المشاركة الأصلية كتبت بواسطة walidadel
والله انا كنت حطيت فيديو في موضوع اخر عن حته هانقول اه ولا هانقول لأ للتعديلات قولت يمكن حد يتفرج عليه و يتنتاقش يعني نعرف اذا كان صح ولا لأ
المهم هو انا كونت فكره كده بسيطه مش عارف هيا صح ولا لأ و ياريت لو غلط حد يصححلي
هو الفيديو ناقش نقط كتيره بس اللي لفت انتباهي هيا نقطة اننا لو وافقنا علي اتعديلات هاتبقي الدنيا هاتمشي عادي خالص و انتخابات مجلس الشعب هاتبقي في معادها كمان كام شهر و الانتخابات الرئاسيه و هكذا طيب ماشي بس للاسف الكوادر السياسيه اللي هاتطلع ليسه مش جاهزه علشان الانتخابات يعني ليسه ماكونوش احزاب علشان يبقي ليهم حق الانتخاب و حتي لو كونوا مش عاملين دعايه لنفسهم علشان الناس تعرف هاينتخبوهم علي اي اساس و و بكده مش هايبقي جاهز من الكوادر السياسيه دي غير جماعة الاخوان و اللي هايكسبوا علشان مافيش غيرهم اصلا اترشح او هاتبقي اغلبيه المجلس منهم و دا الي هايبقي هما المستفدين الوحدين من اننا قولنا نعم علي التعديلات و بالتالي انهم اول من اعلنوا انهم موافقين علي التعديلات الدستوريه
لكن لو قولنا لأ هايبقي قدام الجيش حل واحد انه يعمل اعلان عن حاجه اسمها بيان دستوري يتضمن بعض المواد من الدستوري الحالي و هيا مواد اساسيه خطوط عريضه يعني تمشي عليها البلد لحد مايعملوا دستور جديد و بكده هاندي الفرصه للكوادر السياسيه انها تعمل اعلانات عن نفسها علشان نعرف هاننتخبهم علي اي اساس و مين هانقول عليه اه و مين هانقول عليه لأ
مش عارف بقي هل اللي انا فاهمه كده صح ولا ايه و ياريت الحج احمد يعلق علي كلامي دا بما اني بثق في رايه اوي