اقتباس المشاركة الأصلية كتبت بواسطة montela مشاهدة المشاركة
يااااه كك ده مضايق من منصور طيب مش ممكن كل واحد يقول مشكلته ايه مع منصور ونحاول نحلها مع بعض
معلش يا بشمهندس لسه واخد بالى من ردك فى الموضوع حالا :)
انا يمكن من اكتر الناس الى تعاملت مع منصور ..
اتعاملت مع فرع دفره فى صيانه و مبيعات و صيانه نص نقل ...ومتزعلش منى ..اثبتو فشلهم ما عدا فى المبيعات اتعاملت مع ا/انس قمه الذوق و الاحترام و عنده حب للعمل :)
انما كصيانه تحس انهم اول مره يشتغلو فى العربيه و بيعتمد على نظريه "جرب نغير قطعه الغيار الفلانيه يمكن الصوت يروح"
اتعاملت مع فرع سموحه (دى بجد بقى من غير زعل ملهمش فيها ) و طلع عينى معاهم هناك
واتعاملت مع فرع العامريه (اكتر فرع اتعاملت معاه)
واعرف هناك ناس كتير
منهم ناس زى العسل زى حضرتك كده
وناس
ده بغض النظر عن الخبره
نتكلم بقى عن مشكله الوكيل عموما
ان المهندسين "معظمهم" عنده احساس ان العميل ميفهمش حاجه و كل الى عليه انه يقعد ساكت و يدفع وخلاص
مع ان اوقات "كتير" العميل بيكون فاهم و عارف العيب و عارف حله و المهندس "يعاند" و "يحاول يشتغل" العميل
اعتقد عشان الوكيل يبقى افضل
لازم طريقه التعامل تختلف و تبقى احسن من كده
لازم يتم الاستعانه بمهندسين "كبار" فى السن عشان يبقى عندهم مزيد من الخبره و طبعا منقدرش نستغنى عن الشباب ...لكن مينفعش فرع كامل ميبقاش فيه مهندس كبير ..او يكون فيه و قاعد فى المكتب
وكمان لازم الوكيل يبطل الاستخفاف "والضحك" على العميل
انا واحد من الناس لابس عربيه مخبوطه و متصلحه فى التوكيل و بعتوهالى على انها زيرو :( ينفع يعنى ؟؟
معلش طولت فى الكلام :)
انا حبيت اوضح لحضرتك بس ايه الى مزعلنا كلنا كده و مخلينا مصممين اننا نبعت للشركه الام