ثوار نايل موتورز - أنا أييد د/ عصام شرف رئيس وزراء مصر - من معي؟

**Everlasting** · 03-03-2011 10:06 PM

المشاركة الأصلية كتبت بواسطة نور القمر

مؤيده له الى ان يثبت وجوده وحنكته السياسية وقدرته على ادارة الامور

+111111

**otefa** · 03-03-2011 10:06 PM

المشاركة الأصلية كتبت بواسطة ahmedjumpo

بس فيه نصيحة يا ريت ماينجرش انه يطلع فى التلفزيونات و يعمل مقابلات كتير لان كتر الظهور بيحرق شخصية اى احد و بيعطى البعض فرصة تصيد اى جملة او فعل للهجوم عليه

أفضل شيئ فعلا ممكن يتبع أسلوب القوات المسلحة في أصدار بيانات على التلفزيون أو على موقع مجلس الوزراء

**medo2o1o** · 03-03-2011 10:13 PM

مؤيد لحين اثبات ذاته بشرط اساسى حل امن الدولة و وزير داخلية مدنى
بالاضافة للوزراء اللى لازم يمشوا

**waelfarid** · 03-03-2011 10:26 PM

د كتور مهندس عصام شرف
اذكر له خبر اول ما مسك مقدرش انساه ايام مكان وزير للنقل ركب مترو الانفاق من غير محد يعرفه من الناس اللي بتحب تستكشف علشان تحل المشكلات للناس مش قاعد في برج عاجي
ربنا يوفقه للاختيارات الصح ويعدي بينا المرحلة دي بسلام للافضل
وتحيا مصر وشعب مصر ايد واحده جسد واحد قلب واحد
مطلوب انكار الذات من كل واحد والعمل لبناء مصر
ولا للمصالح الشخصية الانانية
نظرة شاملة
وربنا يكفينا شر اتباع النظام السابق والمصرين علي الخراب نرجو ان ربنا يهديهم للحق أو ياخدهم

**misoalex** · 03-03-2011 10:54 PM

المشاركة الأصلية كتبت بواسطة د.أبونضال

يا جماعة لا يجب أن نرفع سقف توقعاتنا من الحكومة القادمة إلى هذا الحد... هذه حكومة إنقاذ وطني تهدف للعمل على استقرار الأوضاع

بالظبط يا فندم
الحكومه الحاليه حكومه انقاذ

ليها ادوار وواجبات مهمه لازم تعملها

حكومه البناء حتيجى بعد اختيار رئيس جمهوريه له برنامج وخطه الحكومه حتمشى عليها بعد كده

اما عن سؤال صاحب الموضوع فأنا معرفش شخصيته واول مره اسمع عنه انهارده وبرضه محدش حيحكم عليه الا لما نشوف حيعمل ايه فى المصايب الموجوده فى البلاد حاليا

ربنا يقويه بجد على اللى موجود فى البلد دلوقتى

**mahmoud_magdy** · 03-03-2011 10:58 PM

انا مؤيد لاي شخص ايا كان من هو بشرط انه يكون في مصلحة الوطن اولا واخيرا

**misoalex** · 03-03-2011 11:00 PM

المشاركة الأصلية كتبت بواسطة otefa

قولو يارب مايسقطش سياسيا زي شفيق
على المستوى العملي محتاج يظهر له أعمال على أرض الواقع زي شفيق تطوير 54 مطار....نجاح أداري مادي ملموس

ههههههههههههههههههههههههه ههه يارب فعلا يحقق الى الشعب نفسه فيه
واهم حاجه عشان الناس تستريح هو الامن والامان
لان الناس التانيه كنت بتحاربنا بالسلاح ده

لو الراجل ده اول خطوه اخدها انه يظبط الداخليه يبقى ان شاء الله الشعب حيحبه

وربنا يعمل اللى فيه الخير

**Donzi** · 03-03-2011 11:18 PM

مؤيدة و مستبشرة فيه خير ان شاء الله و خاصة انه كان مرشح من بين اتنين من قبل شباب ائتلاف الثورة

شباب ائتلاف الثورة اقترحو الاسمين دول على المجلس الاعلى للقوات المسلحة م/ عصام شر و د/ حازم الببلاوي و المجلس اختار م/ عصام شرف

ربنا يجعل في قدومه الخير على مصر و المصريين يا رب