اقتباس المشاركة الأصلية كتبت بواسطة felix مشاهدة المشاركة
مساء الفل
بالرغم ان الغبي ده خبطلي العربية الا اني فرحان علشان زعلتو في الميكروباص بتاعو


الموضوع كالاتي اني كنت في المطرية عند قريبي وراجع لعين شمس و طبعا اللي ساكن هناك عارف مزلقان عين شمس بيبقى عامل زي العجينة وكلو داخل في بعضو

المحروس طبعا وانا وقفين جمب بعض في الزحام في نزلة الكوبري هو على شمالي وعايز يدخل مكاني بالعفية المهم خبطلي الرفرف الامامي شمال و حك الاكصدام
طبعا مرضيتش اتكلم معه بس جيت جمبو وقلتلو بالحرف " على الله اشوفك في عين شمس "

روحت مروح على البيت بعد عذاب طبعا ولقيت جماعة صحابي تحت البيت عندي حكتلهم على الموضوع واتفقنا نستنا السواق لحد مايجي بما انو خط المطرية-المرج وطبعا بيمر بعين شمس يعني هايجي هايجي

استنينا عند ابو الدهب في شارع عين شمس واستنينا المحروس يجي وطبعا هو اكيد كان متوقع حاجة زي دي
شافنا واقفين ناس كتير راح داخل طاير طبعا علشان منعرفش نوقفو بس على مين بقى
الدنيا طبعا زحمت قدام واتضطر انو يقف غصب عنو روحنا طلعنا على السواق والتباع و3 من اصحابهم
مسكناهم عدمناهم العافية وكسرنا لو العربية والبربيز والشبابيك الجانبية و الفوانيس وخدنا منهم رخصة العربية لان مكانش معه بطاقة او رخصة حتى وكمان الميكروباص كان داير بالسلكتين من غير مفتاح وخدنا حوالي 140 جنيه كمان


بعد ده كلو فرحت شوية بس من جواية كنت حاسس ان احنا زودناها شوية خصوصا ان الركاب اتفزعو من اللي حصل بس بصراحة فئة مستفزة جدا جدا وكان في واحد صحبي اقترح انو يتصل بالجيش يسلمهم على اساس انهم بلطجية ومعهمش رخص ولا بطايق وكدة بس قولت لا حرام وكفاية كدة عليهم


ايه رايكو في اللي عملتو
هل كدة صح ولا زودتها شوية؟؟

انا معاك فى قلى انتا عاملته اه و الله رد غريب عن بقيت ردود الاعضاء
لاول الاعضاء لازم تعرف انتا بتتعامل مع مين سواق ميكروباص
تعالى نقلب الصوره انتا قلى خبط عربيته شوف هيعمل معاك و احنا عارفين هيعمل و ياريت تيجى عليه بس انتا هتلاقى السواقين جايين يجاملو

انا هحكى عن حدث و ايه كان فى شهر الصيام وراجع من الشغل للبيت المهم ماشى و الطريق زحامه مش مستهاله
و القى عربيه ميكروباص طلعه من شارع متفرع و القى طاخ خ خ خ خ خ خبطلى الرفرف وكسرلى الفانوس
وطلع جرى نزلت اشوف العربيه بتاعتى لقيت فيه االمصايب دى المهم جريت على الموقف لقيته واقف بقوله انا ايه قلى عاملته
خبط العربيه و جرييت ليه الدنيا زحامه ومش مستاهله قلى انتا غلطان يا بيه و انا سيبتك علشان الصيام و نلحق الفطار
الدمجرى فى عروقى و هو واقف و السواقين اتلمو معاه منتظرين اشارة البدء قولتالو متشكرين و انا ماشى روحت جايب ورقه وقلم وخد نمرة العربيه روحت راكب القسم بعمل محضر و يارتنى ما كنت عاملت محضر و الله العظيم مكنوش راضيين يعملولى محضر اقولوهم ده خبطنى لا بسيطه طيب اسم السواق ايه معرفش يقولوى ازاى هنعمل محضر لواحد مش عارفين اسمه
اقوله نمرة العربيه يقولى اعمل محضر تبع المرور التابع ليه النمره حسيت انو هما مش عاوزيين يعملو المحضر علشان فى حاجه قولتالو لو المحضر ده متعملش انا هطلع على وزارة الدخليه ادارة التفتيش قلى خلاص هات البيانات
المهم اسال اعرف انو المحضر اتحفظ يسلام على مصر
فا لقيت العربيه دى واقفه فى اشاره و هو نفس السواق المهم سحبت نفسى و جيت قدامو و سيبت فرق اول ما الاشاره فتحت روحت طالع وواقف راح ليبس فى ورا روحت سيبه و ماشى ببص فى المرايا لقيت الاتنين فانوس بتاعه اتكسرو الشبكه و الاكصدام بتاعه اتكسر انا بقى عندى مكنش مهم قد ما كنت فرحان انو خد حقى
و دى قصه مع سواقين الميكروباصات