أيه حكايه المشاكل الكثيره اللى بنسمعها على الفتيس الاوتوماتيك 1600

**semsem8100** · 12-05-2009 12:15 AM

ياريت حد من خبراء الانسر يفدنا أيه حكايه المشاكل اللى بنسمعها على الفتيس الاتوماتيك فى ال1600 علشان لاحظت أن فى كذا عضو أتكلم عن مشاكل الفتيس .. بصراحه دى حاجه مقلقه وتخوف لانى ممكن أدفع كل اللى معايا فى مقدم السياره وهقسط الباقى ولو حصلت مشكله فى الفتيس تبقى كارثه مش هلاقى أغيره زى ما قرأت مشكله عضو الفتيس باظ والعربيه لسه جديده وناس بتشتكى من النتشه والاحساس بالنقله وماشابه ذلك هل ده شايع فى الاوتوماتيك ولا أيه الموضوع حد يفدنا وجزاه الله خير

**belal3001** · 12-05-2009 10:00 AM

انا كمان انشاءالله ناوى اشتر لانسر بومة اوتوماتيك ..... و خايف من الموضوع ده؟؟

**MAX_PIN** · 12-05-2009 10:09 AM

بص ياسيدى بالنسبة للفتيس Cvvt مشاكله وأعطاله تكاد تكون مفيش
بس بشرط طريقة الأستخدام تكون كويسه يعنى لو إستعملته صح
هايعيش معاك وياسلام بقى لو تحافظ على صيانته فى مواعيدها الى بيتغير فيها فلترالزيت بتاعه وبيتغير الزيت الخاص بالفتيس Cvvt
هوا غالى فعلا بس هايحافظ على الفتيس واوعى تحطله زيت بتاع الاوتوماتيك العادى
وبالنسبة للفتيس Cvvt ميزته مش بيحسسك نهائى بالنقله حكاية النتشة ديه والاحساس بالنقله ديه مشكله أحيانا بتظهر فى ال1300 الأوتو (غالبا بتبقى مشكله بسيطه وبتتظبط)
ويارب اقدر اكون افدتك

**mohamedway** · 12-05-2009 12:01 PM

المشاركة الأصلية كتبت بواسطة MAX_PIN

بص ياسيدى بالنسبة للفتيس Cvvt مشاكله وأعطاله تكاد تكون مفيش
بس بشرط طريقة الأستخدام تكون كويسه يعنى لو إستعملته صح
هايعيش معاك وياسلام بقى لو تحافظ على صيانته فى مواعيدها الى بيتغير فيها فلترالزيت بتاعه وبيتغير الزيت الخاص بالفتيس Cvvt
هوا غالى فعلا بس هايحافظ على الفتيس واوعى تحطله زيت بتاع الاوتوماتيك العادى
وبالنسبة للفتيس Cvvt ميزته مش بيحسسك نهائى بالنقله حكاية النتشة ديه والاحساس بالنقله ديه مشكله أحيانا بتظهر فى ال1300 الأوتو (غالبا بتبقى مشكله بسيطه وبتتظبط)
ويارب اقدر اكون افدتك

كنت عايز أقول بس ان الفتيس بتكنولوجيا CVT وليس CVVT

CVT =continuously variable transmition

CVVT=continuously variable valve timing وده تكنولوجيا مواتير الهيونداى الجديده زى موتور الإلنترا و النيو أكسنت و ليست تكنولوجيا فتيسات.

**MAX_PIN** · 12-05-2009 01:39 PM

المشاركة الأصلية كتبت بواسطة mohamedway

كنت عايز أقول بس ان الفتيس بتكنولوجيا CVT وليس CVVT

CVT =continuously variable transmition

CVVT=continuously variable valve timing وده تكنولوجيا مواتير الهيونداى الجديده زى موتور الإلنترا و النيو أكسنت و ليست تكنولوجيا فتيسات.

شكرا ياأستاذ محمد على التوضيح كلام حضرتك مظبوط
وأسف جدا ياجماعه على الخطأ

**ibrnassar** · 13-05-2009 12:38 PM

انا معايه 2008 اتوماتيك Cvt و بصراحة الفتيس كويس معايه مافيهوش اى مشكلة و راي الشخصى ان بالمحافظة و الصيانة فى مواعيدها صعب ان مشاكل زى دى ممكن تحصل و دائما ما بتحصل لما الناس بتتصرف غلط سواء سوء استخدام و صيانة
الفيس ممتاز جدا مابتحسش بيه خالص

**Dr.SherifMansy** · 13-05-2009 01:45 PM

يا جماعة كل حاجة و ليها ثمنها
المشاكل بتيجى من الفزلكة و الفتاوى
لما اروح اجيب عربية بالشئ الفلانى و فيها فتيس متطور CVT فالشئ الطبيعى ان صيانتها تبقى فى التوكيل و لو فيه مشكلة لازم ارجع لهم علشان هما اكتر ناس عارفة الحاجة دى و فاهمينها كويس
كل ما التكنولوجيا عليت لازم ارجع للمتخصصين (حتى لو غاليين) و لكن ده الأسلم و أأمن
و لو شفنا المشاكل اللى الأخوة الأعضاء حكوا عنها هنلاقى اللى راح للميكانيكى بتاعة و اللى راح الحرفيين و غيره و غيره ألخ الخ
معظم الصنايعية (لو مش كلهم) بيفتوا لو مش عارفين و فيه منهم اللى بياخد الحاجة بصدره و هو "اجهل من دابة" فيها ، المهم الزبون ما يطيرش من ايده
طول ما فيه صيانة فى مواعيدا و استعمال سليم و بدون اهمال (لو فيه علامات تحذيرية و خلافه) ، مافيش مشاكل باذن الله
و ربنا يحفظنا و يوفقنا جميعا
و تحياتى

**semsem8100** · 16-05-2009 07:31 PM

طب حد يقولنا كيفيه الاستعمال الصح وأيه الحاجات التحذيريه اللى ممكن تحصل علشان انتبه أن فى مشكله ولازم أروح التوكيل ويبقى قدامى وقت أد ايه علشان اروح التوكيل لو أنا ساكن فى بلد مافيهاش توكيل

**Mostafa_ENG911** · 17-05-2009 05:31 AM

المشاركة الأصلية كتبت بواسطة MAX_PIN

بص ياسيدى بالنسبة للفتيس Cvvt مشاكله وأعطاله تكاد تكون مفيش
بس بشرط طريقة الأستخدام تكون كويسه يعنى لو إستعملته صح
هايعيش معاك وياسلام بقى لو تحافظ على صيانته فى مواعيدها الى بيتغير فيها فلترالزيت بتاعه وبيتغير الزيت الخاص بالفتيس Cvvt
هوا غالى فعلا بس هايحافظ على الفتيس واوعى تحطله زيت بتاع الاوتوماتيك العادى
وبالنسبة للفتيس Cvvt ميزته مش بيحسسك نهائى بالنقله حكاية النتشة ديه والاحساس بالنقله ديه مشكله أحيانا بتظهر فى ال1300 الأوتو (غالبا بتبقى مشكله بسيطه وبتتظبط)
ويارب اقدر اكون افدتك

كلام حضرتك صحيح...احب بس اضيف معلومة قراتها في الmanual بتاع العربية إنه يفضل عند بدء الحركة من بعد توقف لوقت طويل...(أيام يعني)...إنك تبدأ بالتحرك علي وضع الDs بدلا من الD و ذلك فقط لرفع درجة حرارة الزيت...غير كده الفتيس ممتاز و موضوع النقل المستمر ده بيقلل من استهلاك الوقود بشكل ملحوظ...عيبه الوحيد هو بس التغلب علي وضع التنقل من السكون للحركة بياخد وقت زياده بسيطة جدا..بمجرد التغلب علي وضع السكون تلاقي استجابته ممتازة