ازاى ارجع مارشيدير بالمرايات ؟؟؟

**shery103** · 12-03-2011 05:14 PM

انا من اول ما اتعلمت السواقة و انا متعودة على المرايات ، مببصش ورايا ابدا ، و دى على فكرة بتدى تمكن و انت بترجع ورا او و انت بتركن ، ساعات بيبقى فى ركنات ضيقة جدا يعنى تدخل العربية يادوب ، استحالة تعرف تدخلها بوشك ، لازم تدخلها بضهرك عشان تظبط العربية كويس و متخبطش لا من الناحية دى و لا من الناحية دى ، و الحتة دى متجيبهاش غير المرايات ، و طبعا لو بترجع بضهرك مسافة كبيرة فى شارع ضيق و على الجنبين عربيات ( حصلتلى دى ) ، لازم برضو تظبط عربيتك على المرايات لانك لو باصص وراك مش هتظبط معاك اوى ، حاول تعود نفسك عليها و هتلاقيها مع التعود اسهل كتير من البص ورا

**No Comment** · 12-03-2011 09:27 PM

فى حالة الرجوع ورا بسرعة عالية نسبياً مع وسع فى المكان بعتمد على اللف والنظر للخلف ... أما لو كان المكان ضيق فبرجع سنة سنة بالآعتماد على المرايات فقط مع نظرة خاطفة مرة ولا مرتين .

**ALSHaRKAWY** · 13-03-2011 02:30 AM

انا شايف انك علشان تعتمد على المرايات لازم تجبر نفسك انك مش تبص للخلف ودا عن طريق انك تضع ستارة مثلا على الزجاج الخلفى وساعتها اجبارى هتبص فى المرايات

**shaddadfalcon1** · 13-03-2011 08:55 AM

المشاركة الأصلية كتبت بواسطة alsharkawy

انا شايف انك علشان تعتمد على المرايات لازم تجبر نفسك انك مش تبص للخلف ودا عن طريق انك تضع ستارة مثلا على الزجاج الخلفى وساعتها اجبارى هتبص فى المرايات

لو حطيت ستاره علي الزجاج الخلفي مش هتشوف من مراية الصلون ودي ااهم حاجه وانت راجع بضهرك

**Ashraf_Ibrahim** · 13-03-2011 10:15 AM

اول مباديء انك ترجع بالعربية بالمرايات انك تعتمد على المرايات اثناء القيادة بصورة جيدة جدا
تجرب انك متستغناش عن المرايات كلها
دا اول مبدأ تستعمله في الحكاية دي
الحاجة التانية اللي تساعدك على الرجوع بالمرايات انك تكون ظابط مراياتك صح عشان تديك ابعاد مظبوطة
انا عن نفسي عمري ما بلف ضهري
قلت اجرب مرة زي الناس الطبيعية كنت هلبس بالعربية :d

**horas3000** · 13-03-2011 03:14 PM

طبعا الرجاله قاموا بالواجب و زياده
و الموضوع موضوع تعود فعلا
و هقولك علي حركة ممكن تفيدك و هي انك لما تيجي تركن اعوج المرايات الجانبية لتحت شوية بحيث انك يكون المنظر في المرايا شامل جنب العربية كله بالعجله الورانية و بركن الاكصدام الوراني (مش عارف قادر تتخيل معايا و لا لا)
المنظر ده بيساعدك تحضن كويس + انك بتكون شايف زاوية عربيتك بالتقدير كده و ده بيسهل الامر قوي
طبعا كونك تقعد تعوج المرايات و ترجع تعدلهم كل ركنه هي دي المعضله
بس و لله الحمد الموضوع دع اسهل عندي لان المرايات عندي بتعمل كده اوتوماتيك اول ما اجيب مارشدير

و لو عايز السهوله شاشه و كاميره رجوع خلفية و عيش

**Super_Star_h** · 21-03-2011 07:37 AM

سهله جدآ وهتيجى معاك بالتعود
اضبط المرايا الشمال واليمين بحيث انك تكون شايف جناب العربيه
يعنى تقدر تشوف اوكر الابواب اللى ورا
ده الصح وغير كده غلط × غلط

-

-

-

الموضوع: ازاى ارجع مارشيدير بالمرايات ؟؟؟

LinkBack

أدوات الموضوع

عرض

-

-

-

-

-

-

المواضيع المتشابهه

ازاى ارجع للخلف

مارشيدير عادى و لا

مارشيدير اللأنوس

مفتاح التحكم بالمرايات في الفيكترا .. صورة

الكلمات الدلالية لهذا الموضوع

المفضلات

المفضلات

ضوابط المشاركة