الحمد لله
تم شراء a620 موديل 2007 عاملة 92000 كم فابريكة جوة و رشة حزام نظافة
الماتور كان فيه صوت رجة و انا راجع من القاهرة الى الاسكندرية اول امس فطبعا امبارح بعد صلاة الجمعة رحت اشوف الدنيا ماشية ازاى عند الميكانيكى
اول ميكانيكى قالى دى يا اما سبيكة او تاكيهات
التانى قالى تاكيهات
رحت اجيب طقم سيور و بوجيهات و الذى منه علشان ابقى مطمن من عند محل المحاسب فى السيوف وبحكى له فوصف لى ميكانيكى كان شغال فى الصفوة توكيل دايو و اسبيرانزا اسمه ممدوخ فى شارع فى وش محل المحاسب بتاع قطع غيار الاسبيرانزا
بصراحة صنايعى فاهم
اول ما سمع الصوت قالى دى عايزة طقم بلوف
و فعلا تم الاصلاح و الحمد لله بقى كله زى الفل و مش باقى غير قاعدة ماتور و كاوتشات مساعدين
التكلفة و قطع الغيار كالاتى
سير كاتينة 225
طقم بلى كاتينة 375
سير باور و تكييف 65
سير دينامو 55
طقم بوجيهات 2 شمعة 100
فلتر بنزين 45
طقم مساحات 25
اجمالى 985 - خصم 85 = 900
طقم بلوف 800 و اخدته ب 700
بلفين استعمال من وش سلندر + 3 زجاجات مية خضراء = 200
مصنعية ميكانيكى 300
اكرامية صنايعى 20
اجمالى 900 + 700 +200 + 300 + 20 = 2120
الميزة 100 يوم ضمان على كافة المشتريات
و بصراحة تسلم الايادى
تم تغيير زيت موبيل xhp 5000 و فلاتر هواء و تكييف من قبل المالك السابق فى شهر 11 اللى فات و من يومها و العربية فى الجراج لم تتحرك الا معايا لما اشتريتها
الحمد لله
المفضلات