطار الى المطار ....

**hobiko** · 03-03-2011 09:08 AM

المشاركة الأصلية كتبت بواسطة otefa

وينور عليك
كل واحد عاملي فيها ممثل الثورة والزعيم الأوحد كلا منجية.
ألي عايز يحاور بلسان نفسه .....ويحاور القوات المسلحة من الأخر ولو جاء الجنزوري ولا هايفرق تجيب رئيس وزراء مكان رئيس وزراء الأهم القوة المحركة.

الرد على كلامك ....... فى المشاركات التالية

المشاركة الأصلية كتبت بواسطة fepsceasar

انتوا سايبين الراجل المسؤول عن مصر والفترة الانتقالية اللى انا مش فاهم رؤيته ولا جدوله الزمنى
وماسكين فى الاسوانى وحمدى قنديل

المشاركة الأصلية كتبت بواسطة أبو عبدالله

من ضمن ملامح عدم وجود رد
هو تحويل الكلام الى اشخاص فقط

المشاركة الأصلية كتبت بواسطة ashrafakl

السلام عليكم ورحمة الله وبركاته
يا اخواني الكرام افكركم تاني هدف التفرج علي الحوار من وجهه تظري تحليل شخصية احمد شفيق هل يصلح ام لا كمسئول سياسي
:) حصلح المعادلة الي كتبتها لتكون
بعد لقاء رئيس وزراء في أون تي في المحصلة
يفقد اعصابه + يتكلم عن نفسه كثيرا + يرتضي فرض وزراء عليه = لا يصلح ان يكون رئيس وزراء

المشاركة الأصلية كتبت بواسطة أبو عبدالله

لقاء النهارده عبارة عن :
- فزاعة
- تفاخرعسكر
- تخلف بسبب عدم اداراك الوضع ن حواليه كسابقينه
-احنا بنفهم وانتم مبتفهموش
- الحكمة زي بتاعت الرئيس السابق
- مفيش اجابة واحده توحد ربنا محددة لأي سؤال اتسأل له
- قصص علشان تتوه وتنام وتنسى انت عاوز ايه

ده الملخص اللي هو = النظام القديم بغباءه