الموضوع: لكل الراغبين في شراء سيارة في عرض التصفية الخاص بميتسوبيشي شارك 2009

المشاركة الأصلية كتبت بواسطة ahmzd

والله أنا نفسي أدخل معاكم بس محتار
أنا ملاحظ إن العربيات الكوري بقت أجمل في الأشكال وأكتر في الكماليات وأرخص في السعر
بس في الأول والآخر كوري
هي نظرة متحيزة بس اللي اتربينا عليه هو إن الياباني ياباني
إيه رأيكم يا جماعة
فعلا أرجو النصيحة الصادقة والرأي الموضوعي

السلام عليكم

استاذ ahmzd
اولا بالنسبة للشكل دي بتبقى اذواق
اما بالنسبة للكماليات حضرتك بص كده على الهيونداي اللي غبور بينزلها فاضية و لو فيها ايرباج ولا ABS يعملها بسعر عااااالي و مبالغ فيه
نيجي نبص كده على الكيا,الكيا حلوة شكلا و لكن فيه ناس بتشتكي منها سواء من العفشة او غيره

بالنسبة للسعر,,انا شايف ان بعض العربيات فعلا سعرها عاالي شوية
زي الهوندا قطع غيارها عاااااالية و تويوتا برده فيه حاجات فيها عاالية و برده الشارك عشان ما اضحكش على حضرتك قطع غيارها غاالية شوية بس بش زي الهوندا,هي اعلى من البوما بشوية

انا شايف ان معظم الاسعار بتكون متقاربة بين الياباني و الكوري
منقدرش ننكر ان الكوري تقدم بمراحل,,لكن الياباني برده اعلى منه سواء في التكنولوجيا او في الميكانيكا,,,و بعدين فعلا الياباني معمر جدااااا معاك ما شاء الله حتى الاجزاء الميكانيكية معمرة جدااااااااا
تحطها و تنساها

حضرتك قبل ما تشتري عربية لازم تكون محدد مبلغ معين اللي حتشتري بيه العربية و ده اللي حيحدد تشتري ايه بالضبط
و كمان حضرتك عاوز ايه من العربية سواء امان او ماتور قوي ولا كماليات ايه في العربية من فتحة سقف و غيره
الحاجات دي برده حضرتك لازم تحددها و في الاخر برده لازم تركب دي و تشوف دي و تشوف حترتاح في اني عربية,,لان الراحة النفسية عامل مهم في شراء العربية

و طبعا في النهاية حضرتك تعمل استخارة و اللي فيه الخير يقدمهولك ربنا

و تقبل مروري

المشاركة الأصلية كتبت بواسطة drmsadek1979

كلنا معاك وربنا يوفقك

شكرا يا فندم لذوقك

المشاركة الأصلية كتبت بواسطة heshamelfawal

بس ياريت يا ا/باسم تحاول يكون العرض شامل كل الفئات (المانيوال-الاتوماتيك-الهاف سبورت -الهاي لاين)....وعلي فكرة اللي جاب اخبار اليوم الاسبوع ده هيلاقي عرض علي الشارك اقل من عرض الرواس (الاتوماتيك ب 110 و الهاف سبورت ب 116)...واح ان بدء التوكيل الجديد من اول مايو هو السبب

السلام عليكم

استاذ هشام,,حضرتك هو ده اللي حعمله ان شاء الله ان العرض يكون شامل جميع الفئات ان شاء الله
و ان شاء الله حيتم تحديد ميعاد قريب ان شاء الله

بالنسبة للعرض اللي حضرتك بتتكلم عليه,,انا روحت المعرض بنفسي النهاردة
و لقيت عنده بس الاتوماتيك اللي ب110 الف


و تقبل مروري

السلام عليكم جميعا

كلمت واحد صاحبي من شوية و هو يعرف معارض عربيات و كده و بيتعامل معاهم
المهم قولتله يسألي على سعر الشارك هاي لاين و قالي شوية و ارد عليك
المهم رد عليا و قالي العربية موجودة وكيل بش خليجي و ب126 الف,ده كان بالنسبة لمعرض بره غير التوكيل

اما بالنسبة للتفاوض مع الوكيل نفسه,,حيتم الرد عليا بكرة ان شاء الله

حبيت بس اقولكوا على الجديد و اللي عرفته و اللي عايز من المعرض يقولي عشان ابلغ صاحبي بالعدد المطلوب عشان يبلغ المعرض ان شاء الله

و تقبلوا مروري

المشاركة الأصلية كتبت بواسطة basemsaeed

السلام عليكم جميعا

كلمت واحد صاحبي من شوية و هو يعرف معارض عربيات و كده و بيتعامل معاهم
المهم قولتله يسألي على سعر الشارك هاي لاين و قالي شوية و ارد عليك
المهم رد عليا و قالي العربية موجودة وكيل بش خليجي و ب126 الف,ده كان بالنسبة لمعرض بره غير التوكيل

اما بالنسبة للتفاوض مع الوكيل نفسه,,حيتم الرد عليا بكرة ان شاء الله

حبيت بس اقولكوا على الجديد و اللي عرفته و اللي عايز من المعرض يقولي عشان ابلغ صاحبي بالعدد المطلوب عشان يبلغ المعرض ان شاء الله

و تقبلوا مروري

احنا بجد يا استاذ باسم مش عارفين نشكر حضرتك ازاي ربنا يكرمك ويزود من امثالك
عندي استفسار بسيط هل في لون اسود ضمن الالوان فالهاي لاين ولا لأ؟؟؟