لا للتعديلات الدستوريه

**CryptonX** · 14-03-2011 12:14 PM

حقول نعم !
والي زعلان ! الرقم القومي بتاعي للبيع ب 100 جنيه او اكثر !

**wawoo** · 14-03-2011 12:26 PM

المشاركة الأصلية كتبت بواسطة alaasaid

السلام عليكم ,

أنا لحد دلوقتى هقول ( لا ) لكن , أنا خايف من اللى بعدها , لحد دلوقتى مفيش رؤية واضحة اذا تم رفض التعديلات ايه اللى ممكن يتم , ازاى هنختار المجلس اللى هيعمل الدستور الجديد و هياخد وقت اد ايه و ازاى هنقدر نقيم الدستور دة و موادة , من الاخر أنا خايف من الغموض اللى بعد كلمة لا

اظن يعنى احنا مخوفناش و الطوب بيضرب علينا و مخوناش و الامن المركزى بيضرب الناس و الشهداء بالمئات

حنخاف الان بعد ما الامور استقرت ..لو فى غموض بعد لا للتعديلات ..تاكد ان فى غموض اكتر و تخبط اكتر بعد نعم
يبقى زى ما بيقول المثل الشعبى .."قاضى اخف من قاضى" و " اللى تخاف منة ميجيش احسن منة "

الهم وقفنا لما فية خير هذة الامة يا رب

**chato_eg** · 14-03-2011 12:34 PM

بغض النظر عن نعم أو لا
هو المفروض كل إللى فوق ال 18 سنة من حقهم الانتخاب ؟
أعتقد إن عدد من لهم حق الانتخاب يفوق ال 50 مليون مواطن...
كلهم لازم ينتهوا من التصويت فى خلال يوم واحد...
طيب إيه هى الضمانات الأمنية لسلاسة و تأمين سير اليوم ده...
شكل الاستفتاء....هل هى ورقة ( نموذج ) يتم ملئه بالبيانات...
أم هناك شكل آخر ؟
هل القطاع الخاص مجبر على منح أجازة مدفوعة الأجر فى هذا اليوم أيضا كما هو الحال بالنسبة للقكاع الحكومى ؟

هناك تحذير على لسان الفريق سامى عنان من أى تظاهرات فى يوم التصويت..و أى خروج سيعامل وفقا لقانون البلطجة !!
هل هذا سارى على يوم الجمعة أيضا ...و على المظاهرات السلمية ؟؟

**SeiffoZ** · 14-03-2011 12:48 PM

لأ ... عايز دستور جديد ..

عايز دستور يكون بعيد عن أهواء من فى مجلس الشعب ...

عايز دستور يدى أى حد بالجزمة .... مش هستنى حدا يجى يقول أنا هعمل دستور يدينى بالجزمة

**shaddadfalcon1** · 14-03-2011 01:19 PM

انا هصوت بنعم ان شاء الله

لازم نستقر وبعد كده نبقي نغير الدستور زي مااحنا عايزين وادينا عرفنا السكه خلاص

لو عملنا دستور جديد دلوقتي يبقي مش هيتعمل لاننا دلوقتي ومحدش عارف هيقول اه ولا لآ وكل الليله كام ماده فما بالك لو عملو دستور جديد فيه اكتر من 100 ماده - ساعتها هتلاقي مفيش اتنين متفقين علي حاجه وهيصل خلافات كتيير

**CryptonX** · 14-03-2011 01:45 PM

ياترى !
لو اتوافق على التعديلات الدستورية
او لم يتم الموافقة عليها

و فرضا انه استفتاء نزيه و عادل
هل الطرفين ( المعارض و الموافق ) حيحترم الاستفتاء ؟
ولا حنعمل منتجع سياحي في التحرير ؟

الديموقراطية بقى ... ولا ايه ؟

**Hacker5** · 14-03-2011 01:56 PM

لا و ألــــــــــــف لا

**ahmed_oth** · 14-03-2011 02:01 PM

انا بالنسبالى وبالنسبه لاغلبيه الشعب المصرى هذه التعديلات تعتبر كافيه وجيده لاقامه دستور ودوله محترمه
اما بالنسبه للى هيقول لا ودول فئه من المثقفين والقوى السياسيه المعارضه وشباب الثائرين فا هما بيبحثو عن حياه سياسيه مثاليه
وده مش غلط ولا عيب ولكن ده استحاله يحدث حاليا فى ظل عدم انتشار الوعى والنضج الكافى عند المصريين فى مختلف المجالات السياسيه وعلميه واجتماعيه ,,,,الخ
فا عشان كده هنلاقى الاستفتاء هيكون بنعم باغلبيه تفوق 60%
واهم شىء احترام النتيجه مهما تكون وليس فرض راى بالقوى على رأى اخر
أخر شىء ولازم نحطها فى الاعتبار ان الجيش لازم يرجع لثكناته العسكريه باسرع وقت ممكن فا زى منجح الثوره لازم نقف بجانبه
نعم