فتيس لانوس 1 اتوماتيك

**drhegab** · 09-03-2011 09:25 PM

الحمد لله انا زودت الفتيس كمان 2 لتر كدا يبقا انا ضفت 3 لتر موضوع الغيرات اللى كانت بتتأخر دا قل جامد جدا الحمد لله اتظبطت كويس
المشكله دلوقتي في انها مش بتاخد اخر غيار
الميكانيكي بقا بيقولي احنا هنفك الكرتيره ونزل الزيت ونغير الجوان والفلتر دا كل اللي يقدر هو يعمله انما ماعندوش علم خالص بعلبة البلوف دي ولا بموضوع ان عصايه الفتيس تكون ملمسه ف انت ايه رأيك اروح اسأل عند ميكانيكي تاني يكون فاهمهم يمكن يفيدني ولا اعمل ايه
الميكانيكي بتاعي دا امين جدا بس برضوا اعتقد ان خبرته في الاتوماتيك مش اللى هيا
يعني انا دلوقتي مشكلتي في الغيار الاخير اللى مش بيجي دا

**acounter012** · 09-03-2011 10:23 PM

جرب ميكانيكي تاني افضل

**drhegab** · 09-03-2011 11:34 PM

يا مسهل نجرب واحد تاني وربنا يستر

**moko_2004** · 09-03-2011 11:54 PM

علبة البلوف لها اسم اخر و هو عقل الفتيس عشان بعض الميكانيكية لا يعرفون هذا الأسم

**drhegab** · 10-03-2011 12:11 AM

اه هو الميكانيكي قالى فيه حاجه جوه اسمها الكومبيوتر بتاع الفتيس
بيقولي دا لو باظ مش هتعرف تجيبه لازم تغير الفتيس
ممكن يكون يقصد دا؟ ولو باظ ازاي مش هعرف اجيبه؟ دا متوفر زي ما حضرتك قوتلي صح؟

**moko_2004** · 10-03-2011 01:48 AM

كومبيوتر الفتيس موجود في الفتيسات الكهرباء فقط و معلوماتي عني انة بيكون موجود جنب البطارية بينة وبين علبة الفيوزات وبتبقي في عصاية الفتيس زرار اسمة over drive لما تدوس علية بأخر النقلة وبيديك اداء رياضي مشابة للكيك داون وتحت في زرار تاني اسمة eco- mode لما تشغلة بينقل نقلات خفيفة بدري بدري عشان يوفر البنزين و تحس بتكاسل العربية
ده في النوبيرا البريميوم و لكن هل انت عندك الحوارات دي؟؟؟
بص النقلات المفروض كالتالي
من 1-2 عند سرعة من 25 - 30ك/س اربي ام 2.5 او 3
من2-3 عند من 50- 60 ك/س اربي ام 2.75 او 3
من 3-4 عند من 70- 80 ك /س ار بي ام 2.75 او 3
80 هتبقا عند 2 و 90 هتبقا عند 2.5 و110 عند 3 و 120 عند 3.5 و 140 عند 4 و 160 عند 4.5 , 180 عند 5 ودي اعلي سرعة وصلتلها حاليا و معرفتش اجيب اكتر من كدة ولكن مين العالم ممكن اقفل الأمبير في يوم من ذات الأيام

**drhegab** · 10-03-2011 02:09 PM

هو كلام حضرتك مظبوط لحد سرعه 80 بتكون عند 3 المفروض الفتيس بقا يغير والار بي ام ينزل لحد 2 وبعدين يزيد بقا لانه اخدت غيار تاني
هيا مش بتعمل كدا هيا بتفضل تزيد بقا فوق التلاته 100 تبقا عند 4 و 135 عند 4.5 ومش بتجيب زياده عن كدا بتكون مخنوقه جدا لانها كدا كدا مش واخده الغيار الاخراني
ياريت كدا حضرتك تكون فهمت
وتقولي بقا يبقا كدا العيب في العصايه ولا في علبة البلوفات ولا في الكالتشات

**moko_2004** · 10-03-2011 05:23 PM

المشاركة الأصلية كتبت بواسطة drhegab

هو كلام حضرتك مظبوط لحد سرعه 80 بتكون عند 3 المفروض الفتيس بقا يغير والار بي ام ينزل لحد 2 وبعدين يزيد بقا لانه اخدت غيار تاني
هيا مش بتعمل كدا هيا بتفضل تزيد بقا فوق التلاته 100 تبقا عند 4 و 135 عند 4.5 ومش بتجيب زياده عن كدا بتكون مخنوقه جدا لانها كدا كدا مش واخده الغيار الاخراني
ياريت كدا حضرتك تكون فهمت
وتقولي بقا يبقا كدا العيب في العصايه ولا في علبة البلوفات ولا في الكالتشات

و لما نقلت مانيوال بالعصاية حصل اية؟؟
لو نقلت من 3 الي d ومنقلتش معاك عرفني عشان نطلع موضوع العصاية من الأسباب او نثبتة
التلات اسباب المذكورين يعملو نفس التأثير و لكن بالتجربة لازم نحدد مين السبب الأساسي و لو فية اسباب مجتمعة و انت كدة كدة لازم هتحتاج تنظف الفتيس و الفلتر و تغير الزيت عشان لو كان فية كلتش محروق هيبان "الزيت هينزل بني مائل للسواد"و لو فية عيوب في منظم النقلات او علبة البلوف برضة يبان "الفلتر هيكون وسخ و جلد البلوف هيبقي ناشف و متشقق "

**drhegab** · 10-03-2011 05:29 PM

طيب تمام انا لما اطلع بالعربيه ان شا الله همشي بيها مانيوالي و اشوف الموضوع دا ويا مسهل

**drhegab** · 11-03-2011 07:43 PM

انا مشيت بيها منايول زي ما حضرتك قولتلي
اديتها 1 بعدين مشيت لحد 3 ار بي ام بعدين اديتها 2 برضوا الر بي ام فضل يعلي يعني العربيه ما اخدتشي 2 دا خالص بعدين اديتها 3 ومشيت عليه فضلت تاخد غيراتها عادي ماعدا الغيار الاخير ودا طبيعي ف ادتلها d ولم يحدث اي تغير زيه زي 3 مااخدتشي الغيار الاخير
يعني انا فهمت من كدا ان 1 زي 2 بالظبط بدون اي فرق و 3 زي d برضوا بدون اي فرق
كدا ممكن يكون العصايه نفسها فيها العيب ولا ايه؟؟؟؟؟
وتأخير الغيار ظبط جدا بعد ما زودت الزيت
ف انت ايه رأيك كدا يبقا علبة البلوف ولا العصايه ولا كالتشات؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟