المشاركة الأصلية كتبت بواسطة hakuna_matata
السلام عليكم ورحمة الله وبركاته.......
بجد مش عارف أبدأ منين دا انا كنت قالب الدنيا فى جوجل على اى توبيكات للفيرنا واللى لاقيته كان كله تعبان مله لغاية لما لاقيت التوبيك ده كنت هطير من الفرحة زى الطفل اللى فرحان بمصاصة
قريت كل كلمة فيه من اول مشاركة لغاية رقم 852 وبجد الانطباع كان اكتر من ممتاز والناس اللى هنا كلها محترمة جدا جدا جدا واستفدت كتير قوى من كل اللى اتقال
انا كنت "سابقا" وبأكد على سابقا واحد من الناس اللى بيقول ان الفيرنا دى سورى فى اللفظ عربية"عرة" ومش هقول كنت بقول عليها ايه بالتفصيل علشان مش عايز اخسركوا...
ويشاء القدر انى ابقا واحد من الفيرناوية من حوالى شهر ونصف واتغير رأيى فيها بنسبة 80%
انا شاريها مستعملة مو08 هاف اوبشن عاملة45000ك فى 6 شهور بس وطبعا رقم كبير جدا وعاملة معايا دلوقتى 47500ك اول ملاحظاتى عليها كانت الفرامل كانت تعبانة مله ومكدبتش خبر وروحت مغيرلها تيل امامى اصلى واتظبطت الفرامل الى حد ما
بس ظهرتلى مشكلة تانية فى الفرامل الا وهى ان الفرامل من اول كبسة مبتكنش سريعة بمعنى بتاخد مساحة فى الدواسة على ماتفكر تمسك وكمان مش بالقوة المطلوبة انما لو كاركتلها مرتين فى المسكة التانية بتكون كويسة جدا فياريت لو حد عنده خلفيه عن الموضوع ده يلحقنى بيها
تانى مشكلة كانت انى لو كنت ماشى بسرعة وفى تريحة فى الاسلفت"ومافيش اكتر منها فى اسفلت بلدنا الجميل" كان الكاوتش الخلفى بيخبط فى الكارتيرة من تحت مع العلم ان العربية فيها طقم جنوط14" وعالجت المشكلة دى بتركيب كاوتش فى المساعد بحيث ميخليش المساعد يقفل للأخر والحمد لله اختفى العيب ده بس كنت حابب انى اقوله علشان لو فى اى حد ممكن يستفيد منه
عندى استفسار صغير: بالنسبة لموضوع الضمان ايه ظروفى معاه دلوقتى مع العلم ان صاحب العربية الاول كان منفضله تماما هو والصيانة ومركب جنوط سنتر وانذار وطقم صوت وفرش جلد وطبعا كله بره توكيل انكل غبور...ولو عايز اعملها صيانة دوريةاعملها على كل كيلو؟؟
اخيرا وليس اخرا: التوبيك اكتر من ممتاز ورأيى الشخصى المتواضع انه ينفع يبقا اسمه"نادى الفيرناوية" وانه لازم يتثبت..وارجوا ان تقبلوا بى زميلا واخا فيرناويا فى طريق الكفاح مع مشاكل الفيرنا.
عمرو ابوالذهب-المنصورة