ليه يا جماعة الناس بتعتبر اللي يعمل Kickdown يعني يكبس بنزين علشان ينزل نقلة يبقى أجرم و هيبوظ الفتيس الأوتوماتيك بعد كام مرة؟
أنا نفسي كنت مقتنع بالكلام ده لحد فترة قريبة بس الحقيقة مشفتش أي حاجة في مانيوال العربية بتقول إن الكلام ده غلط...!!!
يعني في ظروف القيادة الطبيعية للناس العاديين و لا قيادة رياضية و لا يحزنزن لو عايز تعدي عربية بسرعة لأي سبب أو عايز تلحق إشارة لازم تعمل kickdown زي بالظبط لما تنزل نقلة في الفتيس المانيوال بدون أي مشاكل..!!
محدش قال أعمل kickdown و أفضل لازق الدواسة في الأرض لحد ما الـ RPM يوصل لخمسة و ستة... بس على الأقل تزود عزم العربية لحد الموقف اللي إنت فيه ما يعدي و تخف رجلك من البنزين العربية هتعمل shift Up علطول و كله شيئ يبقى عادي تاني.
مفيش أي حاجة مكتوبة شفتها بتقول إن ده غلط على العربية أو الفتيس على الإطلاق...!!!

يهمني أعرف رأيكم في الموضوع ده و جزاكم الله كل خير.