الموضوع: ليون ! مالها بس ما هي جامدة جداً أهي!:)

موديل 2002
1600 سي سي

الـ 2000 سى سى بتجيب تمانينات موديلات 2001 إلى 2003 حسب الحالة

يا جماعه التوليدو موديل 2002 بتتباع دلوقتى مستعمله شركه برا وجوه وحالتها جميله جدا ب 55000 جنيه وده معناه ان منتجات السيات سعرها بينزل جامد اوى اوى اوى اوى بعد الأستعمال وده عيب فظيع......يعنى متوقع ان الليون كمان 5 سنين تكون ب 50000 جنيه ودى خساره مش طبيعيه وده اللى يخلي العربيه تكون مش منتشره خالص........أنا رأيي ان العربيه جميله بس الواحد مبيشتريش العربيه يأعد بيها يومين لازم تكون قطع الغيار مش غاليه و سعر البيع بعد كده كويس......وكمان فيها مشكله تانيه انها مانيوال ودلوقتى الشعب المصرى بقي بروتا وبيدور على الراحه وكل الناس عايزه الأوتوماتيك وخصوصا ان بقي في زحمة عربيات كبيره اوى

دا إللى بنقولوا من الصبح و محدش مصدق

أهلا يا باشا عودتك و فى إنتظار تقييمك للليون

السلام عليكم
انا ركبت الجيتا و الباسات و الاسترا الكوبيه بانوراما و الاوكتافيا و غيرهم في نفس الفئة
ولا واحدة بنفس راحة و جمال و انبهار الليون
عربية رائعة بكل المقاييس اول ما ركبتها حسيت براحة غريبة كأني كنت مسافر و رجعت بعت تعب كبير اوي و استريحت
مش ممكن حسيت ان العربية واخداني بالحضن (بنفس اللفظ فعلا) كنت حاسس ان كل حاجة حواليا و برغم وسعها الا انه الوصول لأي حاجة فيها سهل جدا.
اول ما ركبتها كان نفسي اشغلها و اطير
صدقني مكنتش عايز اقوم منها اصلا و لو معايا 200 الف مش هجيب الباسات لا هجيب الليون و انا مغمض
بصراحة انا اول مرة اعد في عربية و استريح فيها بالشكل ده
انا مهما اتكلمت مش هعرف اوصف انبهاري
و لما شفت قطع غيارها لقيت سعرها اغلى من الجين تو بحاجة بسيطة نسبيا (كنت بفكر اجيب الجين 2) انما الجين 2 ولا حاجة جمب الليون طبعا
انما لو هقارن العربيتين يبقى حرام ادفع 85000 في عربية اسعار قطع غيارها قريبة من عربية وهمية و ب 145000
ولا ايه؟؟؟

و اللى يبهر اكتر من كده اسعار الصيانة
صيانة الليون 500 جنيه كل 10000 و اول 5000 بتدفع 500 جنيه برضه حسب ما قرأت في المقال ده
انما الجين 2
اول 1000 تدفع 250
5000 --- 750
10000 -- 250
15000 -- 750
20000 -- 250
25000 -- 1500
30000 -- 750 تقريبا
35000 -- 2200
مش متـاكد من ارقام الكيلو مترات اوي بس متاكد من الارقام اللى هتدفع
فا مش ممكن فرق مهول
ليه ادفع كل ده صيانة و دي صيانتها ببلاش بالرغم من انها عربية من فئة اعلى بكتير.

عشان كده انا لغيت الجين 2 من تفكيري تماما
و بتمنى يكون معايا سعر الليون عشان اجيبها ان شاء الله