الموضوع: stunt بقي و حركات ادخل و احكيلنا :D

السلام عليكم يا شباب

في اطار ان المنتدي نام قلت نضحك شوية
كل واحد يحكلنا المواقف الطريفة اللي احنا عارفنها اللي حصلتلة مثلا يعني و هو بيحاول يعمل stunt و هو مثلا بيحاول يجر ناعم مع حد :D والكلام دا بقي و تشجيع بقي هبتدي ب العبد لله :D بس محدش يتريق يا جدعان كفاية اللي حصلي

اول موقف حصلي مكنتش بعرف اسوق ولا اي حاجة اللي خلاني عاوز اشتري اني ركبت ورا واحد صاحبي مرة قولت لازم اجيب واحد عشان الاحساس بقي اللي احنا عارفينة المهم لاقيت واحد شكلة حلو و اتفقت مع الراجل و قالي جربة قولتلة لا يعم انت كدا بتشتمني اجرب وراك ودا كلام بردة ( هو مش ثقة بس عشان انا مش بعرف اسوق :D ) المهم الراجل حلف قولتلة معلش قولي الاول ازاي عشان ان بقالي كتير قوي مسوقتش كان عندي 16 سنة ساعتها قالي الاول لتحت الراجل لسة بيكملي اسيب الدبرياج وحدة وحدة بص وراة يشوف عربيتة و بيبصلي عشان يكمل لاقني لازق في الحيطة نزلت زي الباشا طلعت الفلوس و بقولة عجبتني المكنه دي شديدة كدا مش زي اللي جربتهم خرعين :D الراجل واقف باصص مسبهل قولتلة لا متخفش دا انا بجرب المكنة و بشوف فيبرها صيني ولا اصلي :D و روحت البيت وانا زي الفل

تاني موقف لما اتصلت بصاحبي و وصلني البيت لانة عنده بيك فبيعرف يسوق و اتفقت معاه يعلمني علية شوية شوية المهم جالي تاني يوم انا لبست في الحيطة لحد دلوقتي 27 مرة كل مرة اقولة اصلي شاكك ان الفيبر صيني و اني ادحك عليا :D فا بيزلني دلوقتي بالكلمة دي

تالت موقف لما ابتديت اقول يا هادي و نزلت بية كل ما اجي اقف اقع علي جمبي اليمين من تقلة ( كنت عصاية مقشة ساعتها ) و اقعد اقول ونبي يا كابتن تعالي ارفعة معاية و الناس تضحك في الشارع عليا

رابع موقف لما بقيت فتك و طلعت الرخصة و رحت بية الكلية حبيت بقي اعرض شوية اول يوم في الكلية و لازم نعمل منظر رحت حبيت اعمل بيرناية كدا رحت لابس في البوابة طبعا كالعادة قولتلهم اهو انا لو ملبستش يوم في الحيطة احس اني مصدع كدا و فيه حاجة ناقصاني

خامس موقف اللي علمني السواقة دا اللي هو صاحبي كنت سايبة رفيع هو سافر و رجع لاقيتة بقي حاجة ما شاء الله بقي:D المهم حابيت اعرض قولتلة والله لنركب ورايا و اوريك السواقة الصح قالي وريني المهم واقف و قولتلة امسك هرفع بيك و الشارع كلة واقف يتفرج الحق دا هيرفع ريس بقي و بتاع :D المهم انا زودت بنزين شويتين و سبت دبرياج مرة واحدة لقيت البتاع مش رفع و بس انا لقيت خير اللهم ما اجعله خير حاجة تقيلة بتشدني لورا ثم سمعت صويت و انا كل دا مش شايف غير حاجة سودا اتاريها السما و انا فرحان و بقلة شفت بقي يا مان تقدر تعمل كدا فجاه لقيت دبببببببببببببب و سواق التاكسي نازل بيسبلي الدين ورحت واقع المشكلة في كل دا ان انا كنت بحسبة ورايا لسة وان كل دا انا رافع اتاري اول ما رفعت هو اتزحلق خلاني ارفع اكتر و رحت محود و لبست في شباك السواق بتاع التاكسي و اتحكاي ان السواق كان واقف مسبهل و انا داخل علية :D كان منظري وحشششششششششششش

السادس و الاخير كنت بحب اهز الناس شوية بس كان طيش بقي فركبت ورايا صحبي الانتيخ و جريت و دخلت علي واحد و بفرمل و بقله هو دا اللي ضربك و باصص علية و مش باصص قدامي لقيت اللي كنت بهزه اول ما شافني جري و انا مش واخد بالي دوست علي رجل انسة كدا و واقف بضحك علي الموقف ان الواد جري لقيت والدتها الله يمسيها بيالخير بتحسبني بدحك علي اني دايس علي رجل بنتها و جريت عليا و ضربتني بالشبشب رحت سبت البيك و جريت جري الوحوش

ممنوع التريقة يا جدعان كفاية احراج
و يا ريت الكل بقي يشارك و يقولناو ميتكسفش هي الحياه اية غير شوية تجارب و التاكد من الفيبر :D

المشاركة الأصلية كتبت بواسطة Omar007

ههههههههههههههههههههههههه ههههههههههههههههه ولله انت عسل

هههه الله يخلك يا عمر باشا :D:D:D

المشاركة الأصلية كتبت بواسطة hassan_gost

ههههههههههههههههههههههه
انا فصلت ضحك
شكرا على المشاركه بتعتك
انا الصراحه محلصش لسه معايا موقف شديد كده
بس لو حصل...حادخل مخصوص علشان احكى

:D:D:D
ربنا ميوقعك في موقف يا حسن باشا :D:D:D:D

المشاركة الأصلية كتبت بواسطة tamertamer

بص يا سيدى
اول موقف كان من مدة طويلة

لية واحد صحبى اسمة محمد هو طولة بتاع 2 متر ولسة بيطول كمان المهم اول لما جبت الموتوسكل قلى لازم اجربة قلتلة ابدا قلى لازم واعد على الموتوسكل يمين شمال مفيش وطبعا هو ربنا مديلة الصحة محدش يقدر يقلة لا المهم بيقلى انت مبتعرفش تسوق عجل دة مثلة بظبت قلتلة لا قلى انت اش فهمك انت وكان معانا اثنين اصحبناء المهم دور الموتوسكل وقلتلة النقلات والحركة وخلافة المهم مشى طلعة كويسة وماشى بسرعة 10 كيلو وانا على مرما البسر ابص القى شجرة وبعديها عمود وهو رايح هناك طبعا بيحاول يحود بجسمة مش عارف يظهر ان فى حد قلة ان الدركسيون مبيتحركش المهم رامى صحبى بيقلى هو رايح فين وانا بكل سذاجة رايح الشجرة قلى هناك والناس فى الشارع هاتك يا ضحك الباشا وقع قبل الشجرة بمتر نزل العيال فى الشارع زفوة وكان يوم عجب بجد

طبعا المواقف كتير اوى

ههههههههههههههههههههه نفس اطول منيب 10 سنتي :D:D:D:D المشكلة ان لما الواحد يقع بصيني محدش هيبصلة لكن اللي يقع ببيك جامد كله هيضحك علية مش عارف لية D:D:D:D:D
قولنا يا تامر باشا علي باقي المواقف

المشاركة الأصلية كتبت بواسطة yascro

ههههههههههههههههههههههههه
خرجتونا من الجو الل احنا فيه

دياب باشا :D:D:D:D
مستنين من حضرتك تحكلنا شويه :D:D:D:D:D:

المشاركة الأصلية كتبت بواسطة viper911s

بصراحة مواقف جاااااااااااااامدة موت
انا معنديش بايك بس لما اجيب هتشوف احلى موووووواقف فى الدنيا ووعد هحكيها

viper باشا ان شاء الله تجيب بيك قريب جدا و متتحطش في مواقف محرجة زي دي :D:D:D:D:D:D

المشاركة الأصلية كتبت بواسطة shaddadfalcon1

انا خايف اضحك الناس هنا تقول عليا اهبل

shaddadfalcon باشا معاش اللي يقول عليك كدا اضحك براحتك يا باشا كلنا اخوات هنا

المشاركة الأصلية كتبت بواسطة ahmedsamir5edr

hhhhhhhhhhhhhhhhhhhhhhhhhhhh

احمد باشا :D:DD:D:D:D:D منور الموضوع والله