الدكتور عصام شرف - للرجال مواقف - شاركوا ما تعرفونه عن رئيس الوزراء الجديد

**medo_2060** · 03-03-2011 04:39 PM

الحمد لله انا متفائل بالراجل ... وشكرا لكل من نقل معلومات عنه وخصوصات الاستاذ محمد عز والاستاذ ahmedjumpoالى نقلوا تجربتهم الشخصيه..
ربنا يعينه وبانتظار ما سيقدمه

**M7amD_7amDy** · 03-03-2011 04:56 PM

من خلال قرايتى وتجميع معلومات عنه فأنا بقول انه انسان كويس

ومتفائل بإذن الله وربنا معاه

**otefa** · 03-03-2011 07:13 PM

المشاركة الأصلية كتبت بواسطة hamadahosni

انا كنت بشتغل فى إدى شركات المقاولات التابعة لوزارة النقل ايام ما كان د/ عصام شرف وزير للنقل
الراجل ده كان تقريبا الوزير الوحيد اللي بينزل بنفسه يتابع أحوال القطاعات اللي تابعة لوزارته و مبيستناش تقارير و لا مساعدين
هذكر اكتر من حالة
1 - كنا شغالين في بعض أعمال التطوير في محطة مصر , مرة نزل لوحده من غير اي حراسة و لا موكب و من غير ما حد من قيادات السكة الحديد يعرف , قطع تذكرة درجة تانية لقطر متجه لمنوف على ما اتذكر , و ركب لوحده القطر زيه زي الناس و راح منوف و رجع , و طبعا بعد ما شاف بنفسه الحالة السيئة جدا للقطر و الاهمال, ناس كتير جدا من قيادات السكة الحديد المسئولة عن هذا الاهمال تم تغييرها و معاقبتها.
2- كان بينزل بالليل مترو الأنفاق و برضه يقطع تذكره و يركب زيه زي الناس علشان يتابع حال المترو , و أكتر من مرة ناس تتجازى و تتنقل بسبب الاهمال

كان وزير بتاع شغل و كان بيحاول يصلح بس وقتها ملحقش

أخبار تطمن لحد كبير ..........بس في نقطة لاتقل أهمية في المرحلة الحالية وهي حضوره السياسي ألي بيسقط حكومات بسهولة.

**factorialx** · 03-03-2011 07:22 PM

أنا متفائل جداااااا الحمد لله

مش عشان مدي ثقتي ل د شرف عمياني كده

لأن لما يكون الوزير مسنود من الثوار و واخد قاعده شعبية كبيره هيكون ليه قدرة و جرأه على إتخاذ القرار أكتر من الفريق أحمد شفيق

الدكتور شرف سوف ينجخ بإذن الله

و إن شاء الله هينجح غصبن عن شوية المنتفعين

**otefa** · 03-03-2011 07:27 PM

المشاركة الأصلية كتبت بواسطة factorialx

أنا متفائل جداااااا الحمد لله

مش عشان مدي ثقتي ل د شرف عمياني كده

لأن لما يكون الوزير مسنود من الثوار و واخد قاعده شعبية كبيره هيكون ليه قدرة و جرأه على إتخاذ القرار أكتر من الفريق أحمد شفيق

الدكتور شرف سوف ينجخ بإذن الله

و إن شاء الله هينجح غصبن عن شوية المنتفعين

وأحمد شفيق كان عنده تقريبا نفس القاعدة الشعبية أول ماتنحى مبارك ولكن الثبات الأنفعالي لنسبة لايستهان بها من الشعب المصري غير مكتمل كلمة توديه وكلمة تجيبه. وعلشان كده شبه متأكد أن لسه شوية على ماينفع نمارس الديمقراطية بصورتها المثلى ونصبر نشوف ماتستعجلش في حكمك الراجل لسه ماحلفش اليمين و ماشكلش الوزارة .......ربنا يهدي الأحوال

**kono** · 03-03-2011 07:30 PM

واضح من تعليقات الأعضاء والمقاللاات المنشورة انه رجل محترم
وواضح ان الناس اللى هاجمته هاجمته عشان الطرق وحشة وكلام من هذا القبيل
واعتقد ان في ناس كانت مؤيدة لشفيق لغرض الاستقرار عجبهم د / شرف برضه للاستقرار بس
ونا مؤيدة لشفيق للاستقار هاجمته على طول قبل حتى ما نشوف تشكيل الحكومة بتاعته
وبم ان كتير منا ميعرفش عنه حاجة غير الاخبار اللى اتنشرت الوقت
يبقى اللى هنعمله اننا نستنى تشكيل الوزارة بتاعه ده هيحكم لحد كبير على شخصيته

**نور القمر** · 03-03-2011 07:33 PM

المشاركة الأصلية كتبت بواسطة hamadahosni

انا كنت بشتغل فى إدى شركات المقاولات التابعة لوزارة النقل ايام ما كان د/ عصام شرف وزير للنقل
الراجل ده كان تقريبا الوزير الوحيد اللي بينزل بنفسه يتابع أحوال القطاعات اللي تابعة لوزارته و مبيستناش تقارير و لا مساعدين
هذكر اكتر من حالة
1 - كنا شغالين في بعض أعمال التطوير في محطة مصر , مرة نزل لوحده من غير اي حراسة و لا موكب و من غير ما حد من قيادات السكة الحديد يعرف , قطع تذكرة درجة تانية لقطر متجه لمنوف على ما اتذكر , و ركب لوحده القطر زيه زي الناس و راح منوف و رجع , و طبعا بعد ما شاف بنفسه الحالة السيئة جدا للقطر و الاهمال, ناس كتير جدا من قيادات السكة الحديد المسئولة عن هذا الاهمال تم تغييرها و معاقبتها.
2- كان بينزل بالليل مترو الأنفاق و برضه يقطع تذكره و يركب زيه زي الناس علشان يتابع حال المترو , و أكتر من مرة ناس تتجازى و تتنقل بسبب الاهمال

كان وزير بتاع شغل و كان بيحاول يصلح بس وقتها ملحقش

كلام جميل
بس نفس الكلام اتقال على احمد شفيق
والراجل طلع تكنوقراطي ومالوش في السياسة
على عصام شرف دلوقت اثبات كفاءته كرجل سياسي قادر على ادارة مهام شاقة

**factorialx** · 03-03-2011 07:42 PM

المشاركة الأصلية كتبت بواسطة otefa

وأحمد شفيق كان عنده تقريبا نفس القاعدة الشعبية أول ماتنحى مبارك ولكن الثبات الأنفعالي لنسبة لايستهان بها من الشعب المصري غير مكتمل كلمة توديه وكلمة تجيبه. وعلشان كده شبه متأكد أن لسه شوية على ماينفع نمارس الديمقراطية بصورتها المثلى ونصبر نشوف ماتستعجلش في حكمك الراجل لسه ماحلفش اليمين و ماشكلش الوزارة .......ربنا يهدي الأحوال

و بعدين ... عمر سليمان تانييييييييييييييي مش مستعدين للديموقراطية

الموضوع مش محتاج ثبات إنفعالي إستطالي تثاقلي و لا حاجه

الفكره إن يمكن إعتبار الثوار صمام أمان للوطن مع المجلس العسكري
لما مبارك يغير رئيس وزرا تحت الضغط أكيييد هيكون ليه شعبية
لما الثورة تشيل مبارك و شفيق و تجيب رئيس وزراء الثوار مقترحينه أكييد شعبيته هتعدي أحمد شفيق بمراحل
في ثقه و روح جديده و رئيس الوزراء هينجح لإن لما يكون ليك قاعده شعبية غير لما تكون محسوب على نظام أسقطته ثورة

أما إن المصريين كلمة و توديهم و كلمه تجيبهم ده كلام مرفووووض جملة و تفصيلا و نغمه قديمه و إسطوانة متكسرة