مساعدة ضرورية بخصوص سيارة لانوس 1

**VANTROY** · 08-03-2011 10:33 AM

السلام عليكم ورحمة الله وبركاته

بعد طول بحث

قدامى عربة لانوس 1 مو 98 فابريكة بالكامل من الاكصدام للاكصدام تكييف- بور- مرايا كهرباء .... الصالون حالتة ممتازة ... العربية عاملة 125 الف كيلو فيها رخصة 9 شهور حالة الماكينة والعافشة تمام

العربية فيها خبطة صغيرة فى الباب الشمال ورا والعتبه ... معمولين على البارد .... غير كده ما فيش ولا حتى تريحة على الصاج

الحالة العامة ممتازة

المهم نيجى على السعر ..... الراجل طالب 45 الف مش ينقصوا جنيه والكلام دا بالعافية ( السعر دا غالى حبتين عن سعر السوق )

ايه راى حضراتكم .... اخلص ولا ادور تانى

وسؤال اخر لخبراء لانوس

العربية دى تمشى ببنزين 80 ( بعد تظبيط فيشة الاوكتان ) ولا فى مشاكل على المدى البعيد

وايه اخبار العربية دى من حيث الاقتصادية والسفر و قطع الغيار ( سعر وجودة ) واعادة البيع

**JAM** · 08-03-2011 12:51 PM

اولآ بغض النظر عن الحالة.. سعرها غالى جدآ جدآ.. العربية ماهى إلا حالة ثم يأتى الموديل
ثانيآ انا أعرف ناس بيحصولها بنزين 80 ولا عمرهم سمعوا عن فيشوة الأوكتين وماشيين بيها.. بس انا عمرها ولو مفيش بنزين فى مصر .. إستحالة أحطلها 80.
ثالثآ العربية من حيث الأعتمادية.. أدها وإدود.. يعنى حمارة شغل(الله أكبر عليها) بس طبعآ بالصيانة الدورية وابقة واخد بالى منها وبالنسبة لقطع الغيار(عند البقال).. وكل الميكانيكية بيفهموا فيها...سيادتك بالإطلاع على موضيع قسم الدايو.. هتتعلم أعمال الصيانة الدورية وهتقدر تعملها بإديك لو إنتا غاوى.. زى ما أنا وغير اتعلموا كتيييييير اوى من المنتدى.

وأكيد كتير طبعآ من أعضاء المنتدى هيقدروا يفيدوك فى كل حاجة عن العربية

م/ أحمد نبيل

**VANTROY** · 08-03-2011 08:36 PM

اولا باشكر حضرتك على التفاعل مع الموضوع

العربية استيراد معاقيين - مش عارف دا سبب انها تكون غالية - العربية عجبانى بصراحة .... يمكن علشان انا بقالى شهر بادور وكل اللى انا شفته عبارة عن كنب .... او بعيد عن اللى ادور عليه

واحد كاتب عربية فبريكة بالكامل .... اروح اشوفها الاقيها اقل واجب واخده حزام وشنب

انا عاوز اوصل لقرار ..... اخلص فيها وانا عارف اناها غالية ولا استنى شوية وادور -على امل -انى الاقى حاجة زيها وبسعر كويس

بالنسبة لقطع الغيار ...كده انت طمنتنى من الناحية دى

بالنسبة للبنزين ... ليه حضرتك مش عايز تحطلها 80

**hugan** · 08-03-2011 08:41 PM

موديل98
45000 اظن كتير جدا مش شويه حتي لو العربيه فابريكه بالكامل
صديق شاريها موديل 2000 فابريكه بالكامل موتور120000
40000جنيه

**M.Elgergawy** · 08-03-2011 09:32 PM

السعر فعلا غالي اوي انا بايع عربيتي لانوس وان 2000 من سنتين ب 43 الف وكانت برة وجوة
عداد 188 الف بس كانت حالة ممتازة وعموما لو خلصت على 42 الف تكون معقولة
وعايز اقولك محدش هيشتريها بالسعر دا نهائي وانت قوله كلمتك وسيبلوا تليفونك وهو اللي هيكلمك
وربنا يوفقك

**ahmdmagdy** · 09-03-2011 01:01 AM

غاليه اوي مهما كانت حالتها

**osama.m** · 09-03-2011 01:53 AM

اخرها 42 و كدا تبقى عامل معاه واجب .. انا بايع موديل 97 بـ 40.000
سؤال بس هي العربية مانويل ولا اوتو

**KemozTanta** · 09-03-2011 05:14 AM

45 غالية اخرها فعلا 42 او 42 ونص..
انا الحمد لله شاري من شهرين لانوس 2 موديل 2001 و ب 43 وماشية 130 الف فبريكة دواخل وسقف وشنطة
فامش معقول موديل 98 والشكل القديم وتبقي ماشية 125 الف و ب 45 هي لو راشة تبقي 40 او 39 لكن مش راشة وفبريكة 42 وحلو اوي كدا.

**VANTROY** · 09-03-2011 08:04 AM

المشاركة الأصلية كتبت بواسطة hugan

موديل98
45000 اظن كتير جدا مش شويه حتي لو العربيه فابريكه بالكامل
صديق شاريها موديل 2000 فابريكه بالكامل موتور120000
40000جنيه

المشاركة الأصلية كتبت بواسطة jam

بص ياباشا... انتا لو لاحظت هتلاقى معايا عربيتين واحدة 97 ودى معاقين والتانية 99 ودى عادية.. العربية ال 99 انا قعدت 9 شهور بدور على عربيات واتفرجت على مالايقل عن 150 عربية لغاية لما جبتها لأنى زى ما حضرتك قولت.. كله كنب... مع انى جايبها ب 42500 بس حالتها تغنى وكانت عاملة 88 الف كيلو.. انا عايز اقولك على حاجة.. العربية انها تبقة رشة من بره دا لايعيبها لأنك عارف شوارع المحروسة بس اهم حاجة تكون متخبطتش من الجناب وان الشنب بتاع العربية يبقة سليم والشنطة من ورا سليمة.. إنما تكون اترشت قبل كدة.. فدا لا يعيبها... بس انتا تأنى لأنك مش كل يوم هتشترى عربية.. واللى متأكد منه أكتر ان الفلوس اللى هتشترى بيها منتاش لاقيها فى الشارع.
تحياتى
م/أحمد نبيل

المشاركة الأصلية كتبت بواسطة puyol

السعر فعلا غالي اوي انا بايع عربيتي لانوس وان 2000 من سنتين ب 43 الف وكانت برة وجوة
عداد 188 الف بس كانت حالة ممتازة وعموما لو خلصت على 42 الف تكون معقولة
وعايز اقولك محدش هيشتريها بالسعر دا نهائي وانت قوله كلمتك وسيبلوا تليفونك وهو اللي هيكلمك
وربنا يوفقك

المشاركة الأصلية كتبت بواسطة ahmdmagdy

غاليه اوي مهما كانت حالتها

المشاركة الأصلية كتبت بواسطة osama.m

اخرها 42 و كدا تبقى عامل معاه واجب .. انا بايع موديل 97 بـ 40.000
سؤال بس هي العربية مانويل ولا اوتو

المشاركة الأصلية كتبت بواسطة romio4lovee

45 غالية اخرها فعلا 42 او 42 ونص..
انا الحمد لله شاري من شهرين لانوس 2 موديل 2001 و ب 43 وماشية 130 الف فبريكة دواخل وسقف وشنطة
فامش معقول موديل 98 والشكل القديم وتبقي ماشية 125 الف و ب 45 هي لو راشة تبقي 40 او 39 لكن مش راشة وفبريكة 42 وحلو اوي كدا.

اولا انا متشكر لحضراتكم جميعا على المشاركة ..... وبكده يبقى اخرى معاها 42 او 42.5 بالكتير .... وحتى لو هو مش موافق يبقى اتوكل على الله وادور تانى

وياريت لو حد عنده عربية لانوس او اكسنت 1500 بحالة جيدة وتكون قريبة من المنصورة يبعتلى على الخاص ....

-

الموضوع: مساعدة ضرورية بخصوص سيارة لانوس 1

LinkBack

أدوات الموضوع

عرض

مساعدة ضرورية بخصوص سيارة لانوس 1 - انشر الموضوع فى :

-

-

-

-

-

-

-

المواضيع المتشابهه

مساعدة ضرورية بخصوص غفشة الالتو

مساعدة ضرورية

مساعدة ضرورية بخصوص الفرامل لانى حاسس انى ماشى من غير فرامل

مساعدة ضرورية في مشكلة عويصة بخصوص D s l

مساعدة فى تقييم سيارة لانوس

الكلمات الدلالية لهذا الموضوع

المفضلات

المفضلات

ضوابط المشاركة