الموضوع: كل شئ عن 620

انت كده تقريبا عرفت كل حاجه عنها ................. استخير ربنا وتوكل على الله وشوف هتعمل ايه بعد الاستخاره .

الهم لك الحمد والشكر علي كل النعم ولك الحمد علي كل ما رزقتنا به
انا جيبتها يا شباب الحمد لله يوم الاربعاء الي فات
والحمد لله حالتها زي الفل
موديل 2007 زي ما قولت
اسود اللون
عامله 73000
الحمد لله فرحان اوى بيها
سواقة الاوتوماتيك
احسن بكتير من المانيوال
العربية مشكلتها معايا حجمها كبير شويه لكن الحمد لله بحاول اتعود عليها وربنا يكرم ان شاء الله

عاوز اغير سير الكاتينه
ان شاء الله
عاوز اعرف طقم السيور كامل ان شاء الله بكام

يعني حضرتك

سير كاتنيه
بليه كاتينه
والسيور التانيه
زي الباور والتكييف

بكام

ان شاء الله وافضل مكان اشتري منه فيه

ولكم جزيل الشكر والحمد لله

وزي ما قولت ليكم انا مشي تقريبا كل يوم لا يتعدي 35 كيلو او 40 بالكتير رايح جاي شغلي
دائري لنزله صفط اللبن ومنها لمحي الدين ابو العز
بس انا الصراحه لسه شاريها وافلست تقريبا
ومنتظر الصيانه اول القبض ان شاء الله

يفضل اول مره تعمل الكاتينه في التوكيل وتكشف على اللى محتاجاه .... علشان تعرف كل حاجه عنها ....ولو على السيور الباقيه ممكن في التوكيل او في التوفيقيه عند محل في المول اللى في التوفيقيه اظن اسمه الكتور وهو مخصص لكل ماركات وانواع السيور وسير الدينامورقمه من الكاتالوج هو 4bk 940 وسير التكييف رقمه هو b11-8104051 من الكاتالوج ايضا والف الف مبروك .... عربيه جميله خاصه في السفر واهتم بصيانتها هتستمتع بها ان شاء الله .

ربنا يكرمك يارب طيب سعر تغيير الكاتيه بكام في التوكيل علشان ابقي عامل حسابي وانا اريح ان شاء الله

وانا بجد بقدم لحضرتك كل الشكر علي مجهودك معايا ربنا يكرمك ويجازيك خير والعربيه الحمد لله جميله فرحان بيها يا فندم والله نعمه من عند الله عز وجل الهم ارزقني بخيرها والهم انت كاف عني بشرها

واتمني متزهقش مني علشان بسال كتير
:)

انا تحت امر حضرتك وفى النهايه احنا اخوه .... والعربيه ربنا يبارك لك فيها ... تكلفه الكاتينه من سيور وبليه وخلافه وبعض الحاجات التانيه حوالى 2800 جنيه الا لو تم زيادتها وممكن تتصل بالتوكيل وتعرف السعر التقريبى الجديد لانى عملتها من فتره .. وانت كده كده هتتصل علشان تحجز الموعد ... ولكنهم فعلا بيعملوها صح الصح هناك وهى واجبه افضل من الخارج ...