هيونداى i10 او الكيا بيكانتو

**yomnaAAAA** · 06-03-2011 02:23 PM

السلام عليكم ..ازيكم .. انا واحدة جديدة فى السواقة واتعلمت مانيوال ومحتارة بين عربيتين اما هيونداى i10 او الكيا بيكانتو واتفرجت عليهم ولقيت سعر الهيونداى فى التوكيل مبالغ فيه ب66000 وفى معرض عنده موديل 2010 ب62000 ودى مانيوال هاف اوبشن ..والبيكانتو 63000 عادية مانيوال والكاملة 65000 .... انا هتجنن قولت اجيب هيونداى ب62000 الناس قالوا لا غبور وحش ومش حتلاقى قطع غيارها ..قولت اجيب البيكانتو ب63000 قالو لاهاتى خليجى ودة اساسا مش معترف بيه من التوكيل وانا عايزة حاجة تبع التوكيل وطلعوا عينى فى الكلام وفى الاخر قالو قطع غيارها غاليه ...لدرجة انهم وصلونى انى اجيب ماروتى على الاقل عارفة قطع غيارها ..انا مش عارفة اعمل ايه ؟؟؟؟؟؟؟؟؟؟ كنت ناوية على الاسبرانزا 113 قالولى ابعدى عن الصينى ...انا عارفة انى طولت عليكوا بس اسعار العربيات بتغلى وانا حابة اجيب عربية جديدة دلوقتى ارجوكم قولولى احل الموضوع ازاى وعايزة اعرف اسعار قطع الغيار للبيكانتو والهيونداى .. والتوكيل مين احسن كيا ولا غبور ؟ ارجوكم افيدونى بمعلومات قيمة جدا ..وشكرا

**mostafa3000** · 06-03-2011 02:29 PM

خليكي في البيكانتو الوكيل
علشان الضمان
واعتقد انها افضل من i10

**yomnaAAAA** · 06-03-2011 02:44 PM

شكرا يا مصطفى بس انا لسه حد قايلى انى مش حلاقى قطع غيار البيكانتو العادية فى الضمان عشان كدة احسن اجيب الخليجى ..وكمان انا عايزة اتاكد ..مش الهاف اوبشن بيبقى فيها ايه بالظبط ؟

**NoRmAl** · 06-03-2011 05:56 PM

هاتى البيكانتو أفضل
هو التوكيل أفضل بالتأكيد من غبور
مسمعتش عن نقص قطع غيارها من التوكيل دى قبل كدا!
لكن عندنا عتوله هنا فى البيكانتو إن شاء الله يساعدوكى
لكن وسط أختياراتك أفضل البيكانتو بكل تأكيد
ربنا يوفقك للأصلح

**yomnaAAAA** · 06-03-2011 06:53 PM

لو سمحت ممكن حد يعملى مقارنة بين اسعار قطع غيار البيكانتو و i10 .. لو سمحتوا ضروروى جدااااااااااااااااااااااا ااااااااااااااااااااااااا اا...وشكرا ليك NORMAL

**NoRmAl** · 06-03-2011 11:16 PM

المشاركة الأصلية كتبت بواسطة yomnaaaaa

لو سمحت ممكن حد يعملى مقارنة بين اسعار قطع غيار البيكانتو و i10 .. لو سمحتوا ضروروى جدااااااااااااااااااااااا ااااااااااااااااااااااااا اا...وشكرا ليك normal

العفو
بخصوص طلبك أنا مقدرش لأنى معرفش
لكن خلينا واقعيين
هيونداى هى كيا وكيا هى هيونداى
العربيتين فى نفس الفئه تقريبا
وهتلاقى بنسبه كبيره جدا أسعار قطع الغيار متقاربه
يبقى بلاش نتخذها أذاً قاعده للمقارنه
أنا شايف تفوق البيكانتو من أنتشارها ونجاحها من سنين + أن نصير أفضل من غبور
عامله زى الاكسنت والريو كدا
تقريبا واحد
بس الناس بتجيب الاكسنت بردو لذات الاسباب
عربيه مجربه ومعروفه من سنين ومنتشره
كذلك الحال
+
البيكانتو أشيك و"أعتقد" أوسع
أنا ركبتها مرتين وكنت منبهر بأتساعها نسبه لحجمها

**Formulator** · 07-03-2011 01:42 PM

وأحب أضيف أن البيكانتو أكثر ثباتا وأحسن فـ الهاندلينج...
وده عشان مبنية على شاسيه الـGetz...!!!
العربية مع 2 زمايلى فـ الشغل... طاحنينها سفر ومشاوير.. وقطع غيارها معقولة جدا (من التوكيل كمان)...؟؟؟!!
أنا بتعجبنى بصراحة فـ الـmanoeuvring والـHandling والـStability..! أنا رأيى انها أفضل كثيرا من الـi10

**hema1975** · 07-03-2011 07:35 PM

المشاركة الأصلية كتبت بواسطة formulator

وأحب أضيف أن البيكانتو أكثر ثباتا وأحسن فـ الهاندلينج...
وده عشان مبنية على شاسيه الـGetz...!!!
العربية مع 2 زمايلى فـ الشغل... طاحنينها سفر ومشاوير.. وقطع غيارها معقولة جدا (من التوكيل كمان)...؟؟؟!!
أنا بتعجبنى بصراحة فـ الـmanoeuvring والـHandling والـStability..! أنا رأيى انها أفضل كثيرا من الـi10

البيكانتو مش شاسيه جيتز و الجيتز اصلا فئه اعلى و ابعادها اكبر

البيكانتو نفس ال i10

و تلاحظ كده من الابعاد الاتنين زى بعض تماما و ال i10 لها قاعدة عجلات اكبر كمان 2380 مم
اما البيكانتو 2370مم الفرق 1 سم فقط

كمان كل اللى قلت عليه بالذات ال handling , body roll and lean

ال i10 افضل من البيكانتو ودا فى كل تقييمات اوروبا

مع انى اعتقد ان الفروقات بسيطه لو اعتبرنا ان فى فروقات

و انا معايا ال i10 و طاحنها و الحمد لله زى الفل و حتى الماروتى بتتطحن شغل مفيش مشاكل

و نصيحتى لصاحبة الموضوع جيبى i10 او بيكانتو الى ترتاحيلوا و امنى على العربية و ابعدى تماما عن a113

**NoRmAl** · 07-03-2011 07:54 PM

المشاركة الأصلية كتبت بواسطة formulator

وأحب أضيف أن البيكانتو أكثر ثباتا وأحسن فـ الهاندلينج...
وده عشان مبنية على شاسيه الـGetz...!!!
العربية مع 2 زمايلى فـ الشغل... طاحنينها سفر ومشاوير.. وقطع غيارها معقولة جدا (من التوكيل كمان)...؟؟؟!!
أنا بتعجبنى بصراحة فـ الـmanoeuvring والـHandling والـStability..! أنا رأيى انها أفضل كثيرا من الـi10

أزيك يا باشا أنا بس بمسى عليك ووحشتنى الكلام معاك يا باشا :)

المشاركة الأصلية كتبت بواسطة yomnaAAAA

شكرا ليكوا جدااااااااااااااااااااااا اا... بس زى ما انا قلت انا مبتدئة فى السواقة ...وعايزة عربية تعيش معايا فخايفة انى اجيب حاجة تدوخنى ..فعايزة اتاكد من شوية حاجات فى البكانتو يعنى فى ناس قالولى انها خفيفة ..وعلى كلامكوا هى ثابته ..الانسان بيسمع مليون كلمة ومش بيعرف يتاكد ازاى ..بس على كلامكوا بتقولوا انها احسن من i10 عشان الانتشار والتوكيل وقطع الغيار ارخص نسبيا ..صح ..وكمان عايز اتاكد من البادى بتاعها فى ناس قالوا انها مش بتستحمل اى خبطة ..انا عارفة انى تعبتكوا معايا ..بس فعلا منكم نستفيد ..وشكراااااااااااااااااااا اااااا

هى البيكانتو تعيش متقلش لأ :)
موضوع ثبات العربيه
متنسيش أنها مش عربيه رياضيه بالمعنى المفهوم مش زى السيراتو مثلا أو الكوب مهى مطروحه من كيا
تصنيفها بالفعل عربيه مدينه
كبنت معتقدش أنك ماليه دماغك بالشد والحرق والفرك والتسقيط وكل دا
فأعتقد البيكانتو فى هذه الحاله ربما أفضل أختيار
الi10 مفهاش مشكله
لكن زى مقلت الانتشار فى صالح البيكانتو والجمال كمان
وربنا يعينك

المشاركة الأصلية كتبت بواسطة hema1975

البيكانتو مش شاسيه جيتز و الجيتز اصلا فئه اعلى و ابعادها اكبر

البيكانتو نفس ال i10

و تلاحظ كده من الابعاد الاتنين زى بعض تماما و ال i10 لها قاعدة عجلات اكبر كمان 2380 مم
اما البيكانتو 2370مم الفرق 1 سم فقط

كمان كل اللى قلت عليه بالذات ال handling , body roll and lean

ال i10 افضل من البيكانتو ودا فى كل تقييمات اوروبا

مع انى اعتقد ان الفروقات بسيطه لو اعتبرنا ان فى فروقات

و انا معايا ال i10 و طاحنها و الحمد لله زى الفل و حتى الماروتى بتتطحن شغل مفيش مشاكل

و نصيحتى لصاحبة الموضوع جيبى i10 او بيكانتو الى ترتاحيلوا و امنى على العربية و ابعدى تماما عن a113

هو إن جيت للحق الاتنين مش ثابتين بالمعنى المفهوم :)
لكن أعتقد البيكانتو أثبت حبتين
أنت ركبت البيكانتو؟
وعلى العموم أن قلت أحلى جمله
الى يعجبها تركبه ودا أهم شىء بالتأكيد
فأنا كمان بقول لصاحبه الموضوع لو ركبتى الاتنين وأرتحتى للi10 أرمى كلامى فى أقرب صفيحه زباله بجد :)
أهم شىء أرتياحك النفسي

الموضوع: هيونداى i10 او الكيا بيكانتو

LinkBack

أدوات الموضوع

عرض

-

-

-

-

المواضيع المتشابهه

أهم مواضيع عن الكيا بيكانتو

الكيا بيكانتو

ساعة الكيا بيكانتو

سعر الكيا بيكانتو بالتكييف

صيانه الكيا بيكانتو

الكلمات الدلالية لهذا الموضوع

المفضلات

المفضلات

ضوابط المشاركة