الموضوع: الى خبراء الدهااااان

السلام عليكم و رحمة الله و بركاته

شوف سيادتك, اللى أنا أعرفه عموما فى أى حاجة, أن العمولة, أفضل من المقاولة, يعنى أنت تتفق مع بتاع الدوكو اللى عندك أنه هياخد مصنعية كذا, على أساس الشغل اللى فى العربية و أنت اللى تجيب كوووووووووووووول المون و أنت بتشترى المون, تكون عارف ايه اللى حلو و ايه اللى وحش و لازم يكون معاك بتاع الدوكو عشان ماتشتريش مون مش مطلوبة و لازم من الأساس بتاع الدوكو يكون أمين عشان لا يسرق من المون و لا يهدر فى المون.

الكلام ده, لو أنت فاضى و عندك استعداد أنك تقف جمب بتاع الدوكو, لكن لو كنت مشغول و مش فاضى, خلاص أمرك لله, اتفق مع واحد بوهيجى أمين على المقاولة كلها و لازم تبقى عارف هو هيجيب بوهيه نوعها ايه و الكيلو بكام و العربية هتاخد كام كيلو لأن فيه المصرى الرخيص جدا و سئ من حيث الجودة و فيه الغالى زى السكنز و الليكلير و بيبقى غالى بس أفضل بكتير و ممكن تلاقى أنواع أحسن منهم كمان نزلت السوق مؤخرا .


و ربنا يوفقك و ماتنساش تبقى تصورلنا العربية لما تخلصها ان شاء الله .