الموضوع: شكمان هوندا سى بى ار 400 فاير

المشاركة الأصلية كتبت بواسطة yascro

اما عن سبب ابتعادى عن المشاركه ف القسم
الفتره السابقه بجانب الاحوال التى كانت تمر بيها مصر
فكانت لرساله بعتها زميل لنا ف القسم
دا كان مضمونها
(دياب خلى بالك الناس واخدة باها من طريقتك فى الكلام وحاسين انك بتتعالى عليهم بجد انا سمعت الكلام ده من ناس كتير بجد وعلشان انا بعزك بقوك على ال بسمعه ...........ارجو ماتزعلش منى بس بجد حاول تتواضع من زملائنا على المنتدى واحنا كلنا اسره واحده )

وبعد ما قريت الرساله بصراحه نفسى اتسدت عن المشاركه ف القسم
ازاى الناس حاسه انى بتعالى عليهم انا عمرى ما كلمت حد وحش

واللى بعتلى الرساله دى khaled2010

عادي يابرنس كبر دماغك وعيش ومتعتبش علي البعض انه يفهمك غلط دي مش مشكلتك دي بتكون مشكلته هو لما واحد يفهمك انه بتتعالي عليه ده بيكون قصور في شخصيته هو وبيكون نابع عن نقص ولما شخص بيحس انك بتسخر منه برضه كبر دماغك عادي ممكن يكون تفكيره علي قده وحاسس انه معلومته خلاص دي كتاب منزل وغير قابله للمفاهمه بالرغم من كونك بتهزر علي سبيل الهزار والمزاح وخلق جو من الفرفشه ولزلك كبر دماغك وعيش اما موضوع قله دخولك المنتدي ده شيء عادي بيحصل لأي شخص ظروف نفسيه ظروف عمل طلعات بالموتسيكل بس حاول تقلل منها علشان متحرمناش من مواضيعك وبعدين علشان شخص اتهمك بالتعالي بغض النظر عن كونه خالد او اي عضو اخر طيب ايه زنب الباقيين ؟؟؟ لا ياكبير ماتقولش كده وتعليق اخير توضيحك بخصوص الرساله الي جاتلك علي الخاص انك بتتعالي في ردودك علي الناس ومدي تأثيرها في نفسيتك وعدم دخولك القسم بكثره ده يؤكد انك شخص حساس وصاحب قلب كبير واخيرا لك كل ود وتحيه

المشاركة الأصلية كتبت بواسطة yascro

واحشنى والله يا باشا و وحشانى ردودك:s_thum1[1]:

انته اكتر ياكبير وبأذن الله قريب يكون لينا مقابله وطلعه حلوه مع بعض والمهندس محمد يكون معانا ونظبط طلعه ممتازه بس ادعي معاي ربنا يصلح الحال

المشاركة الأصلية كتبت بواسطة mtgalx

خالد باشا
طبعاً الخواجة صح انا معاك
لكن برضة نفس الخواجة هو الي نزل العلب دي علشان اداء رياضي (كل واحد حر يركب حاجة عادية و لا رياضية علشان بره البيك بالنسبة ليهم و هو استوك عادي , غير لما يعدل فيه و يخليه رياضة , زي هنا الناس بتجيب العربية و تسقط ليها مكنة بفلتر و تربو و سوبر تشارجر ) يعني فلتر اسبور زي K&N و فلاتر تانية بطريقة معينة و ابعاد و صفايات داخل العبة علشان تمشي مع ضغط الهواء بتاع الموتور
و الدليل انك لما بتشتري علبة جديدة بيسألك انتا البيك بتاعك نوعه ايه و كام سي سي و موديل ايه علشان كل موتور بيفرق عن التاني
يعني مش اي علبة تركب علي اي بيك حتدي صوت و اداء
كل حاجة و لبها حاجتها , حسب السي سي و الموديل و الماركة علشان العبة يكون صفيتها و فلاترها متظبطة انها تزود هورس بور للبيك ده , تيجي بقي حضرتك تركبها علي بيك تاني متعملش اي حاجة
و حكاية ان البيك يقل 1000 جنيه علشان العلبة
الكلام ده الاغبياء هنا في مصر الي بيتعملوا بيه
يعني انا لو حشتري R1 استوك ب 60 الف
و قدامي R1 معدلة ب فول اكسوست و فلتر رياضي ب 70 الف حاخدها
عاملة زي الpaint brush ممكن يكلفك تمن الموتوسيكل اصلاً و يجي هنا المعلم يقولك انا عايز رشة الفبريكة

ههههههه كلامك صحيح ولكن للاسف ناس كتير فاهمه ان الشكمان مجرد صوت وخلاص بغض النظر عن تصنيعه ومكوناته اما يجيلك شخص يقولك ده مش رش الفابريكه ويكون البايك عليه paint brush دي بصراحه حقه لازم يكون رش الفابريكه ههههههههههههههههه طيب تصدق انا لما كان معاي الكوزاكي 636 وكنت عارضه للبيع تصدق في واحد بص عليه وقعد طبعا يطلع العيوب الي فيه ومن ضمن العيوب انه فيه لمبه واحده بس الي شغاله والتانيه محروقه او فاصله طبعا انا قعدت اضحك لما فطست وهو بيقولي بتضحك ليه قلت له لا ابدا بضحك علشان انته بتمسك في حاجه تافهه يادوب سعرها دينار ومرضيتش اقله اني بضحك من غبائه

عننننننننن عنننننننننننن عن عن عننننننننننننن صباح التفصيل يا شباب و بيرنات عليكم يا اجمل بيكراوية

اولاً يا جماعة انا اول ما دخلت المنتدي ده مكنتش اعرف اي حاجة عن البيكس خالص و ممكن تشوفوا الكلام ده من اول موضوع ليا اني كنت لا افقه شيء و لسه في حاجات كتير قوي مش فاهمها و بسأل دياب و الميكانيكي و اي حد بحس انه بيحب المجال ده مش مجرد يعرف فيه و طبعاً بقعد العب في البيك بتاعي علشان افهم و بتيجي عليا بخسارة في الاخر بس مش مشكلة
الواحد مش بيتعلم ببلاش
و الحمد لله ابتديت افهم و تعلم و كتير قوي بعمل حاجات كتير في البيك مع الميكانيكي في البيك بتاعي و بتاع غيري علشان حب معرفة مش اكتر
بدون بقي زكر اسماء يا ريت يا احلي اعضاء مافيش اي مشكلة اننا نكون مش عارفين حاجات و ندخل اي موضوع و نكتب متابع باهتمام او نكتب الي نعرفة و بس
لكن مش نقول حاجة احنا مش متأكدين منها
و اكيد بمرور المواضيع و المشاركات حنفهم و نقدر نرد علي مواضيع تانيا
يا خلووود انتا مشكلة بجد انا لسه واخد بالي من موضوع المشاركات اليومية ده دلوقتي , احنا مش بنكتب اي حاجة علشان نزود المشاركات , مش حناخد فلوس ولا بيك جديد بسبب الموضوع ده
و علي راي المثل الي بيقول يموت المعلم و هو لسه بيتعلم , و اكيد مش كلنا عارفين كل حاجة , كل واحد و ليه خبرته و حاجات عارفها و حاجات لأ
هنا بقي النقطة اننا نفهم من الناس الي احنا مش عارفينه سواء من دياب او اتش او خالد 900 او خالد 400 او دولفين او اي عضو هنا كلنا مش روسي ولا ستونر ولا بيدروسا
يا شباب دا في ميكانيكية مش بتفهم و اعضاء بتفهم اكتر منها

نيجي بقي ل لبة الموضوع و هو نوع العلبة
مش حقدر اقول لصاحب الموضوع نوع معين او اسعار معينة علشان انا لما كان معايا 400 كنت جايب علبة يوشيمارا تيواني مش اوريجينال , علشان اكيد مش حجيب علبة ب 2000 جنيه لبيك 400
و كنت جايبها ب 450 جنيه و عرفت بعد كده ان الاسعار غلت و ان الصيني هو ال بقي ب 500 و 600
نصيحتي جيب علبة مستعملة تكون شايفة علي بيك قبل كده او تجيب تيواني بلاش صيني
و لو جديدة علي ما اظن حتبقي جديدة في رنج 700 اقل شوية او اكتر شوية
خالد 900 كان جايب واحدة ب 700 من كام شهر ممكن تسأل كان جايبها منين
المحل الي بتعامل معاه معندوش تيواني خالص صيني و بس و طبعاً الاوريجنال ب سعر حلو قوي معدي ال 1300 و ال 1500 و طالع زي ما انتا عايز

و يا جماعة مافيش قفش ولا حاجة كلنا بنساعد بعض من اكبرنا لأصغرنا
يا رب نفضل حلوين كده علشان مش نبوظ صداقة حلوة مابينا بعد العشرة الحلوة دي