الموضوع: ح تقول ايه في استفتاء التعديلات الدستورية السبت القادم ؟؟

المشاركة الأصلية كتبت بواسطة زينة الله

المستشارة القاضية / نهى عثمان الزيني .. نائبة رئيس هيئة النيابة الإدارية في مصر (في العاشرة مساء ) : حين أرى اتفاقا بين الإخوان والوسط على نعم .. أتحسس عقلي ، وحين أرى معهم السلفيون .. أتحسس ضميري ، وحين أسمع فلول الوطني تتناغم مع دعوات بقول .. نعم .. لتدخل الجنة .. أتحسس مسدسي ... أرفض التعديلات الدستورية
- حاصلة على درجة ال...دكتورا......ة في القانون الدستوري من جامعة السوربون بفرنسا
- أشهر من قالت لا للفساد ..

طيب مانحللها بالمنطق الشعارات ما أسهلها
ولو قولنا لا ما الذي سيتغير في التركيبة ألي فوق دي كله!!!ا بالعكس تماما هاتزيد قوة مع زيادة الوقت..........وهو ده السبب في الموافقة على التعديلات نقل الحكم في أقرب وقت أفضل من تأخير الوقت.
الأخوان أكثر حزب منظم سياسيا ولو بعد سنتين سيزيد تنظيمهم
الوطني في أضعف حالاته الأن ومع مزيد من الوقت فرصة ذهبية لتنظيم أوراقه ودخول داعمين له تحت أحزاب أخرى يبقى نديهم فرصة ولا نسبقهم
يعني الوقت في صالحها أكثر وفي المقابل ليس في صالح أقتصاد البلد وأمنها القومي
تقبلي تحياتي

لن اشارك لاني بخارج مصر

المشاركة الأصلية كتبت بواسطة amr.mostafa

لن اشارك لاني بخارج مصر

وأنا أيضا خارج مصر ولكن لايمنع من الحوار والمشاركة بالرأي في سبيل الوصول لأفضل الحلول لبلدنا(أيجابية)
والبركة في أخواننا في مصر
تحياتي

المشاركة الأصلية كتبت بواسطة hobiko

هى دى المشكلة ...... دلوقتى كام تعديل و فى قوى سياسية مش ماسكة اى سلطة بتجيش كل امكانيتها لتوجيه الناس نحو اتجاه معين

ايه بقى اللى حيحصل لما قوة من القوى دى تمسك سلطة (ولا اقصد الأخوان بس انا بتكلم عن مبدأ) ...... حتوجه الناس ازاى ؟؟؟؟

و بعدين يا دون otefa الدساتير لا تصلح للأستفتاء عليها بنسبة 50 % +1 ...... انت كده بتقسم المجتمع بطريقة حتأدى لقلاقل و مشاكل كبيرة فعلا فى المستقبل

حاجة أخيرة مين اللى حيصوت الدستور سواء ده ولا الجديد ؟؟؟؟ ...... الرجل الذى حرم من التعليم و الثقافة و الحرية لعشرات السنين

احنا محتاجين نتعلم .... نتثقف ..... نفهم ..... نقرا ..... نشغل دماغنا ..... نعرف يعنى ايه حرية ...... نعرف يعنى ايه دستور

نقضى على الأمية و الجهل ......

عشان اى استفتاء على حاجة باهمية الدستور يبقى ليها معنى حقيقى ....... مش اعداد ناس بتقول لأ او نعم و خلاص

و كل ده و لسه حننتخب مجلس شعب قادم ...... بنسبة 50% عمال وفلاحين !!!!!!!!!!!!!!!!!!

يادون هوبيكو
ماقلنا الكلام ده من زمان أن صعب بل مستحيل الديمقراطية الكاملة في مصر بين يوم وليلة
40% تحت خط الفقر
50% ولا 30% امية
الموضوع عايز كفاح وعايز له فوق ال10 سنين =عمر تعليم أنسان مصري جديد
السلم لسه طويل بس نبدأ

هو ليه فى ناس مقتنعه ان الرأى الاخر غلط سواء نعم او لا النتيجه النهائيه واحده ووقت عمل دستور جديد لن يختلف كثيرأً لكن المتغيرات ستكون فى ادارة الفتره القادمه (4 سنوات ام فتره غير محدده التتى لن تقل عن عامين) فبلاش الكلام بتاع ديكتاتور جديد ويضحك علينا و ميغيرش الدستور والاحزاب محتاجه فرصه والنتخابات هتكون لسه فى 9 , يا ريت الناس تفهم زى ما فى ناس عايزه نعم عشان تستفيد فى ناس زيهم عايزه لأ عشان تستفيد من السياسه, كل واحد يشوف اى مسار يريده و يختاره و فى كل الحالات يجب وجود دستور موقت و لو قريتوا الدستور كويس المشاكل كلها فى الباب الخامس اللى فيها صلاحيات الرئيس فهل يتطيع ديكتاتور جديد منتخب ان يستغلها فى هذا الوقت, فى النهايه فليرشدنا الله اللى الاصلح ان شاء الله

المشاركة الأصلية كتبت بواسطة Dojuar

لكن فيديو زي ده...

واحدة بتحب أحمد حلمي...تروح تقول لأ

واحد بيحب بسمة..يروح يقول لأ

ان شاء الله حقول لا وححترم اللى يقول اه وحرضى بالنتيجة ايا ماكانت

ملاحظة جانبية ابوس ايديكم بلاش تدوا الناس دى قيمة تانى..أحنا فى عهد جديد وعايزين نغير ثوابتنا..الممثلين والفنانين دول المفروض يتراجعوا للمؤخرة

مش كل شوبة الاقى برنامج ولا تحقيق بيناقش الفنان الفلانى كان فين وعمل ايه ودوره فى الثورة ساعة الثورة كل شوية الاقي استضافةل خالد يوسف وبسمة كانهم هما قواد الثورة


وكمان دلوقتى طالع احمد حلمى ولا بسمة يقولوا حنقول لا...متقول ياعم انا مالى بيك...يعنى انت خلاص القدوة اللى لما تقول لا حقول وراك وانا مغمض....انا عجبنى ان لما عمرو خالد كتب على صفحته انه حيقول لا..كل الناس قلتله مفيش حاجة اسمها انا حقول لا وخلاص لازم تقول اسباب وتقنعنا