الحمد لله امبارح وانا ماشي علي الدائري كالمعتاد
كنت ماشي سريع بصراحه
المهم لقيت ادامي حادثتين , قلت لاحول ولا قوة الا بالله ربنا يعينهم ومشيت وانا عمال افكر لو حصلي كده حعمل ايه !!!
بعديها بحوالي كام كيلو لقيت قدامي بيجو ستيشن ماشيه بطئ وانا لقيت نفسي داخل فيه ....اديتله قلاب نور علشان يوسع وهو مصمم مايوسعش ..... قمت جيت من شماله علشان اطلع منه افاجأ اني داخل فى الرصيف
ربنا سهل اخدت يمين في شمال والعربيه كانت حتلف مني لكن ربنا ستر وخبطت فيه من الجانب الخلفي ورا بدل ماخش فى الرصيف لاني كنت حتقلب بلا محاله
المهم نزلت وشفت اللي حصل ..... لقيته هو اللي بيشتمني ...انا ماشتمتوش لكن كنت متنرفز
والكلام راح وجه كتير اوي لحد ماتعبت
المهم فى الاخر اتصالحنا واتأسفنا لبعض ومشينا
النهارده وانا ماشي الصبح ورايح الشغل وانا علي الدائري لقيت كزا عربيه بتزمرلي
ولقيت واحد بيقولي "الكاوتش نايم" وعربيه نص نقل تانيه بتقول نفس الكلام
وقفت وفكيت العجله ....... وبما اني مشيت عليها وانا مش شايفها وهي نايمه ...... باظت
وانا فى الطريق لشراء واحده تانيه
لو اي حد عنده كاوتش كويس حتي لو مستعمل بسعر كويس ياريت يقولي لاني اتهريت مصاريف
ولو اي حد عنده نصيحه ..... اهلا بيه
بالتوفيق ان شاء الله
المفضلات