الموضوع: كل شئ عن 620

انا تقريبا الحرمية بيستنوني

من حوالي اسبوع نزلت لقيت علامة اسبيرانزا اللي ورا مسروقه :( قلت الحمد علي قد كده
بعدها بيومين اكتشفت ان الحرامي فى نفس اليوم كان سرق العلامه اللي قدام كمان
الحمد لله العربيه بفت قرعه من غير اي علامات
ان شاء الله اشتريهم ........ بس ياريت يا جماعه تقولولي بكام

شكرا ليكم

ب 15 جنيه اللى قدام وورا ب 10

جبتهم من المنصوره عندنا بس انا شوفتهم فى التوفيقيه بنفس الأسعار

انا انهارده رحت لبتاع الشكمان عشان علبه البيئه كان صوتها بقى عالى اوى وفى حجات بتخبط فيها وده كان الفحم
المهم الراجل فك العلبه وكسر الفحم وركب ماسوره متخرمه ورحت لحمتها لحما كهربا من جوه وجبت جوانين جداد ده اللى حصل
وكان فى علبه بتتباع جاهزه بس الفلنشه كان 3 وبتاعتنا فلنشتها 2 فكان فيقطه ويلحم وحوار وكمان قالى ان العلبه دى خامتها احلى اللى هى بتاعه عربيتنا
العلبه اللى لقيتها دى كان فى نوعين واحده هندى شعر من جوه وبرضه فيها ماسوره مخرومه سعرها 100 جنيه
وفى واحده تانيه كورى وفيها فحم سعرها 250
ده كل اللى حصل وبتاع الشكمان قالى هشترى منك الفحم اللى اتكسر الكيلو ب 110 وهما حوالى كيلو ونص
ياريت تقولولى رايكووتقولولى سعر الفحم كده حلو ولا لا عشان فى واحد بيقولى ان الكيلو ب 300 جنيه بس

السلام عليكم .. انا اسبرانزاوى جديد لسه مشترى 620 مستعمل 2006 ، كنت عايز اعرف الزرار اللى خلف عصاية الفتيس بتاع ايه هوه عليه سهم لاعلى و تحته 3 شرطات، و ارجو تنصحونى اعمل ايه صيانه مبدئية للعربية و هيه عاملة 98 الف و للاسف مش عارف صاحبها كان مغير الزيوت امتى و كمان الكاتينه اعمل فيها ايه.. تحياتى

المشاركة الأصلية كتبت بواسطة aeltamy

السلام عليكم .. انا اسبرانزاوى جديد لسه مشترى 620 مستعمل 2006 ، كنت عايز اعرف الزرار اللى خلف عصاية الفتيس بتاع ايه هوه عليه سهم لاعلى و تحته 3 شرطات، و ارجو تنصحونى اعمل ايه صيانه مبدئية للعربية و هيه عاملة 98 الف و للاسف مش عارف صاحبها كان مغير الزيوت امتى و كمان الكاتينه اعمل فيها ايه.. تحياتى

ده زرار الستارة الخلفية أما تغير إيه فطبعا تعرض الكاوتش وتغير مساعدين خلفي ومتحطش أصلي تحط مساعدين زيت فقط وتكشف على العفشة وتعمل ظبط زوايا وترصص العجل وغير بوجيهات والسلوك بتاعتها وتغير فلتر الهواء وغطاء الراديتر وغير فلتر الفتيس والزيت بتاعو وبالمرة غير مياه الراديتر بعد عمل دورة غسيل وحط مياه خضراء وحط منظف رشاشات محترم 3 مرات مرة في كل تفويلة بنزين وفي كل مرة تاخد العربية مسافة متقلش عن ربع ساعة على سرعة 140 ودي الأساسيات اللي لازم تتغير في كل عربية وعشان حتغير عتبة إعمل ليها حمام مطول من أبو 200 جنيه عشان تشم نفس جديد في العربية ومتحطش زيوت تعبانة في الموتور يعني متسترخصش في زيوت دلوأتي بتعدي 15 ألف كيلو والموتور متغسلوش بعد الحمام إلا مرة كل سنتين نصيحة