أنا لا أراهن ده توقع مبني على تحليل فكري بصفة شخصية لا أكثر ولا أقل
ده غير نتيجة الأستطلاع على منتدانا كجزء من النت واضحة متقاربة بين المتعلمين لو أضيفت عليهم أي نسبة ولو بسيطة من رجل الشارع العادي !!!
والله أعلم
لا يا استاذ العملية مش كده الصح ان فى التعديلات مادة تنص على عمل جمعية تأسيسية لعمل دستور جديد و لغاية لما يعلن الدستور الجديد و الذى قد يستغرق مدة سنة فأنت تعمل بالدستور القديم بكل هذا الكم من الصلاحيات ناهيك عن الخلافات التى ستحدث بعد عمل الدستور الجديد هل هنخلى مجلس الشعب و رئيس الجمهورية و نأجل العمل بالدستور الجديد و لا نحل المجلس و الرئيس يستقيل و نعمل الانتخابات الجديدة على الدستور الجديد
بالاضافة لنقطة مهمة جدا حضرتك قولت ان اللجنة التأسيسية للدستور من 100 عضو من من اعضاء مجلس الشعب حتى هذا غير معروف بالضبط هل اعضاء اللجنة من اعضاء مجلس الشعب و لا ممكن من خارج اعضاء مجلس الشعب و ده المفروض يحصل ليه
لان الدستور بيحتاج فقهاء دستوريين و دول غالبا مش هتلاقيهم اعضاء فى المجلس بالاضافة لمشاركة من مختلف فئات الشعب من قانونيين و جمعيات اهلية و حقوقية و رجال دين اسلامى و قبطى و مهنيين و رجال سياسة و اقتصاد لان الدستور هذا هو المبادئ التى ستوضع عليها كل القوانين لمختلف الجهات فى وقت لاحق
كلام حضرتك جميل بس هناك عقبتين
اولا الانشغال بالتعديلات الدستورية و الاستفتاء عليها
ثانيا عدم وضوح الرؤية بعد و عدم السماح بتكوين احزاب حتى الان و اعتقد و الله اعلم ان كان ممكن و بعد الرجوع لفقهاء الدستور ان يتم تعديل المادة الخامسة من الدستور و الخاصة بالاحزاب السياسية حتى تفتح الطريق نحو تبسيط انشاء الاحزاب
لا ده انت فهمتنى غلط تماما اللى حيعملوا الدستور الجديد مش اعضاء مجلس الشعب
ولكن نص المادة اللى فى التعديلات كالتالى
اضافة مادة 189 مكرر تلزم مجلس الشعب القادم بعد انتخابه بانتخاب جمعية تأسيسيه من 100 عضو لوضع دستور جديد للبلاد
وطبعا ال 100 عضو دول حيكونوا ناس متخصيصين وقانونين يوافق عليهم مجلس الشعب اللى انا وانت وغيرنا حننتخبهم
انا موافق علي التعديلات مؤقتا
نعم للتعديلات ..لاني ارفض وضع دستور جديد في الفتره الانتقاليه ...لان اللجنه اللي حيتم اختيارها حتخضع لضغوط كثيره من جانب اطراف كتيره جدا منهم من له مصلحه شخصيه وقد ينتج عنه دستور اسوء من 71
اني ارفض التاخر اكتر من هذا تحت حجه ان هناك احزاب جديده عايزه تعمل قاعده شعبيه ليها ...بل بالعكس البرلمان القادم ...حيبقي اختياره قائم علي افراد وليس احزاب...وده افضل للمرحله اللي جايه وللدستور الجديد
واحنا دورنا اننا نختار اعضاء مجلس شعب علي مستوي برلماني محترم ..مش اي حد وخلاص
انه حتي لو بعد سنه حعيد كل الانتخابات دي افضل لان المناخ قبلها حيكون هادي لان فيه رئيس منتخب شرعي للبلاد
تقدر خلال هذه الفتره الاحزاب الجديده تاسس نفسها جيدا .....ويتم وضع دستور جيد بلاضافه لقوانين جديده لانتخاب مجلش شعب باسس سليمه......كل ده لو تم في جو طبيعي افضل من الفتره الانتقاليه اللي كل يوم بتسبب خساير ماديه واقتصاديه للبلد ...بسبب توقف الاستثمار خوفا من عدم الاستقرار
خاصه اني اتوقع الفوز الرئاسي حيكون بين هشام بسطويسي او عمرو موسي او البرادعي.....ودول كلهم راغبين في عمل تغييرات حقيقيه في مصر وعلي راسها دستور برلماني