الموضوع: وجهة نظر غاضبة بخصوص الأوضاع الحالية

المشاركة الأصلية كتبت بواسطة tlrsiap

1- انك تطلب تغيير الدستور ويقلك نعدل بعض مواده يعنى تفضل الصلاحيات المطلقه لرئيس الجمهورية فى ذات الدستور ، وتفضل نفس المواد التى تعطى الحق للوزراء فى الدخول مجلسى الشعب والشورى ونقعد نلف وراء بعض...... من تانى ،ومن غير قانون محاسبة رئيس الجمهورية ولا قانون محاسبة الوزراء ،وتبص تلاقى تونس عملت جمعية تاسيسيه لاصدار دستور جديد


2- الثوره هى انك تطلب محاكمة مبارك يقلك طيب نجمد امواله يعنى نحقق وناخد وقتنا ونتحرى مره من جهاز الرقابة الادارية اللى كان بيتصنت على تليفونات المسئولين بدون رقابة القضاء ولصالح امن الدوله ،ومره من مباحث الاموال العامه اللى هيا اصلا من وزارة الداخليه ،ومره من جهاز الكسب غير المشروع، ومره من الجهاز المركزى للمحاسبات اللى ياما قال رئيسه المستشار جودت الملط فى فى الصحافه وفى جلسات مجلس الشعب انه فى فساد وفى استيلاء على الاموال العامه وتربح وانه فى تريليون جنيه مسروقين والتريليون الف مليار واللى برده ياما بعت تقارير للجهات الرقابيه ولرئاسة الجمهورية انه فى فساد وسرقه اموال عامه بالمليارات ولا حياة لمن تنادى وبرده نقعد نلف وندور حوالين نفسنا على ما الفلوس تهرب بره ،والاصول تتباع والفلوس تتحول من بنك لبنك ولحسابات سريه ،وابقى قابلنى لو طولت مليم منها



3- الثورة هى انك برده تطلب حل امن الدولة يقلك نهيكلها تانى يعنى تبقى موجوده برده وترجع تمارس نشاطها القديم بس باسم جديد واهو برده على ما الرجاله تعمل كده كام عمليه فتنه طائفيه جوه البلد وعلى برده مايخفوا معالم جرائمهم ويحرقوا اوراقهم ويفرموها ،وتلاقى برده امن الدولة اتحل فى تونس ويتوزع افراده على الادارات المختلفه زى ادارة المرور والمرافق والمخدرات ...الخ انما هنا يقلك هنوديهم فين يا سيدى يتوزعوا على ادارات الداخليه المختلفه لانهم اصلا بيتنقلوا كل سنه من اداره لادارة ،وبرده يقلك لاء مينفعش لانهم لهم دور عظيم داخل الدولة وهو انهم كانوا برده شغالين حتى قبل رحيل رئيس الوزراء احمد شفيق بيوم واحد وكانوا موجودين فى الميدان وبيكتبوا التقارير وبيعتقلوا الناس وميه ميه ،طيب المخابرات العامه والمخابرات الحربية والامن القومى مش ممكن يادوا نفس الدوروهما هيئات لاغبار عليها ؟؟؟؟؟؟؟؟؟؟؟؟ يقلك لاء لازم امن الدولة ...........وهيا دى الثوره !!!!!!!!!!!!!!!!



4- الثوره هيا انك تطلب حكومه جديده يقلك طيب يفضل سيد مشعل وحسن يونس وفايزه ابو النجا وماجد جروج وهما من الوجوه القديمه اللى عينهم مبارك،واللى ممتهنيين لسياسته الحكيمه وتتلمذوا على يديه ،وهيا دى الثوره


5- الثوره انك تطلب تشيل المحافظين يقلك بعدين على ما كل واحد يظبط اوراقه ،وارواق المحافظه ومستنداته ومايسبش حاجه وراه ...وهيا دى الثوره



6- الثوره انك تطلب حل المجالس الشعبية المحلية اللى تتكون من 52000 (اثنان وخمسون الف عضو ) من اعضاء الحزب الوطنى على مستوى الجمهوريه يقلك بعدين على مايقوموا يعملوا كام عمليه فتنه طائفيه مع امن الدولة ، وعلى ما يجيبوا بلطجيه يروعوا الامنيين ويعملوا فوضى جوه البلد ويضربوا المعتصمين اللى هما اصلا اباء وامهات الشهداء فى الثوره ،اللى مصممين انهم ميسبوش الميدان غير لما يتحاكم قتله ابنائهم ....وهيا دى الثوره


7- الثوره هيا انك تطلب محاكمة صفوت الشريف وفتحى سرور وزكريا عزمى يقلك هنعمل تحريات على ما الناس بس تهرب الاموال والثروات وتخطط الخطط وتعمل المؤامرات ويجيبوا البلطجيه للفتنه الطائفيه برده وينفذوا الثوره المضاده ، وهيا دى الثورة


8- الثوره ان تطلب حل الحزب الوطنى ومنع قياداته من العمل السياسى ،تلاقى الحزب زى ماهو ويعمل حزب باسم جديد ويركب موجه الثورة ،وتلاقى الحزب الحاكم اتحل فى تونس واتمنع قياداته من ممارسه اى نشاط سياسى ....وهيا دى الثوره


9- الثوره ان تطلب الغاء حالة الطورىء يقلك لاء على الرغم من وجود المحكمه العسكريه التى تصدر احكاما ضد البلطجيه غايه فى الردع واشد من قانون الطوارىء .....وتلغى حالة الطوارىء فى الجزائر ولاتلغى فى مصر وهيا دى الثوره


10-الثورة انك تطلب اقالة رؤساء الجامعات....اللى هما قتلوا الانشطه الطلابية وزورو انتخابات اتحاد الطلاب ونكلوا باساتذه الجامعات اشد تنكيل يقلك لاء طبعا على ما الرجاله يخبوا الملفات ويظبطوا الحسابات بتاعتهم ويحرقوا الاوراق اللى فى مقرات الحرس الجامعى ...وهيا دى الثوره



11-الثوره ان تطلب محاكمة المتسببين فى جريمة قتل الثوار يقلك هنعمل لجنة تقصى حقائق طبعا على مالناس تجهز الاسماء اللى هتتعمل كبش فداء وطبعا على ما بعض الرجاله تهرب بره ....وتيجى لجنه تقصى الحقائق تقلك نجد صعوبه فى معرفة السياره التى دهست المتظاهرين ........ على الرغم من ان وزير الداخليه قال ان اطلاق النار على المتظاهرين لايمكن ان يتم الا باوامر من الرئيس لانه الرئيس الاعلى للشرطه .....وسبحان الله تلاقى تونس طلبت من السعوديه تسليمها بن على لمحاكمته عن جريمة اصدار اوامر باطلاق النار على المتظاهرين ،وتلاقى وزير داخلية تونس تم حبسه والتحقيق معاه عن جريمة ضرب المتظا هرين بالرصاص الحى ....وانتا هنا تبص حواليك ولا تلاقى حاجه .......وهيا دى الثورة


منقول , و انا متفق معاه تماما

متفق تماما.

المشاركة الأصلية كتبت بواسطة hobiko

متفق مع كل حرف .......


أساساً التباطؤ في تنفيذ مطالب الثورة ...... هي السبب في كل إلي احنا فيه دة


لو من أول يوم بعد التنحي ...... تم تحديد إقامة صفوت و سرور و عزمي ....... مكنش الموضوع فلت بالشكل دة


لو من أول يوم بعد التنحي ...... تم معاقبة ظباط الشرطة إلي قتلو المتظاهرين ...... كان زمان الناس هدت و تقبلت الشرطة بسهولة


لو من أول يوم بعد التنحي ...... تم التحفظ بشكل سريع و فجائي على قيادات أمن الدولة و مقراتهم ....... مكنتش الوثائق دي كلها إتفرمت و الحقيقة بنات


لو من أول يوم بعد التنحي ...... تم إقالة حكومة شفيق ........ ماكنش تم التستر على كل البلاوي إلي في البلد


أنا أسف اني أقول ........ الجيش بطييئ جداً ...... و كفاية مش عايز أقول أكتر من كدة

متفق كذلك .

المشاركة الأصلية كتبت بواسطة ghamrawy

المضحك اننا بقالنا اكتر من 30 سنة البلد ماشية بكلمة من الحاكم أو مراته و عياله برضه مايضرش و ضرب عرض الحائط بالقانون و الدستور تم هتك عرضه و قرارات القضاء لا تحترم و لا تنفذ
و بعد الثورة ما حصلت يقولك ما حدش يتحاسب الا بالقانون و الادلة و المستندات و التسجيلات
ماحدش يتحفظ على امواله الا بالقانون و المستندات و التحقيقات
ما حدش يتمنع من السفر و يتم تحديد اقامته الا بالقانون و الادلة و المستندات
جايين بعد ما القانون اتداس بالجزم عايزين تطبقوه على ناس اخدت مال البلد و خيرها
اللى راح بالعافية ما يجيش الا بالعافية

و النتيجة ان 70 % من الفاسدين و الحرامية ماحدش جه جنبهم
و الاوراق و الادلة و المستندات اتحرقت و اتقطعت و اتفرمت
و الفلوس و الدهب اتهربت و اتغيرت معالمها و بقى من شبه المستحيل حصرها و تتبعها
فين زكريا عزمى و صفوت الشريف و محمد ابراهيم سليمان و عاطف عبيد و حسنى مبارك و عياله و مراته و غيرهم و غيرهم
هما بس فرحونا بالاربعة و الا الستة اللى مسكوهم و حطوهم فى القفص و الناس شتمت و شمتت فيهم و بس على كده
فركش

بطئ قاتل
نائب عام مريب
مجلس عسكرى مش عارف اقول ايه

و لسه ياما البطئ المميت ده حايعمل فينا

متفق و رزقى على الحى القيوم ( لتأسيس دوله محترمة ).

أنا شايف إن لو اتخذت خطوات حازمة فى التحفظ على المشكوك فى إنهم المدبريبن المحتملين للبلبلة و المحرضين على الترويع من فلول النظام السابق و جمعية المنتفعين به و ده بشكل قانونى تماما إعمالا بحالة الطوارىء إللى بجد البلد بتمر بيها اليومين دول .....

ده يبقى أهم 5 آلاف مرة من سويسرا و الفلوس إللى احنا عارفين غالبا مش هانعرف نرجعها
و حتى لو أصحاب حق ...السويسريين هيأكلوها أو معظمها علينا بأى شكل ممكن ...وده من خلال تجارب الأمم إللى سبقتنا

[QUOTE=tlrsiap;3873342469]1- انك تطلب تغيير الدستور ويقلك نعدل بعض مواده يعنى تفضل الصلاحيات المطلقه لرئيس الجمهورية فى ذات الدستور ، وتفضل نفس المواد التى تعطى الحق للوزراء فى الدخول مجلسى الشعب والشورى ونقعد نلف وراء بعض...... من تانى ،ومن غير قانون محاسبة رئيس الجمهورية ولا قانون محاسبة الوزراء ،وتبص تلاقى تونس عملت جمعية تاسيسيه لاصدار دستور جديد


2- الثوره هى انك تطلب محاكمة مبارك يقلك طيب نجمد امواله يعنى نحقق وناخد وقتنا ونتحرى مره من جهاز الرقابة الادارية اللى كان بيتصنت على تليفونات المسئولين بدون رقابة القضاء ولصالح امن الدوله ،ومره من مباحث الاموال العامه اللى هيا اصلا من وزارة الداخليه ،ومره من جهاز الكسب غير المشروع، ومره من الجهاز المركزى للمحاسبات اللى ياما قال رئيسه المستشار جودت الملط فى فى الصحافه وفى جلسات مجلس الشعب انه فى فساد وفى استيلاء على الاموال العامه وتربح وانه فى تريليون جنيه مسروقين والتريليون الف مليار واللى برده ياما بعت تقارير للجهات الرقابيه ولرئاسة الجمهورية انه فى فساد وسرقه اموال عامه بالمليارات ولا حياة لمن تنادى وبرده نقعد نلف وندور حوالين نفسنا على ما الفلوس تهرب بره ،والاصول تتباع والفلوس تتحول من بنك لبنك ولحسابات سريه ،وابقى قابلنى لو طولت مليم منها



3- الثورة هى انك برده تطلب حل امن الدولة يقلك نهيكلها تانى يعنى تبقى موجوده برده وترجع تمارس نشاطها القديم بس باسم جديد واهو برده على ما الرجاله تعمل كده كام عمليه فتنه طائفيه جوه البلد وعلى برده مايخفوا معالم جرائمهم ويحرقوا اوراقهم ويفرموها ،وتلاقى برده امن الدولة اتحل فى تونس ويتوزع افراده على الادارات المختلفه زى ادارة المرور والمرافق والمخدرات ...الخ انما هنا يقلك هنوديهم فين يا سيدى يتوزعوا على ادارات الداخليه المختلفه لانهم اصلا بيتنقلوا كل سنه من اداره لادارة ،وبرده يقلك لاء مينفعش لانهم لهم دور عظيم داخل الدولة وهو انهم كانوا برده شغالين حتى قبل رحيل رئيس الوزراء احمد شفيق بيوم واحد وكانوا موجودين فى الميدان وبيكتبوا التقارير وبيعتقلوا الناس وميه ميه ،طيب المخابرات العامه والمخابرات الحربية والامن القومى مش ممكن يادوا نفس الدوروهما هيئات لاغبار عليها ؟؟؟؟؟؟؟؟؟؟؟؟ يقلك لاء لازم امن الدولة ...........وهيا دى الثوره !!!!!!!!!!!!!!!!



4- الثوره هيا انك تطلب حكومه جديده يقلك طيب يفضل سيد مشعل وحسن يونس وفايزه ابو النجا وماجد جروج وهما من الوجوه القديمه اللى عينهم مبارك،واللى ممتهنيين لسياسته الحكيمه وتتلمذوا على يديه ،وهيا دى الثوره


5- الثوره انك تطلب تشيل المحافظين يقلك بعدين على ما كل واحد يظبط اوراقه ،وارواق المحافظه ومستنداته ومايسبش حاجه وراه ...وهيا دى الثوره



6- الثوره انك تطلب حل المجالس الشعبية المحلية اللى تتكون من 52000 (اثنان وخمسون الف عضو ) من اعضاء الحزب الوطنى على مستوى الجمهوريه يقلك بعدين على مايقوموا يعملوا كام عمليه فتنه طائفيه مع امن الدولة ، وعلى ما يجيبوا بلطجيه يروعوا الامنيين ويعملوا فوضى جوه البلد ويضربوا المعتصمين اللى هما اصلا اباء وامهات الشهداء فى الثوره ،اللى مصممين انهم ميسبوش الميدان غير لما يتحاكم قتله ابنائهم ....وهيا دى الثوره


7- الثوره هيا انك تطلب محاكمة صفوت الشريف وفتحى سرور وزكريا عزمى يقلك هنعمل تحريات على ما الناس بس تهرب الاموال والثروات وتخطط الخطط وتعمل المؤامرات ويجيبوا البلطجيه للفتنه الطائفيه برده وينفذوا الثوره المضاده ، وهيا دى الثورة


8- الثوره ان تطلب حل الحزب الوطنى ومنع قياداته من العمل السياسى ،تلاقى الحزب زى ماهو ويعمل حزب باسم جديد ويركب موجه الثورة ،وتلاقى الحزب الحاكم اتحل فى تونس واتمنع قياداته من ممارسه اى نشاط سياسى ....وهيا دى الثوره


9- الثوره ان تطلب الغاء حالة الطورىء يقلك لاء على الرغم من وجود المحكمه العسكريه التى تصدر احكاما ضد البلطجيه غايه فى الردع واشد من قانون الطوارىء .....وتلغى حالة الطوارىء فى الجزائر ولاتلغى فى مصر وهيا دى الثوره


10-الثورة انك تطلب اقالة رؤساء الجامعات....اللى هما قتلوا الانشطه الطلابية وزورو انتخابات اتحاد الطلاب ونكلوا باساتذه الجامعات اشد تنكيل يقلك لاء طبعا على ما الرجاله يخبوا الملفات ويظبطوا الحسابات بتاعتهم ويحرقوا الاوراق اللى فى مقرات الحرس الجامعى ...وهيا دى الثوره



11-الثوره ان تطلب محاكمة المتسببين فى جريمة قتل الثوار يقلك هنعمل لجنة تقصى حقائق طبعا على مالناس تجهز الاسماء اللى هتتعمل كبش فداء وطبعا على ما بعض الرجاله تهرب بره ....وتيجى لجنه تقصى الحقائق تقلك نجد صعوبه فى معرفة السياره التى دهست المتظاهرين ........ على الرغم من ان وزير الداخليه قال ان اطلاق النار على المتظاهرين لايمكن ان يتم الا باوامر من الرئيس لانه الرئيس الاعلى للشرطه .....وسبحان الله تلاقى تونس طلبت من السعوديه تسليمها بن على لمحاكمته عن جريمة اصدار اوامر باطلاق النار على المتظاهرين ،وتلاقى وزير داخلية تونس تم حبسه والتحقيق معاه عن جريمة ضرب المتظا هرين بالرصاص الحى ....وانتا هنا تبص حواليك ولا تلاقى حاجه .......وهيا دى الثورة


منقول , و انا متفق معاه تماما[/QUOTE

رأي حضرتك يحترم, و انا ايضا هقول رأيي و اسمحلي اختلف معاك كليا , وهو ان الآن ونظرا لان دي تجربه جديده علي الكل سواء حكام او محكومين فبالتالي الرؤيه اصبحت ضبابيه بالاضافه لوجود ازمه ثقه مستفحله ناتجه من حكومات سابقه جعلت الشعب يعاديها لتعاليها عليه مما ادي للوصايه واستفحال سرطان الفساد بهذا الشكل .

وانا التمس العذر للجيش لعدم خبرته في التعامل المدني واذكر في بدايات نزوله ذكر احد قاداته ( لم نكن نتوقع حجم انتشار الفساد بهذا الشكل) فبالتالي هو يتعامل مع عدو هلامي , بالاضافه لاننا شعب تعود علي تصديق كل ما يقال عن ما نكره وحيث اننا نكره الحكومه فاي اخبار تاتي يتم تصديقها و تكوين حكم عليها و تنفيذه .

فمن منطلق هذا ينبغي الهدوء لنري الرؤيه الصحيحه , و ينبغي ان نطمئن لان الآن الثوره هي ثوره شعبيه بدون قائد و بدون الدخول في جدال علي من اشعل الشراره الأولي , فهو لم يكن ليشعلها و تتقد الا اذا كان الشعب بكافه طوائفه يستشعر الفساد والظلم , اي اننا يجب ان نراهن علي الشعب ونقوم بعمل توعيه سياسيه ونشر الثقافه والوعي و لا ننسي اننا شعب لا يقرأ و هذه كارثه كبري , لأننا كذلك يمكن اقتيادنا بسهوله من اي مغامر متحمس يبغي الحصول علي زعامه او مجد تاريخي ارضاءا لذاته فقط , فالدول لا تحكم بالمغامرين , واعتقد من الآن ان اي احد يجرؤ ان يتلاعب بمقدرات هذا الشعب او يحاول التلاعب به و خداعه .


فالهدوء يعطي فرصه للعقل ان يعمل و يتبصر الأمور , فالتعامل مع العصابات الفاسده و اباطرته ينبغي ان يكون بحرص حتي لا تطيش الطلقات , و القول بحجز ممتلكاتهم و استردادها لخزينه الدوله كان ممكن عمله في الخمسينات اما الآن هناك مجتمع دولي ينظر ما تفعل و يكون رأي ضدك لا ينبغي التهاون به , و الدوله جمدت ارصدتهم حتي انتهاء محاكمتهم فهذا هو الصواب , لان الفساد ضعيف حتي وان بدا قويا فهو يستمد قوته من التربيطات و الشبكات المتحالفه , و بمجرد سقوط حلقه من هذه الشبكات تخاف باقي الحلقات و تبدأ بعمليه الكمون و الترقب و تحد من نشاطها لتتبصر الطريق , فاذا وجدت ان هناك اراده من مكافحي الفساد لكشفهم يبدأوا في محاولات ادعاء الشرف و محاوله اخراج زميلهم او الحلقه التي وقعت , فاذا ضاقت المكافحه اكثر و سقطت العديد من الحلقات و شعروا انه لا مفر يبدأون في الاعتراف علي بعضهم البعض و كشف انفسهم و باقي الحلقات التي لم تسقط , لانهم حاقدين و اشرار ولن يتركوا الحلقات الفاسده التي كانوا يشتركوا معها تنعم بالغنيمه و شعارهم في ذلك ( يا نعيش عيشه فل يا نموت احنا الكل) .


اختلف معك ايضا في عمل احلال كامل لرؤساء المحليات و الجامعات و المحافظين , بدعوي ان النظام الفاسد قد جاء بهم و بالتالي هم فاسدون , قد يكون رايك صحيح و لكن هذا ليس دور الشعب فليس معني قيامه بالثوره لاسقاط راس الفساد ان ينصب نفسه حكما و يحكم نفسه بنفسه , والا لما كان داعي لاختيار رئيس جمهوريه او رئيس وزراء لان مسؤلياتهم هي اختيار باقي الهيكل الاداري , لان من يضمن اننا لو فعلنا ذلك ان يكون هناك اجماع ان من سيأتي سيكون شريف ؟؟؟؟ فاذا كنت تريد تغيير محافظ فاسد يجب عليك كمواطن مثقف ان كنت تستطيع ان تجمع مستندات فساده و تبلغ بها , فان لم تجد استجابه تشكل راي عام من الناس وتتظاهر سلميا و تلح في ذلك ان لم يستجب اليك حتي لو تطلب الأمر التظاهر مرات عديده , تلك هي الوسيله الشرعيه و هذا هو النضال الشريف و هذا هو المواطن المصري الايجابي الذي نريده .


اما مسأله حل جهاز امن الدوله فنتوقف قليلا عنها , فهذا جهاز امن قومي مناط اليه مسؤوليات الحفاظ علي الأمن القومي الداخلي و معناه التصدي لمحاولات التخريب و الارهاب المسلح و ايضا الأفكار والاشاعات الهدامه التي تؤدي لهدم استقرار مؤسسات الدوله واشاعه حالات الذعر والهلع تؤدي لشل الدوله علي المدي القريب او البعيد , تماما كعمل الأجهزه الأمنيه الأخري العريقه كالمخابرات العامه و العسكريه , فهو الابن الأصغر لتلك الأجهزه مع فارق الامكانيات بالطبع لصالح الأجهزه العريقه , لكن الكارثه هي توغل امن الدوله في كل شيء و تدخله فيما لايعنيه وتطور الأمر انه اصبح كالجلاد و تحول كجهاز سيادي يعمل و يحكم بذاته بدلا من وجود مظله قانونيه يعمل من خلالها فهو اولا واخيرا جهاز مدني لا جهاز سيادي كالمخابرات العامه مثلا ,و سبب توغل سلطته هي قانون الطواريء و تطويعه لخدمه توجهات النظام , وبالتالي اصبح المواطن الشريف الذي ذكرناه و يتظاهر في الحق , اصبح مثيرا للشغب وذلك من وجهه نظر امن الدوله و يتم القبض عليه بصفته رأس الفتنه , لذلك نريد جهاز امن دوله يحارب المحاولات الحقيقيه لضرب البلاد , لا ان يقبض علي الشرفاء بحجه انتماؤهم لجماعه دينيه او اي فكر معارض فينبغي التعامل مع الأفعال لا علي النوايا وهذا لن يحدث الا في ظل تطبيق القانون .



نهايه ياريت ننتبه لأعمالنا و نرجع للانتاج ثانيه , و نراقب الأحداث و نقول راينا و من الممكن حدوث اخطاءبل سيحدث اخطاء ينبغي علينا ان نرصدها و نصححها للوصول للمنظومه السليمه و ايضا نطهر انفسنا من الهوي و نحكم بموازين العدل , و نحارب الفساد عن طريق تطويقه بالمستندات و الأدله الدامغه .