الموضوع: الشيخ المحلاوي و الإخوان: المشاركة و الموافقه على التعديلات الدستورية واجب شرعي !!

المشاركة الأصلية كتبت بواسطة abou_ruqi

والله الأخوان يحكموا , السلفيين يحكموا , الوطني يحكم تاني , ناس تانية خالص تحكم
كل ده ماشي

إنما يجلنا واحد زي كمال أتاتورك او الحبيب بورقيبة

يلغلنا المادة التانية أو يمنع الآذان او يمنع الحجاب أو يمنع تعدد الزوجات او يدي حقوق لقوم لوط او يبيح الدعارة أو يلغي الدين من المدارس او يسمح لكاتب او مخرج يطعن في الذات الإلهية او ينال من رسولنا الكريم او اي حاجة من المبادئ التقدمية العظيمة دي

باسم الحرية او الديموقراطية او الدولة المدنية العصرية

ده على جثتنا

ده على جثتى انا كمان قبليك و قبل اى حد

انا كمان ضد الغاء المادة التانية شكلا و موضوعا و فكرا و كل حاجة

بس انا كمان ضد الأنتهازية السياسية

انا ضد استخدام تدين المصريين الفطرى و حبهم للدين ...... و توجيهم لخدمة اغراض سياسية بحتة

مين فينا مش بيحب دينه وخايف عليه ........

لكن فى نفس الوقت ..... دينا شرع الحريات

اللى بيحصل ده قمع مقنع للحريات باستخدام الدين ..... للبسطاء

عشان اللى يقول لأ ..... حيدخل النار

المشاركة الأصلية كتبت بواسطة hagan

سبحان الله العظيم
الان اصبحت دعوة الاخوان دعوة فاسدة لانهم يرو ان التصويت بنعم واجب شرعي
يعني لما كان الاخوة الافاضل بيستفيدو من الاخوان يوم الجمع سواء 28 يناير او 4 فبراير ثم 11 فبراير كل هذه الجمع كان الاخوان و الجماعات الاسلامية بتقول ان اسقاط الحكم الحالي و اجب شرعي و لذلك كان شبابها بيقاتلو كالاسود في التحرير و كانو من ضمن المنظمين الذين شكلو جبهات حماية لكل التيارات في التحرير
فحينما يعلنو عن ارائهم نحجر الان عليهم و نجد من يقول انهم بيستغلو الدين لتوجيه الرأي العام و بيلعبو علي المشاعر الدينية
اقول الان و اجري علي الله

لولا استغلال الدين ما سقط النظام السابق
لولا خطب الجوامع ايام الجمعة ما سقط النظام السابق

ده فيه خطب شبهت مبارك و المحيطين به ( بفرعون )
و بعد الخطبة كان الشباب من الاخوان و من الجماعات الاسلامية بيسافرو من كل الجمهورية للتحرير كي سيقطو فرعون و من معه
ارجو الا نقع في فخ الانقسام

ارجو ان الديمقراطيين بتوع الاخ البرادعي الذي يقولها صراحة ان رأيه ان الدولة ملهاش دين ارجو ان يبعدو عن اراء غيرهم ارجوكم

م.حاتم السباعي

ميين قال اننا ضد الدين ......... او ضد الأخوان

و ميين قال لحضرتك انا ألأخوان و الجماعات الأسلامية بس اللى كانو بيحضروا خطب الجمعة

هما الأخوان و الجماعات بس هما المسلمين ؟؟؟؟؟؟؟؟؟؟؟؟؟؟؟؟

دى مشكلتكم بجد ماشيين بمبدأ ...... اللى مش معايا يبقى عليا

انا كنت فى ميدان القائد ابراهيم كل يوم جمعة بعد الصلاه اثناء الثورة

و اغلب اللى كانو موجودين ..... شباب كتير زيى و ناس بسطاء مش من الأخوان ولا الجماعات

انا عرفت مين دلوقتى اللى عايز يقفز على الثورة و ينسبها لنفسه هو بس ..... رغم انها ثورة شعب بكل اطيافه

ومادام بتتشدق بالدين ..... يبقى من باب اولى عدم رمى الناس بالباطل و الكفر من غير دليل

المشاركة الأصلية كتبت بواسطة abou_ruqi

طيب ما هو !!
ما هو انت رحت وكل الإسكندرانية لجامع القائد إبراهيم , اشمعنا جامع ابراهيم؟؟؟ , علشان الشيخ المحلاوي خطيب المسجد زعيم كل الثورات و الاحتجاجات في اسكندرية من عصر السادات إلى الآن

مع بعض الفوارق , المحلاوي في اسكندرية زي حافظ سلامة في السويس

ماهو لو كان الخطيب من الأوقاف مكنتش المظهرات خرجت من هناك خالص !!!! كانت خرجت من ميدان المنشية او محطة مصر , واهم أكبر و اوسع !!

ونفس الشيئ في التهجد في رمضان, اسكندرية كلها بتصلي ورا الشيخ حاتم





أنا مش قاصد الدعاية للأخوان والله العظيم , إنما بالفعل الإخوان مؤثرين جدا في الشعب سواء شعرنا بوجودهم أو أنكرناه



هو ده أصح تعبير بجد

انا لا انكر تأثير الأخوان ..... ولا انكر حقهم فى ان يكون لهم رأى بل لا أنكر عليهم حقهم فى دعم هذا الرأى و تأييده

بس انا مارحوتش ميدان القائد ابراهيم ..... عشان المحلاوى بيخطب فيه

انا روحته وناس كتير اصحابى و زمايلى و جيرانى ...... لأنه تحول لميدان تحرير اسكندرية

و ماعنديش مشكلة ان الأخوان ساهمه فى ده ...... احنا كنا فى وقت محتاجين فيه الوحدة قبل كل شىء (ومازلنا)

انا ماعيب عليهم فيه ...... انتهازيتهم السياسية

تطويع الدين لخدمة مصالحهم السياسية ......

انا معارض للتعديلات ..........

لكن اقسم بالله .... لو طلع الشيخ المحلاوى او اى شيخ تانى قال التصويت ب لا فى الاستفتاء واجب شرعى

كنت قلت نفس الكلام