الموضوع: الميكروباص خبطني وجري وخدت حقي

المشاركة الأصلية كتبت بواسطة felix

مساء الفل
بالرغم ان الغبي ده خبطلي العربية الا اني فرحان علشان زعلتو في الميكروباص بتاعو


الموضوع كالاتي اني كنت في المطرية عند قريبي وراجع لعين شمس و طبعا اللي ساكن هناك عارف مزلقان عين شمس بيبقى عامل زي العجينة وكلو داخل في بعضو

المحروس طبعا وانا وقفين جمب بعض في الزحام في نزلة الكوبري هو على شمالي وعايز يدخل مكاني بالعفية المهم خبطلي الرفرف الامامي شمال و حك الاكصدام
طبعا مرضيتش اتكلم معه بس جيت جمبو وقلتلو بالحرف " على الله اشوفك في عين شمس "

روحت مروح على البيت بعد عذاب طبعا ولقيت جماعة صحابي تحت البيت عندي حكتلهم على الموضوع واتفقنا نستنا السواق لحد مايجي بما انو خط المطرية-المرج وطبعا بيمر بعين شمس يعني هايجي هايجي

استنينا عند ابو الدهب في شارع عين شمس واستنينا المحروس يجي وطبعا هو اكيد كان متوقع حاجة زي دي
شافنا واقفين ناس كتير راح داخل طاير طبعا علشان منعرفش نوقفو بس على مين بقى
الدنيا طبعا زحمت قدام واتضطر انو يقف غصب عنو روحنا طلعنا على السواق والتباع و3 من اصحابهم
مسكناهم عدمناهم العافية وكسرنا لو العربية والبربيز والشبابيك الجانبية و الفوانيس وخدنا منهم رخصة العربية لان مكانش معه بطاقة او رخصة حتى وكمان الميكروباص كان داير بالسلكتين من غير مفتاح وخدنا حوالي 140 جنيه كمان


بعد ده كلو فرحت شوية بس من جواية كنت حاسس ان احنا زودناها شوية خصوصا ان الركاب اتفزعو من اللي حصل بس بصراحة فئة مستفزة جدا جدا وكان في واحد صحبي اقترح انو يتصل بالجيش يسلمهم على اساس انهم بلطجية ومعهمش رخص ولا بطايق وكدة بس قولت لا حرام وكفاية كدة عليهم


ايه رايكو في اللي عملتو
هل كدة صح ولا زودتها شوية؟؟

اكيد السواق غلطان لكن انت استخدمت نفس اسلوب البلطجية والخارجين عن القانون ولو فيه قانون صح فى البلد دي انت لازم تتحاكم انت والسواق

طيب نفرض ان الواد دة راح لصاحب العربية وحمل الميكروباص شوية صيع معاهم سلاح وعرفو بيتك هتعمل ايه ساعتها لو عملولك كمين لاقدر الله

مينفعش نرد الغلط بغلط اكبر كنت خد حقك وخلاص لان الانتقام مابينتهيش