الموضوع: خد بالك ممكن تعمل حادثة في أي لحظة ، عامل حسابك كويس ؟!

ربنا يسترها علينا جميعا انا امبارح برضوه كنت ماشيه فى شارع شهاب وواحد عاوز يشد مع عربيه دايو والشارع ضيق وزحمه اصلا مش ناقص

وهو بيشد جاى طاير ورايا وانا بحاول واسع لهم الشمال عشان ابعد عن القلق ده فجاءه كان قدامى فيتارا خبطت فى الخلف فى عربيه قدامها مكنش فيه حل غير انى اضرب فرامل قويه شويه لانى مفيش غير ثانيه وهلبس في الفيتارا انا كمان لانه وقف فجاءه

اللى يغيظ ان الدلوع معاه اربع اصحابه كلهم تحت العشرين اللى كان جاى وراياوناوى يشد نزل يزعقلى عشان ضربت فرامل وووقفت عربيتى بدل ما البس فى الفيتارا اللى كان بينى وبينها ااقل من سم

يقولى حد يعمل كده كنت هخبطك اقوله انت مش شايف اللى قدامى حادثه عاوزنى اخبط فيهم عشان انت تعدى يقولى احسن ما تضربى فرامل وتوقفى ..........
صراحه شخص سخيف غظنى وكنت هقلبها معاه وارجع بظهرى اخبط له عربيته وتخرب بئه بس استعذت من الشيطان واتحملت لحد الشارع ما مشى

والله يا بشمهندس فكرتني النهارده وانا في اخر الاوتوستراد داخل على الشيراتون كده
الملف اللي هناك ده ملف عاصي زي ما بيقولو

المهم دخلت الملف على 120 لقيت عربية فيرنا مقلوبة كبوتها على الارض و شنطتها للسما وساندة على الكوبري
قلت فعلا في التاني السلامة
واكيد بتاع الفرنا ده كان ماشي 15 او 160 ومعملش حساب الملف
من الاخر ربنا يسترها معانا

المشاركة الأصلية كتبت بواسطة دموع الثلج

صراحه شخص سخيف غظنى وكنت هقلبها معاه وارجع بظهرى اخبط له عربيته وتخرب بئه بس استعذت من الشيطان واتحملت لحد الشارع ما مشى

هههههههههههههههههههههه فكرتينى بواحد صحبى معاه جيب شروكى مركبلها صدادات حديد ورا وقدام
كان ماشى فى امانه الله راح جاى واحد بي لانسر مزنق عليه اوى وواخد غرزة ما تنفعش اصلا

طبعا صحبى ما سبوش - تقريبا شلتنا كلها مفتريه بس بالحق - راح شادد جبه وبيبصله لقاه بيضحك وعايش فى دور البطل
طبعا صحبى ما سكتش
طبعا هتقوليلى عمل ايه؟
اقولك عمل ايه
راح معديه وجه قدامه وراح مفرمل فجأة
توقعى ايه اللى حصل......

لا لا مش اوى كده :)

الحمد لله الواد لحق نفسه على اخر لحظة
بس المشكله ان صحبى راح معشق مرشدير وراح راجع خابطه خبطه محترمه وراح ماشى عادى جدا
:) متخفيش يا دموع دموع فى وراكى رجاله بتاخد حقك :)

لا حول ولا قوة الا بالله فعلا الحادثة بتحصل فى لحظة و اللحظة دية ممكن تبقى فى اى وقت