بلطجه وتكسير عربيات على الاوتوستراد الأن

**Ayman-Ahmed** · 08-03-2011 09:17 PM

لا حول ولا قوة الا بالله.يا شبااااااااااااااااااااااا ااااااااااااااااااااااااا ااب انا ساكن فى مساكن السعودية اللى اودام الكيلو 4.5 ممكن اعرف امتى حصل الكلام ده كله.

**sherif Anton** · 08-03-2011 09:28 PM

انا النهاردة حوالي الساعة 3 ظهرا كنت راجع من الشغل بسيارة الشركة الملاكي كنت انا ومهندس زميلي وسائق السيارة في طريق الاوتوستراد وكان الطريق واقف والسيارات تتحرك بصعوبة بالغة ... وفجأة وقبل مطلع المقطم على طريق الاوتوستراد بحوالي كيلومتر فوجئنا بأصحاب السيارات التي امامنا يصرخون "ارجعوا بسرعة للخلف ... بسرعة" طبعا هنرجع ازاي والعربيات لزقة في بعض ... فجأة وهجوم غير متوقع من عدد كبييييير من البلطجيه معهم جميع انواع الأسلحة البيضاء والسيوف وزجاجات الملوتوف والطوب ... طبعا كله نزل جري من العربيات ... كلنا سبنا العربيات وجرينا وسط زجاجات ملوتوف تلقى حولك وطوب طاير فوقنا ... كله كان في رعب وحزنت كثيرا على رؤية النساء والأطفال مزعوريين وفي حالة بكاء هستيري ... كان بالقرب مقر دائم للشرطة العسكرية وكانوا بينادوا على الناس علشان تدخل تحتمي داخل المبنى ... السائق اللي كان معانا قال لنا انا هستنى جوه المبنى لغاية لما الجو يهدأ ثم ارجع اشوف العربية ... وانا اخذتها جري انا وزميلي حتى وصلنا الى مكان أمن ثم اخذنا تاكسي ... ربنا يهدي الجميع ... نسيت اقول لكم ان السائق لما الموضوع هدي شوية (لأنه بيكون على شكل موجات) رجع وأخد العربية بس زجاجها الأمامي كان مكسر

**dr_radioooooo** · 08-03-2011 09:40 PM

المشاركة الأصلية كتبت بواسطة sherif anton

انا النهاردة حوالي الساعة 3 ظهرا كنت راجع من الشغل بسيارة الشركة الملاكي كنت انا ومهندس زميلي وسائق السيارة في طريق الاوتوستراد وكان الطريق واقف والسيارات تتحرك بصعوبة بالغة ... وفجأة وقبل مطلع المقطم على طريق الاوتوستراد بحوالي كيلومتر فوجئنا بأصحاب السيارات التي امامنا يصرخون "ارجعوا بسرعة للخلف ... بسرعة" طبعا هنرجع ازاي والعربيات لزقة في بعض ... فجأة وهجوم غير متوقع من عدد كبييييير من البلطجيه معهم جميع انواع الأسلحة البيضاء والسيوف وزجاجات الملوتوف والطوب ... طبعا كله نزل جري من العربيات ... كلنا سبنا العربيات وجرينا وسط زجاجات ملوتوف تلقى حولك وطوب طاير فوقنا ... كله كان في رعب وحزنت كثيرا على رؤية النساء والأطفال مزعوريين وفي حالة بكاء هستيري ... كان بالقرب مقر دائم للشرطة العسكرية وكانوا بينادوا على الناس علشان تدخل تحتمي داخل المبنى ... السائق اللي كان معانا قال لنا انا هستنى جوه المبنى لغاية لما الجو يهدأ ثم ارجع اشوف العربية ... وانا اخذتها جري انا وزميلي حتى وصلنا الى مكان أمن ثم اخذنا تاكسي ... ربنا يهدي الجميع ... نسيت اقول لكم ان السائق لما الموضوع هدي شوية (لأنه بيكون على شكل موجات) رجع وأخد العربية بس زجاجها الأمامي كان مكسر

لا حول ولا قوة الا بالله ربنا يستر

**AmatoALLAH** · 08-03-2011 09:40 PM

المشاركة الأصلية كتبت بواسطة ahmed_su

لسه زميل بيكلمنى بيطمن عليا روحت ولا لاء

وبيقولى فى منطقة الازهر والحسين خناقات كبيرة بين عائلتين

والاسلاحة النارية منتشرة وضرب نار كثيف

انا كنت هناك وقتها

و ضرب رصاص ورعب و الناس طلعت تجري علشان يستخبوا في اي حته

ومحدش يعرف ايه السبب

شويه يقولوا انها خناقة تجار صعايدة و شوية يقولوا دول المسحيين المتظاهرين وكانوا عايزين يدخلوا منطقة الازهر فالتجار خافوا علي محلاتهم و ضربوا نار

طبعا انا او لما سمعت ضرب النار كنت في مصنع بيعملي شغل ,صاحب المصنع قالي لازم تروحي دلوئتي و بعت معايا عامل من المصنع علشان يدخلني من الحواري و مامشيش في شارع الازهر لحد ما اوصل للحسين لاني كنت راكنه عربيتي هناك

لما وصلنا الحسين لقينا عربيات الشرطة العسكريه ماليه المكان و الجو ريحته رصاص وبارود

والعربيات طبعا ماشيه مخالف علشان يهربوا من منطقة الازهر و الموسكي

انا اخدت عربيتي والحمد لله اني كنت راكنه في باركنج الحسين علشان اتجاهي يكون ناحية صلاح سالم

طبعا كل المحلات من اول طلقة رصاص سمعناها كلهم قفلوا

بس الصراحه صباااااااااااح الرعب

**GMC** · 08-03-2011 09:45 PM

المشاركة الأصلية كتبت بواسطة ashouhdy

معتقدش ابدا ان دول مسيحين .... مش بعيد يكون بلطجية وبواقى النظام

...........

بلطجي ولا حتى مسيحيي نشيل الي واقف و بيستهبل ويتساوا في الارض حتى لو مسيحي مش هو قاطع الطريق ورامي نفسه في التهلكه

انذار ووقف لمخالفة القاعدة 13
يرجى مراجعة قواعد المنتدى
10:56pm 8/3/2011
م.ع.6