المساعده فى ظبط الكربراتير

**hasan505** · 04-03-2011 11:44 PM

السلام عليكم

**hasan505** · 05-03-2011 12:01 AM

السلام عليكم
انا عندى عربيه 305 وكان كل شىء تمام وفجأه العربيه مش عايزه تدور ولو دارت وزودت بنزين تبطل المهم بعد فحص الكربراتير لاقيت السوسته اللى بتضغط على البوابه بتاعة الهوا متأكله ومكسوره غيرتها دارت العربيه بس كانت بدخن اسود كتير جدا غيرت السوسته وجبت واحده تانيه اضعف منها اتظبتط العربيه وبقت تمام فى الدواره والسحب ومفيش دخان اسود خالص لكن المشكله اللى غلبت فيها ان فى ريحه عادم وبنزين جوه العربيه والريحه بتوجع العين وكمان استهلاك البنزين زاد جدا تقريبا الضعف
انا بعتذر عن الاطاله لكن حبيت اوضح الموضوع كويس
ارجو الافاده من عمالقة المنتدى

**aboomar22** · 05-03-2011 11:11 PM

ريح دماغك الكربراتير الصينى ب 350 جنية والارجنتينى ب 450 مش عارف ايه ارجنتينى بس موجود فى السوق وريح دماغك ولا تصلح ولا اكس وباب وفى الغالب مش هيظبك معاك انا دورت على استيراد مالقتش بصراحة الميكانيكى ركبلى بتاع 128 وبصراحة شعال كويس بس لو بتاعها يبقى تمام اكيد ومكنتش افتكر ان اسعارهم كده بصراحة كنت جبت واحد وريحت دماغى اللى هتدفعه هتوفر اضعافة بنزين صح

**mbx4e** · 14-03-2011 10:18 PM

انا معايا كربراتير ويبر 34 تي ال سي وبيشتغل على 305 ال 1500 و 1300 وهو بتاع بيجو اصلي صناعه ايطاليه لانه شركة ويبر اللي بتنتج السولك واليوبر شركه ايطاليه وهي مشهورة جد عل مستوى العالم في صناعة السيارات
ممكن ابيعهولك لو محتاجه ومش هانختلف
دي نمرتي 0145749045

**hugan** · 14-03-2011 10:20 PM

المشاركة الأصلية كتبت بواسطة aboomar22

ريح دماغك الكربراتير الصينى ب 350 جنية والارجنتينى ب 450 مش عارف ايه ارجنتينى بس موجود فى السوق وريح دماغك ولا تصلح ولا اكس وباب وفى الغالب مش هيظبك معاك انا دورت على استيراد مالقتش بصراحة الميكانيكى ركبلى بتاع 128 وبصراحة شعال كويس بس لو بتاعها يبقى تمام اكيد ومكنتش افتكر ان اسعارهم كده بصراحة كنت جبت واحد وريحت دماغى اللى هتدفعه هتوفر اضعافة بنزين صح

+111111111111111
مفيش حاجه في مصر اسمها تصليح كربراتير
عن تجربه كله نصب في نصب
اشتري جديد وريح دماغك اوفر من التصليح

**mbx4e** · 18-03-2011 02:23 AM

باشا لو عايز حد يبيع رفايع الكربرايتر (بيكات جوانات ...الخ)
عندك محل الطويل
اول شارع شمال بعد سيما اوديون وانت جاي من شارع سليمان الحلبي او طلعت حرب وشارع سيما اوديون اول شارع يمين بعد مول طلعت حرب هايبقى المول على يمينك و السينما على شمالك وصاحب المحل اسمه المهندس ناجي الطويل
اخرهم هناك الساعة 8 او 8 ونص مساء
باشا ماردتش عليا بالنسبه لحوار الكربراتير اللي عرضته عليك
بالمناسبه ممكن توريني صوره للكربراتير اللي عندك