يا جماعة ربنا يكرمكو حد يدلنى على الصححح

**د.أحمد السعيد** · 13-03-2011 09:05 PM

ربنا يوفقك للخير و نيسان افضل صفقة

**basemsaeed** · 13-03-2011 09:25 PM

المشاركة الأصلية كتبت بواسطة ahmed.tv

بص يا دكتور ,موضوعك ده عشان تستفاد اكتر بيه اطلب نقله الى قسم المقارنات

تانى حاجة الصنى تقفليها تقفيل محترم جدا , واغلب اللى بيقولوا التقفيل المصرى مش كويس يا اما قرفان من العربية وعنده مشكلة فردية فبيقول الكلام ده او حد بيتكلم بدون علم وبنظام سمعت وشوفت

ودليل على كلامى اتفضل حضرتك وشرفنا فى مقابلة نيسان الجاية واتفرج على الصنى على الطبيعة مع الاعضاء ونفرجك على التقفيل المصرى بنفسك

الحاجة المهمة بقا , انا مش حتكلم عن سيارة اخرى غير الصنى
حتكلم عن الصنى

الصنى عربية منتشرة فى مصر جدااا سعرها ممتاز وبتاخد بيه ماتور يابانى محترم ومعمر وصاج قوى جدا , اغلب العربيات اللىش وفتها عاملة حوادث قوية لقدر الله الكابينة بتطلع سليمة والصاج بسم الله ماشاء الله قوى جدا والله

حاجة اخرى مهمة : معاك توكيل قوى وسمعته عاليه جدا وليه مراكز خدمة معتمدة وكتير فى مصر والحمد لله

قطع الغيار الاصلى منها غالية بس معمرة جدااااا حطها وانساها

وفى قطع غيار فى السوق منتشرة بردوا جديد واستيراد واسعارها زيها زى الاسعار الكورى كمان

لينك الموضوع هنا :

العربية بخصوص استهلاك البنزين اغلب العربيات ال1600 سى سى كلها زى بعض جوة البلد فى الزحمة , وصدقنى والله وحفضل حقول انها بتفرق من رجل الى رجل على دواسة البنزين , بمعنى حضرتك لو ركبت عربيتى حتعمل استهلاك مختلف عنى مع ان نفس العربية سواء بالناقص او بالزائد

العربية بسم الله ماشاء الله عربية ممتازة ومحترمة جدااا وبتتباع هوا بردوا

واذا كنت ناوى خد منها اللى فيها abs وتوكل على الله

+++1111111111111111111111

**fady_anis** · 13-03-2011 11:00 PM

مين قال لحضرتك انه معنى انها تقفيل مصرى انها تبقى اى كلام انا الكلمه دى بتغيظنى اوى

نصيحه اخوية خليك فالنيسان

**mandebularis** · 14-03-2011 12:45 AM

ربنا يجازيك خير يا "hossam zaky"

**harizy** · 14-03-2011 12:56 AM

باشا ربنا يعمل لك اللى فيه الخير كلنا مررنا نفس حيرتك دى وسمعنا نفس الكلام ده؛ التقفيل المصرى مش معيب ولا حاجة حضرتك بتشترى عربية يابانى مواصفات يابنى الخامات الأساسية يابانى؛ إنما لو تفكر بدقة تلاقى التقفيل المصرى داخل فى حاجات بسيطة زى الزجاج مثلاً من جريش العاشر من رمضان؛ ومتهيألى الفرش والتابلوه؛ إى أنه جمعيها حاجات غير مؤثرة لأنها بحالة جيدة جداً يعنى لو مش ممتازة؛ يبقى إنت كده عايز إيه تانى وعندك توكيل زى الفل فى المعاملة وفى العمل بصراحة النيسان صفقة من كل النواحى شكلاً ومضموناً،
مرة ثانية ربنا يعمل لك اللى فيه الخير .

**omar-saad** · 14-03-2011 01:22 AM

انا هاحكى لحضرتك مميزات وعيوب السيارة بالنسبة لى
عربيتى 2009 عاملة 14000 ك
سحبها حلو جدا لحد ال100 حتى مع انها اوتو
ثبات عالى وغرزلكن قبل 140
العربية الرؤية فيها مساحاتها حلوة جدا وكاشف كل العربية
استهلاك البنزين معقول يمكن علشان انا سواقتى عصبية شوية
معاملة الوكيل نقدر نقول انها جيدة جدا
+انها افضل قيمة مقابل الفلوس مش هاتحس انك دافع فلوس زيادةعلى تمن العربية
العيوب والمشاكل اللى واجهتنى
ضيق المساحة الخلفية-العفشة ناشفة شوية بس عاملة شغل فى الثبات
العربية بويتها ضعيفة اوى وبالذات فى الاكصدامات
كرسى السواق ساعات بيزيق مع المطبات
غيرت السماعتين الخلفيين على حساب الضمان لانهم باظوا
الكراسى ناشفة اوى ومش مريحة
بالنسبالى هية احسن من الاكسنت والاسكالا وطبعا الافيو
واى استفسار تانى انا تحت امرك

**samo999** · 14-03-2011 02:52 PM

وسائل الامان +الثبات العالى + قطع الغيار المعمرة +توكيل محترم +سحب عالى + تكييف ممتاز ومش بيأثر على سحب العربية دة بيرجح النيسان بس برضة العربية ليها عيوب منها عفشة ناشفة شوية + في عيوب بسيطة فى الدهانات .
العربية بقالها معايا سنتين
بس اوؤكدلك انك مش هتندم على النيسان

**atefadel** · 14-03-2011 03:04 PM

المشاركة الأصلية كتبت بواسطة momo_sunny

انا هاحكى لحضرتك مميزات وعيوب السيارة بالنسبة لى
عربيتى 2009 عاملة 14000 ك
سحبها حلو جدا لحد ال100 حتى مع انها اوتو
ثبات عالى وغرزلكن قبل 140
العربية الرؤية فيها مساحاتها حلوة جدا وكاشف كل العربية
استهلاك البنزين معقول يمكن علشان انا سواقتى عصبية شوية
معاملة الوكيل نقدر نقول انها جيدة جدا
+انها افضل قيمة مقابل الفلوس مش هاتحس انك دافع فلوس زيادةعلى تمن العربية
العيوب والمشاكل اللى واجهتنى
ضيق المساحة الخلفية-العفشة ناشفة شوية بس عاملة شغل فى الثبات
العربية بويتها ضعيفة اوى وبالذات فى الاكصدامات
كرسى السواق ساعات بيزيق مع المطبات
غيرت السماعتين الخلفيين على حساب الضمان لانهم باظوا
الكراسى ناشفة اوى ومش مريحة
بالنسبالى هية احسن من الاكسنت والاسكالا وطبعا الافيو
واى استفسار تانى انا تحت امرك

ممكن اسأل حضرتك اة هي مؤشرات ان المساعد الخلفي بايظ

**arakysolom** · 14-03-2011 03:11 PM

رأي متواضع طالما الاسكالا هي هي الصني
فالصني افضل للأتي :
1- السعر اقل
2- سمعة النيسان في اعادة البيع افضل من الرينو
3- الانتشار لصالح الصني و بالتالي انتشار قطع الغيار
عليك بالاستخارة و توكل علي الله

**egypt0777** · 14-03-2011 08:26 PM

توكل على الله الصنى حلوة وسعرها فيها

بس يا ريت تلقيها دلوقتى

الموضوع: يا جماعة ربنا يكرمكو حد يدلنى على الصححح

LinkBack

أدوات الموضوع

عرض

-

-

-

-

-

المواضيع المتشابهه

حد يدلنى يا جماعة أشترى الكورسا 2005 بسرعة أرجوكم

حد يدلنى على الحل يا جماعة ( عربيتى سيات ابيزا 2002 ) 1000 سى سى

يا جماعة سؤال محير جدا عاوز حد يفيدنى الله يكرمكو

حد يدلنى ربنا يكرمكم

يا جماعة حد خبرة يدلنى لانوس ولا افيو

الكلمات الدلالية لهذا الموضوع

المفضلات

المفضلات

ضوابط المشاركة