الموضوع: الميكروباص خبطني وجري وخدت حقي

ربنا يكون في عونك
ان شاء الله فرجوه قريب

على فكرة حصل نفس الموقف بتاعي ده من كام يوم والراجل طبعا اخد حقوه تالت ومتلت والمشكلة ان النقيب والعساكر على المزلقان عارف ان في خناقة وسواق ميكورباص بيندبح بس ولا اتحركوه ولا عملوه حاجة

المشاركة الأصلية كتبت بواسطة elawany13

هيه فوضى

هو حضرتك مش عايش في مصر وعارف انها فوضى؟؟

انا مش كدة علشان اجيب حقي بالطريقة دي بس للاسف مفيش حد يجيب حقي غيري في البلد دي
واتمنى ان الاوضاع تتغير للاحسن بس طبعا كلوه بوقتوه

المشاركة الأصلية كتبت بواسطة ahmedfathi

مع كامل احترامى لكل الناس اللى بتهاجم أخونا فيلكس. احب اقول ان اللى عمله ده صح 100 فى ال100 لان الناس اللى بتهاجمه دى ما تعرفش الحقيقه .

الناس الوحيدين اللى يعرفوا الحقيقه هما اللى ساكنين على الخط بتاع المطريه - المرج وبما انى ساكن فى المرج عايز اقول ان سواقين الميكرباص على الخط ده كلهم وبلا استثناء حراميه وبلطجيه وممعهمش بطايق ولا رخص وبيشربوا مخدرات دا اذا ما كنوش مسجلين خطر اساسا


وبيمشوا يتسابقوا مع بعض على الطريق ويقعدوا يتخانقوا مع بعض على الزباين وكمان بيستغلوهم وممكن يعملوا اى حاجه غلط ممكن تتخيلوها

من حوالى اسبوعين كان فيه واحد منهم واقف عند ش البترول فى المرج الساعه 11 بالليل والحته دى معروف انها ضلمه شويه و ضرب واحد عندنا فى الشارع فى رجله بالمطواه وخد الفلوس اللى معاه وجرى

واكيد اللى عملوه مع اخونا فيلكس مش اول مره يعملوه اكيد خبطوا ناس كتير قبل كده وهو ده اللى بيشجعهم على تكرار الموضوع ده لانهم مش لايقين حد يلمهم وخصوصا كمان ان مفيش حكومه فهما ماشين يبلطجوا على خلق الله سواء واحد معاه عربيه او ماشى فى الشارع على رجله او حتى زبون راكب معاهم


وأحب اشكرك يا فيلكس على انتا عملتوا لانك بكده انت اكيد خدت حق ناس كتير من ابن التيت ده

ربنا يكرمك يا باشا
على راي المثل اللي ايدوه في المية مش زي اللي ايدوه في النار
الاعضاء الكرام بيهاجموني وانا متاكد لو حد وقع في نفس المشكلة هيتصرف بالطريقة دي

حرااام عليك ده اكل عيشة
اتقى الله
مهما كان سامحة انتا
مش يمكن ده شغال عليه وبياكل ولاده وبيتة منة
وكمان خدت منه الايراد طيب زنب اهله ايه لما يرجعلهم و ومصدر رزقة اتبهدل ومن غير فلووووس


بجد انتا مفترى ... متزعلش منى

دى اعظم حاجه فى الدنيا انك تسامح عند المقدرة .. مهما كان

ربنا يبعدنا عنك