شفيق في مواجهة لجنة الحكماء على التلفزيون الليلة مباشر الساعة 9

**nevozaky** · 03-03-2011 11:43 AM

المشاركة الأصلية كتبت بواسطة tlrsiap

للتوضيح
و رجاء انا ما قلتش خالص ان كل اصحاب رأي معين هم من اللجنة الالكترونية , و ان كان بعضهم منها فعلا و بينشروا الرأي ده, انا ما كتبتش اسامي و ما قلتش اللي بيقولوا كذا كلهم لجنة الكترونية , نقطة خلايا نائمة دي الله اعلم , بس لا استبعدها على الحكومة

انا فاهمة حضرتك .وده رايك .بس مش لازم نعمم الناس والكلام .وحتى لو فى ناس حزب وطنى هما احرار حتى لو ليهم مصلحة هما احرار .وفعلا ده لازم يبقى تفكيرنا بعد كده الحرية .حتى لو فى اختلاف فى الاراء .هيه دى الحرية اللى احنا عاوزنها .انا عارفة ان حضرتك ما كتبتش اسامى .انا اقصد ملهوش لازمة التلميح لاى حد ايا كان .انا مش باتكلم على نفسى انا باقول بصفة عامة .صدقنى الناس فعلا اتعقدت بسبب النظام السابق وكله مخون بعضه .بقت حاجة صعبة اوى .ميرسى لرد حضرتك .
ولو ان انا مختلفة معاك فى الراْى .بس هيه دى الحرية وجود الراْى واحترام الراْى الاخر .
تقبل احترامى

**أشرف العدوي** · 03-03-2011 11:48 AM

خلاص أحمد شفيق مشي و جه مكانه عصام شرف

**nevozaky** · 03-03-2011 12:01 PM

المشاركة الأصلية كتبت بواسطة otefa

حضرتك جيبتي المفيد هو الأستاذ كان عرف منين وأتأكد أزاي أن فيه لجان .....! وليه مايكونش هو نفسه عضو فيها ! ولو زي ماتفضلتي لو فيه أعضاء تبع الوطني أهلا وسهلا بهم وعادي جدا ماحدش بيجبر حد على الأقتناع براي الأخرين ........رمي الناس بالباطل ليس من الدين في شيء
تقبلي تحياتي

ميرسى لحضرتك .بس فعلا ده رايى ويا ريت يبقى ده النظام من هنا ورايح .اللى عايز يقول اى راْى يقوله حتى لو الراْى ده مخالف لكل الناس .وانا لسه شايفة ان الفريق احمد شفيق استقال .يا رب الناس تبقى كده ارتاحت ونبتدى نركز فى شغلنا .علشان نعدى الفترة دى بسرعة وعلى خير .تقبل احترامى وتحياتى لحضرتك

**تامر.محمد** · 03-03-2011 12:06 PM

المشاركة الأصلية كتبت بواسطة nevozaky

انا فاهمة حضرتك .وده رايك .بس مش لازم نعمم الناس والكلام
مافيش تعميم يا فندم , انا حتى باقول اني ما قلتش ان كل اصحاب الرأي الفلاني اعضاء لجنة الكترونية , بس الاكيد و واضح جدا ان بعضهم فعلا اعضاء في اللجنة دي و بينشروا الرأي ده

.وحتى لو فى ناس حزب وطنى هما احرار حتى لو ليهم مصلحة هما احرار
هما احرار يقولوا رأي مزيف و انا حر اني اقول ان رأيهم مزيف ,,, لا جدال في ذلك

.وفعلا ده لازم يبقى تفكيرنا بعد كده الحرية .حتى لو فى اختلاف فى الاراء .هيه دى الحرية اللى احنا عاوزنها .انا عارفة ان حضرتك ما كتبتش اسامى .انا اقصد ملهوش لازمة التلميح لاى حد ايا كان
و الله يا فندم و عن تجارب كتير , فيه ناس بيبقوا باين اوي ان ده رأيهم و فيه ناس برده بيبقوا باينين اوي ان دول كتيبة , و حضرتك من كتر المشاركة هنا و هنا مع الخبرة بتعرفيهم

.انا مش باتكلم على نفسى انا باقول بصفة عامة .صدقنى الناس فعلا اتعقدت بسبب النظام السابق وكله مخون بعضه .بقت حاجة صعبة اوى .ميرسى لرد حضرتك .
ولو ان انا مختلفة معاك فى الراْى .بس هيه دى الحرية وجود الراْى واحترام الراْى الاخر .
تقبل احترامى
زي ما حضرتك قلتي , حضرتك مختلفة معايا في الرأي اهو , و مافيش سيرة تخوين خالص
تقبلي احترامي يا فندم
:)

**dreslam** · 03-03-2011 12:14 PM

المشاركة الأصلية كتبت بواسطة abdelaziz-waleed

منك لله يا مبارك. ربنا ينتقم منك.
شفيق واضح جدا انه راجل تكنوقراط ومالوش في السياسة خالص والحوارات والكلام ده او بمعنى اصح مالوش في المنصب ده خالص
احمد شفيق لا يختلف اتنين على نزاهته ونظافة ايده بما فيهم المعارضة
انا بحكم شغلي بسافر كتير من سنة 2001 كل شهر تقريبا مرتين وشاهد على اللي هو عمله في مصر للطيران والمطارات
بس للاسف هو جه في الوقت والمكان غير المناسب ومبارك ضيعه هو وعمر سليمان

كلام سليم ميتين الميه
هو الرجل الغير المناسب في الوقت الغير مناسب والمكان الغير مناسب
معلش اهو مشي بس كنت شايف ومستني منه انه يمشي بكرامته من بدري