الموضوع: ليون ! مالها بس ما هي جامدة جداً أهي!:)

السلام عليكم
انا ركبت الجيتا و الباسات و الاسترا الكوبيه بانوراما و الاوكتافيا و غيرهم في نفس الفئة
ولا واحدة بنفس راحة و جمال و انبهار الليون
عربية رائعة بكل المقاييس اول ما ركبتها حسيت براحة غريبة كأني كنت مسافر و رجعت بعت تعب كبير اوي و استريحت
مش ممكن حسيت ان العربية واخداني بالحضن (بنفس اللفظ فعلا) كنت حاسس ان كل حاجة حواليا و برغم وسعها الا انه الوصول لأي حاجة فيها سهل جدا.
اول ما ركبتها كان نفسي اشغلها و اطير
صدقني مكنتش عايز اقوم منها اصلا و لو معايا 200 الف مش هجيب الباسات لا هجيب الليون و انا مغمض
بصراحة انا اول مرة اعد في عربية و استريح فيها بالشكل ده
انا مهما اتكلمت مش هعرف اوصف انبهاري
و لما شفت قطع غيارها لقيت سعرها اغلى من الجين تو بحاجة بسيطة نسبيا (كنت بفكر اجيب الجين 2) انما الجين 2 ولا حاجة جمب الليون طبعا
انما لو هقارن العربيتين يبقى حرام ادفع 85000 في عربية اسعار قطع غيارها قريبة من عربية وهمية و ب 145000
ولا ايه؟؟؟

و اللى يبهر اكتر من كده اسعار الصيانة
صيانة الليون 500 جنيه كل 10000 و اول 5000 بتدفع 500 جنيه برضه حسب ما قرأت في المقال ده
انما الجين 2
اول 1000 تدفع 250
5000 --- 750
10000 -- 250
15000 -- 750
20000 -- 250
25000 -- 1500
30000 -- 750 تقريبا
35000 -- 2200
مش متـاكد من ارقام الكيلو مترات اوي بس متاكد من الارقام اللى هتدفع
فا مش ممكن فرق مهول
ليه ادفع كل ده صيانة و دي صيانتها ببلاش بالرغم من انها عربية من فئة اعلى بكتير.

عشان كده انا لغيت الجين 2 من تفكيري تماما
و بتمنى يكون معايا سعر الليون عشان اجيبها ان شاء الله

المشاركة الأصلية كتبت بواسطة crazylambada

اولا انا من عشاق المانيوال واخدها هواية من والدي الله يرحمه
و السواقة متبقاش سواقة من غير المانيوال
ام سعر اعادة البيع فديه في علم الغيب
يعني شوف الفكترا سعر اعادة البيع بتاعها كان عالي اوي
و فجأة اتخسف بيه الارض صح و لا لأ
انتا بتجيب عربيةعلشانترتاح فيها مش علشان تبيعها
و حضرتك يا استاذ حيبز انضميت ليا في الحلم الجميل ده
و باذن الله ندفع 120 سيات ليون كوبرا 2000 سي سي
بعد الغاء الجمارك بعد 10 سنين باذن الله
يدينا و يديلكوم طولة العمر

يا رب

السلام عليكم أولاً.
أنا من مقطنيين الليون الحمد لله و هي عربية مفهاش كلام بس مشكلتي أن أنا أتغابيت عليها يعني معملتش تليين و كنت بجيب بيها 5000 rpm قبل ال 200 كم فكانت بتسخن بسرعة و المشاكل المتوقعة.
بالنسبة لليون فهيا عربية ممتازة جداً بس سعات بحس أنها مش ركزة أوي في الملفات الجامدة ممكن أكون أنا بتزحلق علي الكرسي فبيتهئلي بس في الجودة الأخ الفاضل اللي كان بيقول أن الجودة أحسن من الأوبل فده كلام مش مظبوط خالص الأوبل بصفة عامة أحسن من السيات و أنا عندي أسترا 2004 برضه و عارف بقول أيه السيات محترمة و كل حاجة بس الأوبل أعلي منها في كل حاجة بصفة عامة الأسترا الجديدة التوكيل سارقها و شايل منها حاجات كتييييييييييييييير بس لو سافرت بره و قارنت السيات ليون بالأسترا ممكن يضربوك لأن الأسترا فيها أمكانيات مش هتيجي علي بالك أن أوبل تقدر تعمل كده!!.
و شكراً.

و أهو الدليل في السرعات بس كمان أسترا 1999 مع ليون بس معرفش مودلها كام!!!!!!
http://www.youtube.com/watch?v=Q1NKrjC3OWU

ياجماعة انا ببيع عربيتي و عايز اعرف تقيمكو للعربية سيات ليون 2009

هيا عربيه حضرتك ايه اصلا ؟ سيات ليون 200 9 و الا ايه ؟؟؟؟

2009 *******