ازاى ارجع مارشيدير بالمرايات ؟؟؟

**EGYPTIANDR** · 04-03-2011 05:52 AM

كتير بشوف السواقين المحترفين بيرجعوا مارشيدير من غير ما يبصوا ورا فقط بالنظر فى المرايات اليمين والشمال....حاولت اعملها كتير لكن تقدير المسافات مكنش مظبوط مفيش طريقة سهلة لكدة....وكمان ازاى نظبط مراية العربية اليمين.....وشكراااااااااااا� �ااا

**Ashraf_Ibrahim** · 04-03-2011 09:49 PM

هما مش محترفين على فكرة ولا حاجة
كل الفكرة ان دي ناس اتعلمت اصول السواقة صح مش اكتر ولا اقل انما احتراف السواقة دا مرحلة مختلفة تماما
انا عن نفسي برجع بمراياتي عادي جدا
كل الفكرة انك بتكون باصص على المرايات وراجع بالراحة
انت بتتكلم على الابعاد دي هتاخد معاك وقت على ما تظبطها بنفسك
بس لو انت بتسوق بمراياتك الجانبية صح يبقا هتقدر ترجع بيها بكل سهولة
اما ظبط المرايا اليمين مش هعرف اشرحهالك
كل اللي اقدر اقلهولك ان محدش بيعرف يظبطهالي غيري يعني انا اللي بظبطها لنفسي ومحدش بيعرف يظبطها صح من اللي بيعدوا جنبي
ازاي معرفش !

**abdalah_hashem** · 05-03-2011 10:22 PM

مع التعود
يعنى تعالى فى حتة فاضية كدة حط حبة اقماع او كراتين فاضية وحاول ترجع بضهرك من بينهم على المرايات
واتدرب فترة وهتيجى مع الممارسة

**EGYPTIANDR** · 06-03-2011 12:31 AM

شكرا ليكم جميعا يا شباب بس الاستاذ سيد لو تكرم يشرحلى فكرة خلة الاسنان دى بتوضيح اكتر لانى مش فاهمها؟؟؟؟؟ والف شكر

**sayed911** · 06-03-2011 08:42 PM

بسيطة جدا وتحت امر حضرتك

ادي الصورة اللي بتوضح انا اقصد ايه ..

اعتبر انه العربية دي احنا باصينلها من فوق
وانه العلامات الحمرا دي ها تكون العيدا الخشبية اللي ها تتركب على السيارة (وقت التمرين فقط) عشان متعورش الناس وتركب فيها شريطة حمراء عشان تكون عارف فين نهاية العود ويستحسن بدال العيدان تخليك مع عصيان الأكل الصينية الخشبية وتركن على الأقل بالطريقة دي ها يبقى عندك سنسور صناعة يدوي لتفادي حك بدن السيارة من الخلف في الحائط وتبقى شايف الشريطة فاضلها قد ايه لحد ما تحفظ ابعاد السيارة بشكل افضل ..

**smartchoice** · 06-03-2011 09:21 PM

بس سؤال بس يا رجالة
هو على أساس ايه المحترفيين بيرجعوا بالمرايات ؟؟؟؟؟؟؟؟؟؟؟؟؟؟
أصل ان عائلتى اتعلموا بره و خدوا الرخص من برة و تطليع الرخص برة صعب جدا و علموهم يلفوا وشهم و هما بيرجعوا

**a_hmed** · 06-03-2011 11:34 PM

من وجهة نظرى الاسهل انك تبوص فى المرايات علشان ساعتها بتكون شايف بوز العربية من الامام و دهرها يمين و شمال

و بالنسبة لموضوع ظبط المرايات ده خلى جانب المراية الى من ناحية العربية جايبلك اخر حتة فى ظهر العربية و باقى المراية جايبلك الشارع (سواء كانت الشمال او اليمين) علشان تشوف كل الى وراك قبل متغي اتجاهك او تعدى عربية

**mimohamada2** · 06-03-2011 11:40 PM

انا رايى ان الرجوع بالمرايه مش احتراف بالمعنى دى حركة حلوة ومختلفة بس ........... ورايى ان ترجع وانت باصص ورا بالطريقة العادية اأمن وافضل بكتير لانك بنبقى شايف اللى انت مش شايفه بالمرايه لان المراية عمرها ما هتجيب كله وبالذات اللى ورا العربية ........وصدقنى بلوبيف مى انا عملت حادثة قبل كدة بسبب الحركة دى كلفتنى الف جنية .......

وبالنسبة للمراية كل شيخ ليه طريقة ومفيش نموذج تمشى عليه ..شوف اللى يريحك وانت سايق وويخلى عنيك لما تيجى علىالمراية تبقى مستريحة مش عارف ازاى بس انا بعمل كدة