حملة شكر وتقدير للفريق/احمد شفيق

**FunnyMickey** · 04-03-2011 12:36 AM

والله ياجماعه انا ملاحظ ان اي حد بيمشي دلوقتي بيعملوله جروب شكر
ومن هذا المنطلق انا قمت بتأسيس جروب لبواب عمارتنا اللي مشي بسبب انه سرق شقه واحد جارنا
هوا سرق اه بس كان بيجبلنا الطلبات كل يوم بردو

ده ردي علي اي جروب يتعمل لاي حد
شوف المثال ده وانتا تعرف انك اشتركت في جروب تافه
لا شكر علي واجب
دي شغلته
لما يعمل حاجه فائقه
يبقي يتشكر

العلماء كتير
ودورهم محدد
انما لما احمد زويل يكتشف اكتشاف خارق للعاده يتشكر
مش اروح لرئيس الوزراء اشكره واعظمه وانفخه عشان بصلي وضحكلي
تييييييييييت بصراحه يعني

**chato_eg** · 04-03-2011 12:46 AM

المشاركة الأصلية كتبت بواسطة queue

على فكرة كنت مع ان د.شفيق يمشي بس لاسباب غير التي قيلت منها الضغط النفسي الي كان مينفعش اي بني ادم يشتغل فيه كويس ,

ضغط نفسى...!!!!!
ده طيار حضرتك...يعنى مفترض و هو صغير كانت بتكون أعصابه فى ثلاجة و المحرك النفاث بالطيارة بيولعوا علشان يعرف ينقذ نفسه...

أى نعم هو حاليا فى سن لا يسمح له بنفس الأداء..لكنه متضلع بمنصب رئيس وزراء لمصر فى وقت ثورة....تلبية الدعوة بالاستقالة فى مثل هذا الوقت ليس عملا جبانا لا سمح الله

**mr_sameh** · 04-03-2011 12:47 AM

احمد شفيق الرجل المناسب في الزمان الغير مناسب

**wael17** · 04-03-2011 12:50 AM

المشاركة الأصلية كتبت بواسطة beautiful0mind

فعلا كل التقدير لشخص احمد شفيق

+11111

**zyadahmed** · 04-03-2011 12:56 AM

شكرا جزيلا يا عم شفشق
ارحل يا باشا بس اوعى تقلق
فى القلب ليك اكبر مكان
ونيشان كمان اهو معلق

شفيق يا راجل لساك مصدق
من غيرك انت لازم هانغرق
يا عم سيبنا نربى عيالنا
وبلاش معاندة وفى الكرسى تلزق

منى تحية وتمانين مليون
لسيادة الفريق وقلبه الحنون
خسارة فينا قلبه الرقيق
خسرنا بعده علبة بونبون

على شرم يلا ويا اللى راح
خلينا نبدأ ننسى الجراح
عايزين نعمر تانى بلدنا
وانت يا سيدنا يلا ارتاح

زياد ...

**wael17** · 04-03-2011 01:16 AM

المشاركة الأصلية كتبت بواسطة zyadahmed

شكرا جزيلا يا عم شفشق

هو ده اسلوب الكلام عن رجل حارب في 73 قبل معظمنا ما يتولد؟

المشاركة الأصلية كتبت بواسطة funnymickey

والله ياجماعه انا ملاحظ ان اي حد بيمشي دلوقتي بيعملوله جروب شكر
ومن هذا المنطلق انا قمت بتأسيس جروب لبواب عمارتنا اللي مشي بسبب انه سرق شقه واحد جارنا

حضرتك مستكتر ان ناس تعمل صفحة علي الفيسبوك لشكر رجل محترم مثل أحمد شفيق؟
ده في 60 الف مشترك في جروب " اسمه الراجل اللي ورا عمر سليمان"

**atef_rashad** · 04-03-2011 01:23 AM

مش بعيد جمعه وفاء فى العباسيه -مصطفى محمود سابقا- وبعدها الفضايح تتطلع ويتحقق معاه فى الفساد وموقعه الجمل وساعتها اللى بيحبوه هينسوه
التاريخ بيعيد نفسه حتى بيتكلم زى حسنى انا حاربت وانا كنت فى الطياره وانتوا نايمين وانا وانا
عادى بقى الواحد اتعود على اللى بيشوفوه منهم

**human** · 04-03-2011 01:33 AM

شكر و تقدير ليه؟؟
ايه الفكره يعنى؟؟؟ عمل ايه؟؟ ولا اى حاجه
وبعدين احترام ايه ؟؟
هو مثلا مش باين استخفافه بمطالب الناس؟؟ مش باين عدم المامه و ادراكه لمدى السخط ؟ مش باين عدم فهمه لمطالب الثورة؟؟؟
مش قادر افهم اشكره ولا اقدره على ايه بالظبط
على الشيكولاته و البونبون ولا على عدم درايته بالمعتقلين السياسين و انه مالوش فيها
على فكرته العبقريه الفذه بتقنين قعده العرب؟؟؟!!
ايه اللى عمله فى 33 يوم يستحق عليهم اى حاجه؟

هو فيه حاجه انا مش عارفها او مش شايفها؟؟؟

**zyadahmed** · 04-03-2011 01:38 AM

[QUOTE=wael17;3873326156]هو ده اسلوب الكلام عن رجل حارب في 73 قبل معظمنا ما يتولد؟

اديك قلتها حارب فى 1973 بيعمل ايه بقى فى 2011 كفاية عليه بطولات هى مصر خلاص مش ولادة ولا قادرة تجيب غيره للحكم

وبعدين هو حارب علشان مستنى شكر ولا لوجه الله وحده وليه بيحاول يزلنا باللى عمله لنا مش ده واجبه

نفس اسلوب استاذه مبارك انا بطل انا بطل طيب انا كمان ابويا بطل حارب وعمى وحمايا وخالى وخالى ومنهم واحد

اتصاب بشظية معجزاه لدلوقتى ليه ما قالش حد فيهم انا بطل ولازم احكم

انت بطل فى مجال الحرب والقتال والفنون العسكرية منين جيبت القدرة على ادارة الدولة المدنية

انت بطل فى المعسكر على جنودك وكفائتك مش محل نقاش هناك وطلعت معاش من سنين طويلة

جاي ليه تتحكم فينا وتزل اهالينا وتمن علينا بخبرتك العسكرية وقدرتك القتالية وسلطاتك الفرعونية

ارحمونا بقى من الكلام عليه يا شعب لا يعشق الا جلاديه