الموضوع: فك التابلوه

هو الصوت فعلا شخللة من ناحية فتحة التهوية اقصى اليمين ، التوكيل افتكر ان الصوت من الباب الأمامي وبعد فكفكة الفرش و تنظيف والخ .. لا نتائج والصوت يستمر كأنه في جني داخل فتحة التكييف

المشاركة الأصلية كتبت بواسطة mohamed.kader

السلام عليكم
أنا معاكوا في نفس الصوت
لكن لما جربت أزنق الهويات بحاجة بحيث متتحركش لايمين ولاشمال ولافوق ولاتحت ودا غالبا كان بسبب أن الهويات نفسها نعمت من الحركة لفوق وتحت ودا خاصة لأن الفتحات مع بومبية التابلوه جاية في منطقة تخلي مركز ثقل الهواية لتحت ودا اللي بينعم الهواية أكتر من إستخدامها العادي

صحيح ان مشكلة الصوت من فتحة التهوية لكن اعذرني كلامك ليس دقيق يا سيد محمد
المشكلة تكمن في البورية الرايحة من فتحة التكييف داخل التابلو جهة اقصى اليمين وطبعا من جراء الحركة والاهتزازات بتتخلل ، امبارح بس عرفت مصدر الصوت وحليت المشكلة وصارت الامور عال العال.

المشاركة الأصلية كتبت بواسطة waleedfesal

يا ريت لو تقولنا انت حليت مشكله الصوت دى ازاى
لانها معايا من يوم ما اشتريت العربيه ومش عارف احلها

+++++1

طبعاُ حليت المشكلة بنفسي لان ما حد يحك لحمك الا ظفرك واليكم الحل وتكرم عيونكم:
1- انا بتكلم عن الساجا فإذا كانت الجين تو والبرسونا نفس نظام فتحات التهوية والتابلو مش عارف بس انشالله تكون نفسها ( تفتح غطاء التابلو او ما يسمى بجيب القفازات حتلاقي انك تستطيع تدخل ايدك جوا التابلو من خلال الفتحة لما تفتح الجيب وتتحسس بعدها مكان البورية المقابلة لفتحة التكييف اقصى اليمين طبعاً العملية سهلة جداً حتلاقي البورية دي متخلخلة شوية يعني انها ثابتة بمحلها لكن من المطبات والطرق الوعرة صارت تهتز شوية مع الحركة ورجة المحرك هي دي بيت القصيد.
2- ايضا تتحسس بايدك بورية صغيرة فوق البورية الخاصة بفتحة التكييف وطبعاً البورية الصغيرة دي فوقها تماما وخاصة بفتحة تكييف التابلو ويمكن ان تتحسسها بايدك بسهولة واذا كان كف يدك كبير شوية ممكن اي حد ايدو ناعمة يساعدك بالموضوع وانت توجهو علشان اليد الناعمة حركتها اسهل شوية .
3-حنجيب قطعة تخشينة بطول حوالي 7سم ( يمكن ان نستعمل قطعة شاش طبي او اي قطعةاسفنجية ناعمة ذات سماكة انت حتقدرها حسب الفراغ بين البوريتين) نقوم بلف قطعة الشاش على بعضها لحد ما تصبح ذات سماكة معينة ونقدر مسافة ما بين البوريتين بحيث اننا نضع التخشينة بين البوريتين وتصبح البوريتين ماسكين بعضهما البعض ومتزاركين على بعضهم و نتأكد أن البورية التحتانية بتاعت فتحة التكييف اصبحت متينة لاتهتز واذا قدرت انك تثبتهم بعد كدا بشريط لاصق حيكون افضل وبعدين حنسكر الدرج ونشغل ونمشي وادعيلي لا اصوات بعد اليوم .