الموضوع: وجهة نظر غاضبة بخصوص الأوضاع الحالية

المشاركة الأصلية كتبت بواسطة seiffoz

ربنا خلق الكون فى 6 أيام

و ما فيش حاجة بالدراع ... فى إستفتاء على تعديل الدستور و يا توافق يا لأ ... قول لأ!

هتحاكم كل واحد بإن الناس بتقول عليه فاسد و ممكن تكون الأدلة أو مأمن نفسه كويس؟؟ يبقى إنت مش عايز محاكمة قانونية عادلة

مش من حقك تمنع حد إنه يمارس العمل السياسى .. طالما لم يثبت عليه قضايا فساد ... و المطالب دي ضد الديموقراطية

هنقيل روساء الجامعات و المجالس المحلية و المحافظين و و و .كل ده فى نفس الوقت ... يا راجل حرام عليك !

الوزراء القدامى مش شرط عشان فى عهد مبارك يبقى فاسد .. الجنزورى و عصام شرف فى عهد مبارك .. حسب الله الكفراوى فى عهد مبارك ..

أمن الدولة لو حليته ... هينشئ جهاز تانى بأى إسم أخر له نفس المهام ... مكافحة الجاسوسية و مكافحة الإرهاب ...
و إلا بقى بلاش و خلى الجواسيس فى غرف خمس إللى فيه

فى حد عاقل فى الدنيا عايز يلغى حالة الطوارئ؟؟؟ على فكرة .. طالما المجلس العسكرى فى الحكم و الجيش فى الشوارع يبقى حالة الطوارئ معلنة غصب عنك و عنى . و هو ده وقت الطوارئ ... الطوارئ تتلغى لما الأوضاع الأمنية تستقر بشكل تام

محاكمات الضباط المتسبيين فى أحداث 28 يناير .. الموضوع قيد التحقيق .. أكيد مش هيجيى بكرة يقولك هنعدم 1000 ضابط من غير تأكد ... طبيعى إن المحاكم بتأخد وقت خصوصا فى القضايا الحساسة إللى زى دى ..

لو بتنادوا بالديموقراطية و القانون ... يبقى إحترموا الديموقراطية و القانون ...

إقرأ ده ... وثق فى حكومة شرف

youtube - ‫ط±ط£ظ‰ ط§ظ„ط´ط¹ط±ط§ظˆظ‰ ظپظ‰ ط§ظ„ط«ظˆط±ط© _ ط.ط¯ ط¹ظ†ط¯ظ‡ ط±ط£ظ‰ ط¨ط¹ط¯ ط§ظ„ط´ط¹ط±ط§ظˆظ‰‬‎

+++++++++++++++++++++++++++++++++11111111111111111 11111111111
الله يرحم شيخنا محمد متولى الشعراوى

فى مثل فرنسى مهين للمرأة بيقول " Cherchez la femme "..
يعنى ابحث عن المرأة بإعتبارها هى سبب المشكلة
فى وضعنا الحالى دور على المستفيد و صاحب الدافع و من المسؤول عن الإجراءات الاحترازية للفوضى المتوقعة

نا عايز حد يقعنى إن 3 أسابيع منذ تنحى حسنى مبارك غير كافية للقبض و البدء بالمحاكمة العلنية لمرتكبى اعتداءات ميدان التحرير....بل و أيضا هؤلاء الأقذار الذين أمسك بهم أبناء الوطن من المدنيين العزل من السلاح و كانوا يحملون بطاقات هوية تفضح انتمائهم لجهاز الشرطة....
من أصل آلاف الممسوك بهم..بضعة عشرات أدينوا فقط.....أنا هأتجنن....دول متلبسين فى حالة اعتداء على البلد فى وسط الليل و الشعب شاهد....آلاف المتهمين يرسوا على أقل من خمسين حكم بس!!!.....أنا لا أتخيل شعور الناس إللى كانت فى موقف تضحية لما مسكت عصا فى مواجهة سلاح نارى من خبير فى استعماله و و قاتلوا لحد ما اعتقلوه و تحلوا بظبط النفس و لم يقتصوا فى التو و اللحظة ( و لا يوجد من يجرؤ على لومهم ) و سلموهم للجيش و آخرتها شوية أحكام عسكرية بالسجن من 5- 7 سنوات

طيب و جهاز أمن الدولة.....كان لازم يعنى الدخان يطلع من المقرات و الناس تتجمع و تدخل بنفسها و تطارد الشرطة داخل مقاراتهم و تقاوم طلقاتهم بنفسهم؟؟؟؟؟....
مالجيش عارف من الأول....

أصغر عيل فى البلد عارف يعنى إيه أمن دولة و لسه رئيس الوزراء بيشرحوا له على الهواء فى التليفيزيون حكاية أمن الدولة

على كل الوقت حاليا غير مناسب لمظاهرات ....لازم نعطى فرصة للحكومة الحالية إنها تعمل أولا فى تركيز و نشوف هيقدروا يوصلوا إلى أين....
و أتوقع إن الاستفتاء القادم بعد أسبوع هيطلع أحد قادة الجيش قبل يوم الخميس القادم يقول إنه تم التأجيل و إلا هيصوت عليه بلا أو هتكون المشاركة محدودة جدا...لإنه غير كاف لمرحلة انتقالية و لا الفترة الزمنية معقولة و عندى إحساس بإنه سياسة فرض أمر واقع لإن مافيش خطة بديلة له فى حالة عدم التصويت بنعم...

الحمد الله إن البلد إلى حد كبير نجت من الشدائد إللى مرت عليها و التى تزامنت مع قدوم الحكومة الوطنية الحالية...و الفاسدين تقريبا مافيش عندهم حيل أخرى جديدة...حتى فاسدين خايبانين معندهمش غير مخطط واحد مكرر....
و لو عندهم جديد ربنا قادر يجعل كيدهم فى نحرهم...

و إن شاء الله الشعب هيأخد حقه كامل بالصبر و الاحتمال و الثبات و العزيمة و لكن مع تحكيم العقل فى كل خطوة

جميل كلام الشيخ الجليل محمد متولى الشعراوى....
لما يبقى انقضى الفساد و الظلم أكيد هتهدأ الثورة...
و لا يعنى الشعب الثائر ده مكون من شوية ناس فاضية و عندها مخزون من الأموال أيضا يمكنها من التفرغ لأعمال الثورة فقط !!!!!

قد يكون أحد أسباب التأخر هو محاولة الإنقلاب الفاشلة بقيادة قائد قوات الحرس الجمهوري
http://www.nilemotors.net/Nile/206214-a.html