رابطة مالكى الفليشيا

**amrsoudy** · 27-05-2012 09:25 AM

شكرا يا جماعه علي المساعده بجد مشاركتكم تحفه

انا محتاج مساعده من نوع اخر انا محتاج ابيع العربيه ضروري جدااااااااااا شكودا 96 لظروف طارقه والله مكنت ناوي افرط فيها ابدااااااااااا المهم انا من الاسكندريه انا بس مش عارف المفروض تتباع بكام هيه حالة الماتور كويسه جداااااااا كلام الميكانيكي فارجوكم تساعدوني ان تشوفوا حد عايز يشتري 01092005480

**mostafa hassan** · 27-05-2012 10:15 AM

المشاركة الأصلية كتبت بواسطة sakr1964

شوف شيل سربنتينة التكييف اللى هى شبه الريداتير وغير الريداتير باخر الألمنيوم ودا سعرة 175 جنية وانسى السخونة حتى فى بئونه........

انا فكيت السربنتينه امبارح وطلعت عيني بس الحمد لله عرفت افكها.
وطلعت اجرب امبارح والنهارده والحمد لله مؤشر الحراره مبيوصلش ل 90
بس انا لسه مشترتش غطاء القربه . بس لو حبيت اشتريه اشتريه منين ويعمل كام.
وشكرررررررا

**المنسي** · 27-05-2012 03:35 PM

المشاركة الأصلية كتبت بواسطة eng_gouda2000

مشكلة يا جماعة وارجو المساعدة فى الحل

أولا أنا لسة بتعلم السواقة من يومين دورت العربية وسخنتها وفي أنتظار واحد صاحبي بيعلمني السواقة
المهم الراجل مجاش وكانت العربية دايرة راحت مبطلة لوحدها قولت يمكن عادي حاولت أدور تاني مدارتش رحت مكارك بنزين العربية شرقت سبتها لتاني يوم الصبح العربية دارت خرجت بيها لبتاع الكاوتش بطلت مني هناك

ومن ساعتها والعربية عطلانة واحد قالي دة الاسبراتير قاطع كهرباء

اللمهم أنا معدنيش خلفية عن أى حاجة فى العربية

وبصراحة مش عاوز أى حد يفتح العربية ويعك فيها

هل أى ميكانيكي عادي ممكن يحل مشكلة الاسبراتير

ولا أوديها لمتخصص سكودا وبصراحة معرفش حاجة عن الميكانيكية ولا الصنايعية ومش عاوز حد ينصب عليا

قولت أرجعلكم لو حد يعرف ميكانيكي شاطر فى سكودا وممكن يجي معايا حلوان يبقي كتر خيرة علشان العربية مش دايرة

ارجو منكم النصيحة علشان ياجماعة أنا زهقت وقربت أخد قرار ببيع العربية
العربية بالمناسب فيها تنقيط بسيط من الردياتير وكنت خارج أعملة والعربية عملتها معايا وكمان عندي تنقيط زيت من الفتيس ممكن الاويل سيل أو أى حاجة تانية

معلش أنا طولت عليكم بس والله ياجماعة أنا حزين أوي أوي علشان اللي بيحصلي دة وكمان أغلب أصحابي اللى عندهم خبرة فى العربيات حاسس أنهم بيهربو مني وبيتنكرو لي ومش عارف أعمل أية وفكرت أبعها بخسارة
مع العلم والله ياجماعة كل اللي شاف العربية شكرلي فيها موتور وعفشة وشاسية وصالون ودهان خارجي فرن حديث وانا متمسك بيها جداً بس من قلة الخبرة ممكن تعقدني نفسياً
أسف طولت عليكم

الاول شوف كهربائى كويس يكشف لك على البطارية والدينامو وبعدين مرحلة الاسبراتير اما موشوع زيت الفتيس امره سهل هتجيب اويل سيل اصلى تمنه 20 جنيه والميكانيكي يركبه ويستحسن تغير زيت الفتيس معاه لو بقاله كتير

**sakr_skoda** · 29-05-2012 11:15 PM

المشاركة الأصلية كتبت بواسطة mostafa hassan

انا فكيت السربنتينه امبارح وطلعت عيني بس الحمد لله عرفت افكها.
وطلعت اجرب امبارح والنهارده والحمد لله مؤشر الحراره مبيوصلش ل 90
بس انا لسه مشترتش غطاء القربه . بس لو حبيت اشتريه اشتريه منين ويعمل كام.
وشكرررررررا

الحمد الله رب العالمين @@@@@ ياريت بقى تحافظ على السربرتينة اللى فكتها بلاش تركنها فى مكان مهمل زى واحد صاحبك خدوها العيال باعوها لبتاع الخردة ب10 جنيه ههههههههههههههههه

**benmatar** · 30-05-2012 03:59 PM

المشاركة الأصلية كتبت بواسطة hassancotton71

تاريخ التسجيل: Dec 2011
المشاركات: 29
شكراً: 0
تم شكره 7 مرة في 6 مشاركة
السلام عليكم انا حسن احمد
اسكندرية
السيارة الحالية: فيلشيا 96

السلام عليكم اهل الخبرة في منتدنا الجميل هل ممكن تركيب لمبات للفوجات100A اللي ركبين 55A ولايكونوا عليين ويسيحوا الزرار مع العلم انا مركب كتاوت للنور العالي معلش سؤال تاني المكان اللي بيدخل فية حزام الامان الزرار الاحمر داخل لجوة وعلطون والحزام مش بيسبت بيرجع وشكرا

حكاية زرار الأمان اللي مش بيرجع فعلا حصلتلي
رشيت سبراي wd-40 والنتيجة ممتازة
بقى زي الفل وسوستته ناعمة، رش شوية في قلب الترباس ودوس وسيب الزرار الأحمر ويبقى تمام

**benmatar** · 30-05-2012 04:02 PM

المشاركة الأصلية كتبت بواسطة gorganites

الشباب العربية عندي عداد البنزين ما بيتحركش ورحت للكهربائي كشف على العوامة وقالي العداد بايظ
ورحت سالت على عداد لوحده مش لقيت فحد يعرف الحل واذاكنت هاشتري تابلوه يعمل كام فليشيا 95

الموضوع ده متكرر في الفيليشيا كتير والسبب بيكون من العوامة على الأرجح وفي أغلب الأحيان وعلاجه تنظيف العوامة عشان جزء من حساس المستوى النحاسي بيكون عليه رواسب

**hassancotton71** · 30-05-2012 06:22 PM

شكرا استاذbenmatar علي ردك السريع انا عملت موضوع WD40 ولايوجد اى تاثير وهل حضرتك عندك اى معلومة عن اللمبات 100Wللفوجات او اي حد من من فرسان الفيلشيا وشكرا

**sakr_skoda** · 30-05-2012 09:20 PM

المشاركة الأصلية كتبت بواسطة gorganites

الشباب العربية عندي عداد البنزين ما بيتحركش ورحت للكهربائي كشف على العوامة وقالي العداد بايظ
ورحت سالت على عداد لوحده مش لقيت فحد يعرف الحل واذاكنت هاشتري تابلوه يعمل كام فليشيا 95

عندى عداد البنزين لو محتاجة بس اعرف حضرتك عنوانك ايه؟؟؟