الموضوع: جدول مبسط للتعديلات الدستورية و ان شاء الله كلنا نقول نعم لمصلحة مصر

المشاركة الأصلية كتبت بواسطة hobiko

انت الوحيد اللى بتكلم عن المادة الأنتقالية

بالعكس بعض مؤيدى التعديلات من المحامين و الخبراء الدستوريين ...... قالوا الوضع حيستمر لغاية ما مدة الرئيس و مجلس الشعب تخلص و بعد كدة نطبق الدستور الجديد

فهمك للقانون حتى لو صح ...... مش معناه ان ده اللى حيحصل

يارت ده اللى يحصل ...... بس انا مش شايف اى ضمان للكلام ده ...... غير مجلس شعب مكون من فصيلين اساسيين ...... الأخوان و اللى معاهم فلوس من فلول الحزب الوطنى

سيدي هذا ليس فهمي للقانوني .. هذا كلام اللجنة.. وهذ تطبيق لمبدأ الآثر المباشر.. ودا اللي حصل في دستور 71 .مع السادات..
وحضرتك من الناس اللي قالو كدا كان عمرو موسى حتى الناس انتقدوه جدا

سيدي دا كلام اللجنة .. والمحكمة الدستورية لو حصل مشاكل هتفسر الموضوعلا على هذا النحو

وبعدين علاوة على كدا
على فرض دخول الاخوان المجلس.. هقول لحضرتك دي ارادة الشعب.. مهي دي الديمقراطية اللي بنكلم عليها
على حضرتك ان تتحمل الديمقراطية بعيوبها ولا تحجر على رأي احد في اي وقت
يعني مثلا الاحزاب حاليا وكارهي الاخوان معترضين من ضمن اسبابهم دا إن لم يكن سببهم الجوهري... يا سيدي طالما انك تريد ديمقراطية يجب ان تتحملها وان اتت عليك (مقعدش أأجل لحد ميجي تشكيل المجتمع اللي يعجبني ساعتها بقى اقول طبق الديمقراطية) دا يبقى نفاق ..
مفيش حاجة في العالم اسمها استنى عشان نعمل قاعدة

الحياد حضرتك.. ان وقت متقول عايز اعمل حكم .. تعمل الحكم بتحمل وضع المجتمع ورغباته
وهقول لحضرتك حاجة.. بعد منستنى .. وننشأ احزاب .. هتلاقي الأحزاب بتعترض المدد مش كافية .. وبعدين يقولوا الأخوان بردوا .. سيادتك الناس اللي شايفه الملاز في الأحزاب فقط ..
فين المستقلين؟ هو خلاص مفيش شرفاء؟ ولو موجود الشريف لازم ينزل تبع حزب؟
مش عارف ليه اقتصرنا الحياة السياسية على الحياة الحزبية (وعلى فرض الحاجة .. ممكن تستغنى عنها اول دورة مجلس لإنها لن تؤثر كثيرا)

اما موضوع فلول الوطني .. سيدتك مبدأيا الحزب الوطني منهار حاليا
وعلى فرض نزوله الانتخابات حاليا .. يكفي فقط ان تقول دا مرشح حزب وطني .. مش هتلاقي حد يختاره.. ومن رأيي المتواضع .. ان احنا من مصلحتنا عمل الانتخابات في الوقت الراهن عشان تستغل حالة الاستنفار والحماسة عند الشعب المصر وكرههم للحزب .. اما بعد ذلك متضمنش . احنا شعب طيب وبينسى بسرعة.. دا غير انقد يرتدي الحزب قناعا مزيفا من الندم والوبية ويحاول يرجع تاني

اما موضوع شراء الأصوات .. سيدي الفاضا.. شراء الأصوات مش مرتبط بوقت .. اللي يشتري النهاردة ممكن يشتري بكرة .. دا ملوش علاقة بالوضع الحالي