الموضوع: ثوار نايل موتورز - أنا أييد د/ عصام شرف رئيس وزراء مصر - من معي؟

المشاركة الأصلية كتبت بواسطة wael17

رفض الناس ام رفض ائتلاف شباب الثورة؟ حضرتك مثلا لو نزلت سألت الراجل اللي ماشي في الشارع او سواق التاكسي كانوا بيقولوا مش عايزين شفيق ؟

معلش هو اللي اتفهم ان شفيق تلميذ مبارك في الفساد و السرقة و الديكتاتورية و لا تلميذه عشان قضي جزأ كبير من حياته في سلاح الجو تحت قيادة مبارك؟ اللي اعرفه ان شفيق لم يكن سياسيا و لم نسمع له ارء سياسية علي مدار العشرين سنة الماضية قبل ان يصبح رئيس وزراء بعكس عصام شرف الذي شغل منصب عضو لجنة سياسات في الحزب الوطني
و هل كون شفيق تلميذ مبارك في سلاح الطيران يعني ان جميع القادة في سلاح الجو الذين خدموا في الستينات و السبعينات مشكوك في ذمتهم؟ الا يوجد منهم من يحكمنا الان في المجلس العسكري؟

حضرتك انتقائي جدا في ردودك. يعني سبت الرد كله و مسكت في كلمة بطريقة لا تقربوا الصلاه.

و بعدين أحب أسأل حضرتك سؤال مباشر, اشمعنى التشكيك في شفيق كنت شايفه مش حيخلي البلد تستقر و دلوقتي بتستميت عشان تقوم الناس على شرف؟؟؟؟؟؟

المشاركة الأصلية كتبت بواسطة ahmedjumpo

++++++++++++++++++++++++1
و اضيف ان بعض الاخوة من مؤيدى الفريق شفيق كانت اهم دوافعهم الاستقرار دون النظر الى الماضى و ان مش فارق معاهم مين اللى يمسك
و الان بعد ما رحل و جاء رئيس وزراء جديد بداءوا يهاجموه و يبحثوا فى تاريخه و مع ذلك لم يمسكوا عليه سوى انه كان فى لجنة السياسات بالحزب الوطنى و لو دققوا فى سيرته الذاتية سيجدوا ان الرجل ليس له علاقات مشبوهة برجال اعمال فاسدين و انه عمل خارج مصر فى الامارات و السعودية لأوقات كثيرة ثم استاذا بكلية الهندسة و ان احد اهم اسباب خروجه من الوزارة هى محاربة ممدوح اسماعيل له بسبب فتح ملف العبارات من قبل الدكتور عصام شرف
كل ما سبق بعض الاخوة تناسوه و بداءوا فى الهجوم على الدكتور عصام شرف و تناسوا دعوات الاستقرار اللى كانوا ينادوا بها و انها مش فارقة مين يمسك المهم نخلص من الاوضاع الحالية
يا سبحان الله على تغير المواقف

فعلاً ... طبعاً كان في ناس مش فارقة معاهم حاجة بس الدنيا تمشي.
بس في ناس كانت بتأييد شفيق بحجة الاستقرار ودلوقتي عاملين مظاهرات وبيشككو في عصام شريف زي ما حضرتك بتقول.

شفيق كان بدون أدنى شك عندي كان مشروع مبارك جديد بس الحمد لله تم احباطه.

المشاركة الأصلية كتبت بواسطة hh

حضرتك انتقائي جدا في ردودك. يعني سبت الرد كله و مسكت في كلمة بطريقة لا تقربوا الصلاه.

صدقني لا املك الوقت للرد علي كل نقطة من كل مشاركة من كل من موضوع من كل عضو
عشان كده بارد علي بعض النقاط الي شايف انها مهمة من وجهة نظري

المشاركة الأصلية كتبت بواسطة hh

و بعدين أحب أسأل حضرتك سؤال مباشر, اشمعنى التشكيك في شفيق كنت شايفه مش حيخلي البلد تستقر و دلوقتي بتستميت عشان تقوم الناس على شرف؟؟؟؟؟؟

بالنسبة لحكاية اني استميت عشان أقوم الناس علي شرف مش عارف وصلت لك ازاي؟؟؟؟؟؟؟؟؟
انا اتفاجأت زي ناس كتير من مؤيدي عصام شرف انه كان عضو سابق بلجنة السياسات بالحزب الوطني
ده حتي في عضو من مؤيدي عصام شرف شرف قال انها اكيد اشاعة من اللجنة الالكترونية للحزب الوطني

المهم..انا لا مؤيد ولا معارض لعصام شرف لاني ببساطة مقتنع ان المسؤل يحكم علي اداءه بعد ان يعمل و ليس قبل ان يعمل و الراجل لسه ما شفناش هايعمل ايه في المشاكل الي فشل شفيق في حلها
لما نشوف هايعمل ايه للبلد نبقي نحكم عليه
لكن اسلوب الحمل علي الاعناق و التهليل لمسؤل لم يتسلم منصبه بعد...مليش فيه بصراحه

اللي اعرفه اننا عملنا الثورة دي عشان نبقي زي الدول المتحضرة و لما يجي مسؤول نشوف في الاخر شغله و لو في صالح البلد نقول له شكرا علي اداء واجبك و لو اخطأ يحاسب
لكن نشيله فوق الاعناق من الأول كده يبقي بنرجع بمصر لعصور ما قبل 25 يناير

المشاركة الأصلية كتبت بواسطة moh.abdelbaset

المشكلة مش في عصام شرف و لا في أحمد شفيق
و لكن المشكلة أنا عايز أعرف إيه معيار الثوار في الحكم على الناس
هل عضوية الحزب الوطني معيار؟ طب شفيق مكانش عضو و عصام شرف كان عضو
هل تعييين مبارك معيار؟الاثنين تم تعيينهم من قبل و أقسموا اليمين أمامه من قبل
هل السمعة الطيبة؟ الاثنين سمعتهم طيبة
هل الانجازات؟ شفيق قعد 9 سنين و غير فعلاً تغيير ملحوظ في الطيران المدني
طيب ما عصام شرف قعد سنة و معملش حاجة برضه..في ناس هتقول و هو يعمل إيه في السنة دي و إن السنة دي مدة قليلة
طيب ما شفيق قعد شهر و كان المطلوب منه يصلح البلد كلها مش النقل بس و الناس مصبرتش عليه و قالت شهر كتير
هل رضا الثوار؟شفيق مش راضيين..عصام شرف راضيين

على العموم أنا شايف إن أي حد يمسك لابد من إعطائه فرصة و تهيئة الجو المناسب له للعمل الجاد سواء كان شفيق أو شرف أو غيرهما.

الحكم على العقلية ... طريقة التفكير.

شفيق كان من أول يوم باين عليه عايش في برج عالي.
استهزاء بالثورة واستخفاف بالمطالب.
وطبعا ظهرت حقيقته بكل وضوح في اللقاء التلفيزيوني. شخصية متعجرفة ومغرورة بشكل كبير وظهر الكلام ده أثناء غضبه.
لكن ناس كتير اتخدعت بشوية نعومة في كلامه مع انها مصحوبة بتعامل بفوقية.

على العكس دكتور عصام شرف تحس انه متباسط ومتفهم لمطالب الثورة.

وده المطلوب في الفترة الحرجة دي.