الموضوع: هيونداى i10 او الكيا بيكانتو

نورمال وهيما ميرسي بجد ليكوا انا فعلا ركبت i10 واستريحتلها جدا بس فى شوية مشاكل منها : التوكيل وانا خايفة جدا من غبور وكله بيشكر فى كيا .. اكتر من معرض يقولى مشكلة i10 ن قطع الغيار مش كتير وبالتالى اغلى من البيكانتو ... كمان انا رحت لمرض عندة i10 مانيوال هاف اوبشن ب 62000 وفى غبور مانيوال هاف اوبشون ب 66000 فلما سالت غبور عن الفرق قال ان دى ممكن تكون الشكل القديم وهى مش موجودة عندنا بس ممكن تكون موجودة فى معارض وبعدين سالنى المعرض دة معتمد ولا لا قلتله هو اسمه هيونداى اوتو حاجة كدة وسالتله هل ممكن يكون فى مشكله لة اشتريت العربية من مكان مش معتمد من غبور مع العلم ان الراجل قال انه معتمد والعربيه حاخدها على طول مش هستنى .. ارجوكم افيدونى فى حته التوكيل وسعر قطع الغيار وشكرا انا تعباكوا معايا ... وطلب يا استاذ هيما ممكن تقولى رايك فى الماروتى

اولا الماروتى:

موتور اصغر و هتحسى بفرق قوة الموتور بالذات لو راكب معاكى 4 مثلا فى المطالع هتبقى رخمه

ال i10 لو راكب معاكى 3-4 مش هتحسى بفرق خالص الا اذا شغلتى التكييف


الماروتى لما ركبتها من جوا ضيقه فى العرض يعنى كتفك لازق فى اللى جنبك

تحسى ان وشك لازق فى الزجاج الامامى

ركوب شخص ورا بيكون رخم جدا و رجليه مزنوقه

عفشتها حلوه فى المطبات مش خشنه

مفيش باور بس الدريكسيون خفيف علشان العربية خفيفه

اكبر عيب انك هتستغنى عن التكييف مفيش تكييف هل تقدرى تتحملى حر الصيف بدون تكييف؟


فى الاستحمال و حتى السفر العربية تسد و هى فى الهند السياره رقم 1 فى الاعتماديه و اكتر عربيه منتشره و لها شعبيه

عيب الماروتى هنا الموتور بتاعها كربراتير مش انجكشن و طبعا الكربراتير ممكن يعمل مشاكل فى اى وقت او يحتاج تنظيف او العربية تشرق و الكربراتير يتملى بنزين (عيوب شائعه فى الكربراتير)

بس شايف ان العربية سعرها ميزه كبيره اى نعم بيستهبلوا و غلوها تانى و وصلت 38 و 39 الف بس هى عربية حمالة اسيه


نيجى لل i10:

فعلا اسعار قطع الغيار اسمع انها غاليه

و متعرضتش لاحتياج قطع غيار غير مره اتكسرت هواية الزجاج الخلفى يمين اللى على شكل مثلث اتصلت بغبور ابو رواش و لقيتها موجوده و روحت جبتها فى نفس اليوم و كانت ب 300 جنيه

عدا ذلك مشترتش حاجه تانيه

انما قطع الغيار اللى بتحتاجيها بصفه دوريه زى فلتر الهواء و البنزين و الزيت و البوجيهات ... اسعارهم عاديه

انا عن نفسى عامل حادثتين الاتنين فى الصاج و سايبهم لانى مرخص 3 سنين و مش مأمن

نصيحتى أمنى على العربيه

اشتريها من معرض مثلا سمير ريان (انا اشتريتها منه) بس وقتها مكنش عنده نفس اللون فبعت جابها من معرض اسمه الهيثم و ده معتمد

بصى من الاخر موضوع الصيانه فى معظم توكيلات مصر زباله حتى اللى هتسمعى انه كويس لان 90% من اللى شغالين فى التوكيلات مش بيفهموا حاجه و بيفتوا انا كنت شغال فى المجال ده و سبته

دول بيشغلوا ناس تخصص اتصالات فى وظيفة مهندس ميكانيكا.. بالله عليكى هيفيدك ازاى و اذا كان ميعرفش فى العربيات ولا عنده عربيه حتى


لو لسه بتتعلمى سواقه و على قدك جيبى i10 او بيكانتو و أمنى عليها

او جيبى ماروتى و غيريها بعد كام سنه بس هتخسرى فيها مش اقل من 10 آلاف جنيه فى البيع بس هتركبى عربيه من غير تكييف و مش بشياكة و رفاهية ال i10 و البيكانتو


بالتوفيق..

المشاركة الأصلية كتبت بواسطة mostafa3000

خليكي في البيكانتو الوكيل
علشان الضمان
واعتقد انها افضل من i10

+1111111111111111111

اولا شكرا استاذ هيما من ناحية التامين ياريت حضرتك توضحلى بيبقى عبارة عن ايه ؟ وكمان ليه قطع غيار ال i10 اغلى من البيكانتو خد بالك انى سنه اولى سواقة ومعرضة لحاجات كتير فمش عايزة اجيب حاجة تكلفنى زيادة قوى .. ياريت تقولى رايك
ثانيا شكرا استاذ formulator بس من كلامك فهمت انك بتفضل الكيا عشان الشكل والثبات وكدة بس انا عايزة اوضح انى مش ناوية ازود الرينج بتاع فلوسي عشان اجيب البونتو ..لان كدة اخرى فى ظل الظروف اللى احنا فيها
وعايزاكوا لو سمحتوا تقولولى الكيا او الهيونداى تاخد 3 على الكنبة يعنى تبقى 5 راكب لانى شفت الهيونداى فعلا واسعة لكن لسه حاشوف واركب البيكانتو ..وشكراااااااااااااااااااا اااااااااااااااااااااا

المشاركة الأصلية كتبت بواسطة formulator

عادى جدا طالما الـwikipedia مش عاجبك... خد دول عشان تعرف بس (مش تقتنع):
- "The new baby is based on the same platform as the Hyundai Getz"
المصدر: Auto Express
Kia Picanto | First Drives | Car Reviews | Auto Express

- "Based on a shortened Hyundai Getz chassis"
المصدر: Yahoo Cars
Kia Picanto Range : PIC and MIX - Yahoo! Cars

- "The Kia Picanto is a short wheelbase Hyundai Getz"
المصدر: BuyaCar.UK
Kia Picanto Car Review


أنك ماتعرفش ان شاسيه البيكانتو هو نسخة Shortened من شاسيه الجيتز.. دى حاجة
بس أن حضرتك ماعندكش فكرة يعنى أيه شاسيه Modualr (يعنى ينفع Platform لكذا عربية ومن فئات مختلفة). دى حاجة تانية..!!!
ولو أن هيونداى فاشلة فـ الحتة دى.. يعنى مابتعرفش تحافظ على الـDynamics بتاع العربية لما تعملها على شاسيه مش Special..


ولو أفترضنا أن الشاسيه مش مشكلة... يعنى أنت عايز تفهمنى ان أختلاف الأبعاد فى اتجاه الـDynamism (أقصر, أقل ارتفاعا و أوطى)... مش بيفرق فـ الثبات والهاندلينج.. تيجى أزاى؟؟؟!!

بالنسبة للعضو الـThread Starter:
رأيى الشخصى أن العربيتين تيييييييييييييييييييييييت ... ممكن تشوف حاجة تانى, زى البونتو مثلا: أقوى أوسع أشيك أثبت واأمن ABS+EBD+Airbag بينزلوا ستاندارد.. وزرار City باور عشان الركنات والزحمة...
ومع أنها فئة أكبر.. ألا فرق السعر 5-10 آلاف مش كتير.. ولو هى مش جيل قديم, ماكانتش هتبقى بالسعر ده أساسا (ورغم كده تكنولوجيا أعلى من العربيتين المتواضعين دول)..!
أما لو حضرتك مفيش قدامك غير الأختيارين دول:
يبقى البيكانتو أفضل شكلا ومضمونا...!!! الـi10 شكلها خزعبلى وملهاش ملامح كده..
دا حتى Fifthgear قالوا عيها: Forgettable أوى وممكن تركنها فـ parking وتقعد ساعة تدور عليها.. عشان شكلها الغير مميز.. مسخرة..!
قد يكون الشكل Personal Taste لكن الأداء والثبات isn't.. دى ثوابت من تجارب القيادة..!
وبالتوفيق فـ الأختيار أن شاء الله

الشاسيه ملوش علاقه بالجيتز

و الله برافو عليك عرفت تجيب اثباتات كتييير ههههههههههههه

هو انت متعرفش ان كل ال review بيعملوا copy, paste من بعض و المعلومات الغلط بتنتشر .........
..................

انذار ووقف اسبوع لمخالفة القاعدة 13
يرجى مراجعة قواعد المنتدى
3:54pm 10/3/2011
م.ع.6