الموضوع ده حقيقي .... ولا فزاعة جديده ....ولو صحيح يبقوا احذروا

**cheetos_892005** · 07-03-2011 02:01 AM

المشاركة الأصلية كتبت بواسطة heshamzaky

الكلام دة يقال أنة حدث فى شارع الخليفة المأمون مصر الجديدة . و منى الشاذلى ذكرت أن الكلام دة بيحدث فوق كوبرى 6 أكتوبر ناس قالو لها كدة و لسة قايلة الكلام دة فى البرنامج النهاردة على دريم

المناطق دي على طول زحمه .....!!!!!!!!!!

والناس اللي في العربيات و المحلات محدش بيعمل حاجه؟

**heshamzaky** · 07-03-2011 02:12 AM

المشاركة الأصلية كتبت بواسطة cheetos_892005

المناطق دي على طول زحمه .....!!!!!!!!!!

والناس اللي في العربيات و المحلات محدش بيعمل حاجه؟

بتاع الخليفة المأمون دة سماعى . بتاع كوبرى 6 أكتوبر أتقال فى التيلفزيون من منى الشاذلى هية قالتة كخبر سمعتة من الناس البرناج كان على دريم النهاردة

**cheetos_892005** · 07-03-2011 02:19 AM

المشاركة الأصلية كتبت بواسطة heshamzaky

بتاع الخليفة المأمون دة سماعى . بتاع كوبرى 6 أكتوبر أتقال فى التيلفزيون من منى الشاذلى هية قالتة كخبر سمعتة من الناس البرناج كان على دريم النهاردة

لا انا مش بسال عن مصدر الخبر

انا بستغرب

**kono** · 07-03-2011 02:22 AM

اعتقد انه فزاعة لان نفس الكلام سمعته النهاردة انه بيحصل على طريق راس البر فى دمياط
يبقى يا خرافات يا عصابات منظمة ومش مقتنع بالتانية

**osoliman88** · 07-03-2011 02:26 AM

المشاركة الأصلية كتبت بواسطة ahmed_su

النهاردة اخت زميل معنا فى الشغل

ساكنة فى مساكن بيتشو الساعة 8 ونص الصبح

فى النفق اللى عند كارفور المعادى طلعوا عليها البلطجية

ونزلوها من عربيتها البيكانتو تحت تهديد السلاح

وخدو العربية وشنطتها بالموبايل والفلوس والرخص وكل حاجة

وكل العربيات اللى وقفت وراها كله جاب مرشدير وخلع

وهى فى حالة انهيار عصبى تام ربنا يكون فى عونها وعون اهلها

محدش يقولى دى اشاعة ده زميلى فى الشغل وربنا يصبرهم ويلطف بينا

ويقولك مصر اتغيرت بعد 25 يناير والمصريين رجعت لهم الذاكرة وافتكروا ان هم ابو الشهامة

**madoo_600** · 07-03-2011 02:53 AM

المشاركة الأصلية كتبت بواسطة mrwho1982

مبقفش لحد ازازك تكيفك اللي يقف قدامك رفعو عاكبوت

مالهوش دية عندي

قشطه يامان هو ده مبدأي

**MBhead** · 07-03-2011 03:03 AM

دي عادي
يس انا حقول لحضرتك شوية حاجات عن قطاعين الطرق احنا عندنا مزرعة في جناكليس -البحيرة ....من قبل الانفلات الامني دا و قاطعين الطرق شي اساسي هناك ...دي شوية حاجات مهمه
1. اقفل الستنر ...دا لازم و ارفع الزاز بحيث تكون الفتحة ماتسمحش بدخول ايد انسان
2. لو حصل ايه بالذي كده اوعي تنزل من العربية نهائي و لو لقيت شجرة او اي عائق قافل السكة متنزلش تشيله دوس بنزين و اخبطه و كمان ماتحولش تلف و ترجع لانه بيبقي حاطط واحد من المكان اللي عدت فيه العربية ..بحيث انك تكون محاصر..و لو سمعت صوت واحده بتصوت بردو متنزلش او حادثة غبية و مقصدوه ..كبر دماغك و اوعي تنزل
3. لو لقيت ناس واقفين في جنب الطريق او في وسطه قدام العربية ...ادي رعاش و كلاكس و جيب دواسه علي الارض ...غالبا هيفضل واقف خد العربية يمين في شمال كده (زجزاج) و حاول ماتخبطهوش ب وش العربية ......و خلي بالك ممكن يضربوا عليك نار
4.في ناس بتحدف بيض علي الازاز و ناس بتولع كاوتش في الارض ...في حالة البيض اوعي تشغل المساحات لان مش حتشوف بعدها حاجة ...و الكاوتش حاول تفاديه و ..او حاول متدوسش عليه بالكاوتش خالص ممكن يسيح الكاوتش لا قدر الله و لو خدته تحت العربية او ماتوصل لمكان امان لاز تشيله ما ينفعش تمشي بيه ..خطر جدا
انا حصلت معايا حاجات من دي ...مرة كنت مع اخويا و كانوا قفلين السكة بحمار ميت ..و دوسنا و بعدها ب كيلو مثلا لانهم قاطعين السكة كان معايا طبنجة بمجرد اني طلعتها و ضربت في الهوا لقيت ضرب نار علينا و طبعا طرنا بالعربية و خبطنا واحد
الحمد لله مافيش حد اتصاب اما العربية اتبهدلت مافيش فوانيس لا بيرفيز و الصاج اتدغدغ و اتمسكنا في كمين بسبب ان العربية مضروب عليها نار .......بس الحمد لله جت سليمة
و علي طريق الغردقة و انا مسافر لقيت ناس واقفة في السكة كده رحت مديها بنزين
طبعا كل شي نصيب بس بردو الحذر واجب و بالذات في الايام دي ...و خصوصا علي الطرق السرعة و الاماكن المجهورة

**Mzeid** · 07-03-2011 03:10 AM

المشاركة الأصلية كتبت بواسطة mrwho1982

مبقفش لحد ازازك تكيفك اللي يقف قدامك رفعو عاكبوت

مالهوش دية عندي

هو دة اللي مفروض يحصل بصراحة

ايام الاحداث اللي فاتت لما كنا بننزل نعمل اللجان و احد معانا في الشارع حكى عن عمه كان راجع على الزراعي و كان فيه ناس قاطعين الطريق عايزين يوقفوه موقفش و داس واحد فيهم

بس أنا بنصح بكام حاجة كدة :

1- نمشي على الطريق في تجمعت ان امكن يعني لو فيه مجموعة عربيات ماشية على الطريق اخليني معاهم بدل ما اكون ماشي لوحدي على الطريق

2- نلتزم أقصى اليمين أو اليسار علشان لو فيه حالة طارئة زي دي يكون قدامي مساحة كافية علشان الف و ارجع

3- لا اقف لاي حد بتاتا و اي حد بيعترضني ادوسه ملوش دية

4- التزام السرعة - مش على طول - اليومين دول بس علشان ممكن يساعد و يخوف البلطجية من تعرضهم لحادث

5- الاحتفاظ بأداة للدفاع عن النفس في العربية

6- أشتري عربية رانجلر و معاها طبنجة حلوان 9 مللي

بس كدة