الموضوع: لكل الراغبين في شراء سيارة في عرض التصفية الخاص بميتسوبيشي شارك 2009

المشاركة الأصلية كتبت بواسطة bassamhafez

يا استاذي انا والله مش سلبي ولا حاجه

بس انا روحت لسمير ريان وقولتله الكلام ده وقاللي بس انت انوي وتعالى وانا عارف انه اكبر خصم ها يعمله هايكون 1000 او 2000 لاني مجربه في عربيه قبل كده وسيبته وروحت جبتها ارخص منه ومن موزع معتمد مباشر

وكمان مستشار ميتسوبيشي اتصل وهم رفضوا تخفيض السعر

زكمان في عضو اقترح انه هايروح ويسال بس ما ردش مش عارف بقى هو راح واصيب بالاحباط فا ما دخلش عشان يقول لنا ايه اللي حصل ولا ما راحش اصلا

وكمان انا لما شوفت العربيه وحالتها حسيت ان الموضوع مش مستاهل ان احنا نقعد نتحايل على واحد عنده عربيه بقالوا سنتيت مش عارف يبيعها بالرغم من اعجاب الناس بيها

امال لو العربيه دي مش شده الناس كده كان عمل ايه ما كانش باع ولا واحده بقى

علاوة على ان مكان المعرض بعيد عني وده طبعا مش سبب مقنع بس يعتبر من الاسباب برضو اذا وضعنا في الاعتبار النقطه اللي قبليها على طول (انه لايستحق العناء)

فانا وبمنتهى الامانه شايف ان واحد بالعقليه دي لا يستحق مني هذا العناء وخصوصا انه غير مقدر لقيمه العميل

انا مش عايزك تزعل مني بس التجار اللي من النوع ده انا بكره التعامل معاهم وصدقني لو جت الفرصه اللي ممكن اكون فيها قريب من مكان الوكيل مش ها تردد في عرض الفكرة عليه هارجع اقول لكم النتائج

ياباشا لاسمح الله انا مش بقول عليك سلبى ولاحاجة ده انا لما اقولك روح يبقى انا بحملك مسئولية الناس بالكامل نظرا لصدقك وامانتك لكن انا من النوع اللى بيحب يقطع عرق ويسيح دمه يعنى من الاخر نعرض على المعرض الفكرة وافق يبقى على البركة موافقش يبقى منحرقش بنزين فى الفاضى

مشكوووووور والله يعطيك الف عافيه ياستاذ باسم ولذا نرجو من الاستاذ طارق عرض الفكرة مرة ثانية وله جزيل الشكر