الموضوع: ثوار نايل موتورز - أنا أييد د/ عصام شرف رئيس وزراء مصر - من معي؟

المشاركة الأصلية كتبت بواسطة ehab_mansour

انا شايف ان النقطة الوحيدة المتفق عليها الأخوة الثوار في عصام شرف هي انه :-
1- شارك في الثورة
2- متفق عليه الثوار عشان شارك في الثورة
انجازات مش لاقي حاجه وكل الكلام اللي كتبينه مافيش منه حاجه علي الواقع
بصراحة انا شايف ان شفيق انجازاته اكتر واكثر نجاحا ولكن عيوبة :-
1- لم يشارك في الثورة (وماكانش ينفع اصلا لأنه وقتها كان وزير وبعدين رئيس مجلس وزاراء)
2- لم يرضي عنه (الثوار) لأنه صرح بتصريحات مش عجباهم

للأسف محبط ومش عارف الناس دي هتودينا علي فين
يارب رحمتك

مع احترامي لرأيك...عصام شرف لم يتفق عليه الثوار و انما تم فرضه علي الجميع من ائتلاف الثورة...لم اجد ذكر لاسمه في المنتدي هنا قبل تكليفه رئاسه الوزارة...هل تمت مناقشات بخصوصه هنا في المنتدي قبل اعلان اسمه؟ ام ان المنتدي لا يوجد به ثوار؟؟؟؟؟؟

علمت فيما بعد انه كان عضو في لجنه السياسات بالحزب الوطني في الماضي و بالتالي هو احد رجال النظام القديم و الحزب الوطني و هي نفس التهمة التي اسقطت شفيق

بالنسبة للحمل علي الاعناق اعتقد اننا قمنا بهذه الثورة لنختار من يحكمنا و نتوقف عن التهليل لاشخاص لم نري منهم شيء بعد في الموقع الجديد الذي شغلوه
ساكون اول المؤيدين لعصام شرف اذا اثبت كفاءته في موقعه الجديد و لن اهلل له و هو لم يحلف اليمين بعد
بالله عليكم لا تعودوا بن لعصور ما قبل 25 يناير

اؤيد المهندس اسماعيل شرف وربنا يكفينا شر المظاهرات الفئوية .

ده نص مشاركة كتبتها في موضوع تاني ردا على اللي زعلان ان الناس اللي رفضت شفيق رحبت بعصام شرف.

غريبة قوي هي دعوات الاستقرار لحكومة شفيق بس, انما الدكتور المحترم عصام شرف المفروض نشكك فيه من قبل حتى ما يشكل الحكومة؟؟؟؟؟؟؟؟؟؟؟؟؟؟؟

عموما من غير لعب بالألفاظ, رفض الناس لشفيق لأنه و من لسانه تلميذ نجيب لمبارك. رفض الناس لشفيق لأنه أعلن مرارا و تكرارا تأييده لمبارك و رفضه لتنحيه. رفض الناس لشفيق لعدم اعترافه بالثورة و مطالبها من البداية, ازاي يبقى من القائمين على تنفيذ المطالب دي؟؟؟ رفض الناس لشفيق لأنه وزير في عهد مبارك لمدة 9 سنوات متتالية ثم مكلف برئاسة الوزراء من مبارك شخصيا, بمعنى أخر هو شخص متوافق تماما مع نظام مبارك و متوافق مع سياساته المختلفة. رفض الناس لشفيق عشان عدم قدرته على اثبات مصداقية تصريحاته منذ تولى الوزارة بداية من التعهد بحماية المتظاهرين بالتحرير ثم التعهد بملاحقة مهاجميهم و التعهد بعدم التستر على الفساد.......الخ. رفض الناس لشفيق لمحاولته الألتفاف على مطالب الناس في التغيير الوزاري الأخير الذي قام به و الأصرار على وجوه مرفوضة من الناس.

كفاية الأسباب دي و لا اشرح كمان؟؟؟؟؟؟؟؟؟؟؟؟ لو الكلام اللى فوق ده ينطبق على الدكتور المحترم عصام شرف, اتهموا الناس بالتناقض.

المشاركة الأصلية كتبت بواسطة mertahgedan

اؤيد المهندس اسماعيل شرف وربنا يكفينا شر المظاهرات الفئوية .

اسمه عصام شرف...بس معلش انا كمان كنت بالخبط في اسمه لان اسمه لم يذكر في الايام الماضية كمرشح لرئاسة الوزارة و كانت مفاجأة لنا كلنا و رغم ذلك في ناس بتقول الثوار و الشعب اجمع عليه

المشاركة الأصلية كتبت بواسطة hh

عموما من غير لعب بالألفاظ, رفض الناس لشفيق لأنه و من لسانه تلميذ نجيب لمبارك

رفض الناس ام رفض ائتلاف شباب الثورة؟ حضرتك مثلا لو نزلت سألت الراجل اللي ماشي في الشارع او سواق التاكسي كانوا بيقولوا مش عايزين شفيق ؟

معلش هو اللي اتفهم ان شفيق تلميذ مبارك في الفساد و السرقة و الديكتاتورية و لا تلميذه عشان قضي جزأ كبير من حياته في سلاح الجو تحت قيادة مبارك؟ اللي اعرفه ان شفيق لم يكن سياسيا و لم نسمع له ارء سياسية علي مدار العشرين سنة الماضية قبل ان يصبح رئيس وزراء بعكس عصام شرف الذي شغل منصب عضو لجنة سياسات في الحزب الوطني
و هل كون شفيق تلميذ مبارك في سلاح الطيران يعني ان جميع القادة في سلاح الجو الذين خدموا في الستينات و السبعينات مشكوك في ذمتهم؟ الا يوجد منهم من يحكمنا الان في المجلس العسكري؟