رابطة مالكى الفليشيا

**mostafa hassan** · 24-05-2012 09:52 PM

عندي مشكله تانيه ( انا عارف اني بسال كتير بس ده علشان لسه معنديش خبره )
المهم , انا عندي صوت العربيه عالي وحاسس ان ده صوت شكمان بس مش متاكد من كده علشان الصوت بيكون عالي بس وانا ماشي وبزود بنزين لكن لو انا واقف وبزود بنزين الصوت مش بيكون عالي بنفس الطريقه, تنصحوني اعمل ايه
وشكرا جدا للجميع.

**sakr_skoda** · 24-05-2012 10:02 PM

المشاركة الأصلية كتبت بواسطة mostafa hassan

انا رحت عملت ترصيص للعجل الامامي النهارده عند مبروك غطاطي وجربت بعديها وصلت لسرعه 120 وزي الفل مفيش رجه خلاص واتكلفت بس 10 جنيه
شكرا علي المساعده

الحمد لله رب العالمين....*

**sakr_skoda** · 24-05-2012 10:10 PM

المشاركة الأصلية كتبت بواسطة mostafa hassan

عندي مشكله تانيه ( انا عارف اني بسال كتير بس ده علشان لسه معنديش خبره

)
المهم , انا عندي صوت العربيه عالي وحاسس ان ده صوت شكمان بس مش متاكد من كده علشان الصوت بيكون عالي بس وانا ماشي وبزود بنزين لكن لو انا واقف وبزود بنزين الصوت مش بيكون عالي بنفس الطريقه, تنصحوني اعمل ايه
وشكرا جدا للجميع.

شوف ياسيدى احنا هنا فى الخدمة 24 ساعة لوجه الله تعالى فلا تتحرج فى ان تسال عما تشاء فى اى وقت شئت....

انتا علشان تعرف سبب المشكلة اختبر الشكمان حتكلى ازاى بسيطة دور العربية وانزل روح عند الشكمان من الخلف واكتمة بالجزمة لو صوت العربية اتخنق يبقى الشكمان تمام التمام لو صوت العربية عادى ذى مهوا متغيرش يبقى الشكمان منفس وغالبى بيبقى منفس من عند فلنشة الشكمان اللى بتربط فى الموتور ودى بيها اربع مسامير 12 او 13 راجع عليهم كدا ممكن تلاقى واحد منهم سقط ركب صمولة تانية وحرق على كل المسامير لو اتحلت المشكلة يبقى خير لو منحلتش يبقى لازم تزور ورشة الشكمان....

طيب بعد كل دة لو المشكلة مستمرة يبقى راجع على قواعد الموتور ....

**المنسي** · 25-05-2012 01:51 AM

المشاركة الأصلية كتبت بواسطة amrsoudy

طيب انا جبت ميه خضرا سعودي امبارح ب 15 جنيه الجيركن والله الراجل قالي كويس استخدمه ولا بلاش ؟ ~ واسعار الزيوت اللي اتقالت دي بكام وانهي افضلهم لسكودا 96

نصيحة بلاش المية الخضرا السعودى هتبهدلك الدنيا كنت بحطها وبعد فترة لقيت لون المواسير اللى الخراظيم واصلة عليها لقيت لونها بقي احمر وفيه ناس كانت حذرتنى منها عايز مية خضرا كويسة يتخليك فى الاسبانى ماركة iada يا اما موبيل بس موبيل هتلاقيه غالى الجركن ب 67 او 68 حاجة زى كده الاسبانى بجيبه عندى من بنزينة شل ب 38 جنيه وزى الفل ومش بيتبخر بسرعة اما اسعار الزيوت انا بستخدم شل الجركن الاصفر وعامل 116 جنيه

**المنسي** · 25-05-2012 01:58 AM

المشاركة الأصلية كتبت بواسطة sakr1964

شوف ياسيدى احنا هنا فى الخدمة 24 ساعة لوجه الله تعالى فلا تتحرج فى ان تسال عما تشاء فى اى وقت شئت....

انتا علشان تعرف سبب المشكلة اختبر الشكمان حتكلى ازاى بسيطة دور العربية وانزل روح عند الشكمان من الخلف واكتمة بالجزمة لو صوت العربية اتخنق يبقى الشكمان تمام التمام لو صوت العربية عادى ذى مهوا متغيرش يبقى الشكمان منفس وغالبى بيبقى منفس من عند فلنشة الشكمان اللى بتربط فى الموتور ودى بيها اربع مسامير 12 او 13 راجع عليهم كدا ممكن تلاقى واحد منهم سقط ركب صمولة تانية وحرق على كل المسامير لو اتحلت المشكلة يبقى خير لو منحلتش يبقى لازم تزور ورشة الشكمان....

طيب بعد كل دة لو المشكلة مستمرة يبقى راجع على قواعد الموتور ....

+111111111

**sakr_skoda** · 25-05-2012 11:21 PM

المشاركة الأصلية كتبت بواسطة mostafa hassan

انا فعلا رحت اكشف علي الشكمان النهارده
الراجل قالي زود يابيه ونزل تحت العربيه
المهم قالي الفلنشه مش مظبوطه ولازم تركب سوسته علشان الفلنشه فيها مشكله
والسوسته مستورده من عنده بالتركيب 120 جنيه او اشتري سوسته جديحه بالتركيب ب 100 جنيه فانا قلتله هشوف وارجعلك فقالي قبل ما امشي لما تيجي هحسبلك المستورده ديه ب100 مش 120.
المهم، اناسيبته ومشيت ورحت راكن في حته فاضيه ورحت رافع العربيه ورامي الدواسه تحت العربيه ورحت نازل لقيت مسمارين في الفلنشه واحد موجود والتاني مش موجود فكان معايا مسمار زيه بالصدفه ربطه كويس ورحت طالع اجرب لقيت الدنيا زي الفل وتمام

ههههههههههههههههههههههههه ههههههه شفت ياعم اشتغالات من اولاد ايه انا مشقلتلك مسامير الفلنشة ممكن يكون مسمار ساقط او مهوى....*

بس والله برافو عليى انك عملت كده ....*

اه على فكرة السوسته ثمنها 35 جنية وتركيبها قول 30 يبقى المجموع 75 جنيه

**أحمد جودة** · 26-05-2012 11:27 AM

مشكلة يا جماعة وارجو المساعدة فى الحل

أولا أنا لسة بتعلم السواقة من يومين دورت العربية وسخنتها وفي أنتظار واحد صاحبي بيعلمني السواقة
المهم الراجل مجاش وكانت العربية دايرة راحت مبطلة لوحدها قولت يمكن عادي حاولت أدور تاني مدارتش رحت مكارك بنزين العربية شرقت سبتها لتاني يوم الصبح العربية دارت خرجت بيها لبتاع الكاوتش بطلت مني هناك

ومن ساعتها والعربية عطلانة واحد قالي دة الاسبراتير قاطع كهرباء

اللمهم أنا معدنيش خلفية عن أى حاجة فى العربية

وبصراحة مش عاوز أى حد يفتح العربية ويعك فيها

هل أى ميكانيكي عادي ممكن يحل مشكلة الاسبراتير

ولا أوديها لمتخصص سكودا وبصراحة معرفش حاجة عن الميكانيكية ولا الصنايعية ومش عاوز حد ينصب عليا

قولت أرجعلكم لو حد يعرف ميكانيكي شاطر فى سكودا وممكن يجي معايا حلوان يبقي كتر خيرة علشان العربية مش دايرة

ارجو منكم النصيحة علشان ياجماعة أنا زهقت وقربت أخد قرار ببيع العربية
العربية بالمناسب فيها تنقيط بسيط من الردياتير وكنت خارج أعملة والعربية عملتها معايا وكمان عندي تنقيط زيت من الفتيس ممكن الاويل سيل أو أى حاجة تانية

معلش أنا طولت عليكم بس والله ياجماعة أنا حزين أوي أوي علشان اللي بيحصلي دة وكمان أغلب أصحابي اللى عندهم خبرة فى العربيات حاسس أنهم بيهربو مني وبيتنكرو لي ومش عارف أعمل أية وفكرت أبعها بخسارة
مع العلم والله ياجماعة كل اللي شاف العربية شكرلي فيها موتور وعفشة وشاسية وصالون ودهان خارجي فرن حديث وانا متمسك بيها جداً بس من قلة الخبرة ممكن تعقدني نفسياً
أسف طولت عليكم

**sakr_skoda** · 26-05-2012 12:42 PM

المشاركة الأصلية كتبت بواسطة mostafa hassan

ممكن نشوف مشكلتي الثالثه ويارب تتحل
مشكله السخوووووونيه
انا اول لما ابتدي اطلع بالعربيه وامشي بتاع 10 دقائق كده مؤشر الحراره بيوصل ل 70 وبعديها بشويه يزيد شويه ل 90 او 100 وساعتها المروحه بتشتغل اوتوماتيك وتنزل الحراره ل 70 تاني وهكذا تفضل تزيد وتقل طول الطريق
انا عارف اني عندي مشكلتين
1- غطاء القربه بيسرب ميه وانا هجيب واحد النهارده ان شاء الله
2- العربيه كان راكب فيها تكييف بس مشتغلش فالجزء اللي خاص بالتكييف حاجه كده شبه الردياتير معرفش اسمها ايه اعتقد ان ديه مانعه ان اي هواء يعدي علي الردياتير فمفيش تهويه كويسه.

تعتقدو كﻷمي صح ولا ﻷ وايه ممكن اعملو تاني
وشكرا جدا جدا للجميع

شوف شيل سربنتينة التكييف اللى هى شبه الريداتير وغير الريداتير باخر الألمنيوم ودا سعرة 175 جنية وانسى السخونة حتى فى بئونه........

الموضوع: رابطة مالكى الفليشيا

LinkBack

أدوات الموضوع

عرض

-

-

-

-

-

-

المواضيع المتشابهه

رابطة مالكى الـ c4

رابطة مالكى كيا سيراتو

رابطة مالكى الماتريكس

الكلمات الدلالية لهذا الموضوع

المفضلات

المفضلات

ضوابط المشاركة