الموضوع: زيت تحت الفتيس

المشاركة الأصلية كتبت بواسطة arabmarket

يا جماعه انا كمان عندى طرقعه جامده قوى فى اليمين وصوتها عالى فى الملفات وموجود فى الطوالى بصوت اقل بس انا مفروض الكوبلن برضه لانى غيرته بس الراس الداخليه هى القديمه الى كانت راكبه فى العربيه فهل ده كبالن ولا قواعد ؟

افتونا يا شباب

هيثم باشا اية الاخبار

دلوقتى بالنسبة لمشاكل الكبالن الداخلية بتبقى :

1: وجود طقة حديد × حديد عند بداية التحرك بالسيارة و بتبان مع الارض غير الممهدة بوضوح

2: رعشة فى السيارة على سرعات اعلى من 80 اذا كان البوش جامد , وبعد 120 كم اذا كان لسة فى اولة

3: ممكن تحس ان الاكس بتاع الكوبلن اللى فية بوش بيهرب من تحت رجلك او فى الكسرات الجامدة مش ثابت فى مكانة

4: خشونة فى السير وصوتة عالى فى الطريق

دية اعراض الكبالن الداخلية اللى فيها بوش

الكبالن الداخلية فيها ثلاث بليات فى كل جنب ( جنب بلى مدور - جنب بلى مربع ) وصليبة الكوبلن , وجسم الكوبلن الداخلى نفسة ( القلة )

لو بتحصل عندك الحاجات دية يبقى بتفتح الكوبلن وتشوف اية اللى بايظ فية ويتم تغيرة

القواعد بقى بتبقى ليها موضوع تانى :

1: رعشة مع بداية تدوير السيارة

2: بتبقى واضحة مع نقل الغيارات سواء اوتو او مانيوال

3: رعشة فى المحرك وزنة داخل السيارة

4: صوت خبط لو القاعدة مقطوعة