الموضوع: واضح ان الموضوع بقي فرض ارادة

[SIZE="4"]

المشاركة الأصلية كتبت بواسطة medo_2060

ياريت متخصش اغلب الناس الى مختلفه معاك على انهم فى سن صغير ان كانوا طلبه او مراهقين زى ما قلت او اى حاجه تانيه.... وتقول عليهم عقول غير ناضجه ...
الناس الى بتقول عليهم عقول غير ناضجه دى هى الى عملت شراره الثوره ومن غيرهم مكانش هيبقى فى ثوره... السن الى بتتريق عليه دا هما الى عملوا الى مقدرش الاجيال الى قبلهم تعمله .. لو كان جيلك طالب بحقوقه مكانش الشباب دا مات عشانى وعشانك
يعنى ببساطه بعد ربنا شئت ام ابيت ليهم فضل عليك وعليا ...
وان كنت تعتقد ان سنك الكبير ووظيفتك المرموقه( ان وجدت) هما الى ادوك الحق تقول الكلام دا تبقى غلطان ومهما كان لن تكون افضل فى هذه الجزئيه تحديدا من رجل مثل د. فاروق الباز الى قال : الجيل بتاعى كان فاسد ولابد ان نترك الفرصه للشباب

باين جدا سنك من ردك عليا انك طالب او فى سن مراهقه
دايما بيكون ردهم عفوى وسخن ومتحمس وبيشوط اللى قدامه من غير مايدى لنفسه فرصه لكلى ياخد نفسه

نجى للمهم يا سيدى بالنسبه لمقوله
(عقول غير ناضجه دى هى الى عملت شراره الثوره ومن غيرهم مكانش هيبقى فى ثوره)
على فكره مكانتش غير ناضجه فقط ولكن هناك برده عقوله ناضجه بالدليل ان كنت معاهم لحد يوم تنحى الريس وقلت كده حلو اوى وكول وميت فل واربعتاشر



نيجى للجمله التالته
[COLOR="rgb(139, 0, 0)"](السن الى بتتريق عليه دا هما الى عملوا الى مقدرش الاجيال الى قبلهم تعمله .. لو كان جيلك طالب بحقوقه مكانش الشباب دا مات عشانى وعشانك)
بهدوء شويه , انا ولا اتريقت ولا يحزنون وكلامى واضح للناس واللى اغلبيتهم شباب او فى سن المراهقه بيكون ردهم عنيف وغير قابل للاستماع حتى لعقله ,,,وتقريبا بيكون ماشى بمبدأ (ديه لا لاْ) تقريبا كلمه مفاوضات ولغه الحوارات متشاله من قاموسهم.
الحاجه التانيه يا سيدى انا سنى 31 سنه يعنى مش عجوز اوى وشاب روش ووعايش حياتى ودماغى تعجبك اوى
مريت بتجارب كتييييير منها الحلو ومنها المريره ,,,عشت فتره عقليه الشباب الغير الموزونه وفضلت فتره ماشى بمبدأ (ديه لا لاْ) ولا قابل للتفاوض ولا ولا ,,,,الخ اكتشفت فى الاخر ان تيييييييييت

الجمله الغريبه بقه
[COLOR="rgb(139, 0, 0)"](وان كنت تعتقد ان سنك الكبير ووظيفتك المرموقه( ان وجدت) هما الى ادوك الحق تقول الكلام دا تبقى غلطان )[/COLOR]
انا مش عارف ايه علاقه سنى ووظيفتى براى
دول مالهومش علاقه خالص برأى ,,,سورى يعنى ممكن واحد زبال او شحات يقول رائيه ويكون عنده حتى 10 سنين
مش هى ديه برده الديمقراطيه (الرأى والرأى الاخر)


الجمله المتناقضه تماما فى ردك وفى اغلبيه ردود الشباب
[COLOR="rgb(139, 0, 0)"](لن تكون افضل فى هذه الجزئيه تحديدا من رجل مثل د. فاروق الباز )[/COLOR]
بص يا سيدى انا يا ما اتنبح صوتى بالمطالبه للاستماع لاراء د فاروق الباز ويحى الجمل و داحمد الزويل والكثير من العلماء والمثقفين بس للاسف اكتشفت ان بكلم نفسى ,,ولما يجى الشباب يحاول يدعم موقفه ويحاول يحكها فى اسم اى عالم عشان يبين للناس ان موقفه صح,,,,,ممكن على فكره ترجع لمشاركاتى السابق

المشاركة الأصلية كتبت بواسطة medo_2060

ياريت متخصش اغلب الناس الى مختلفه معاك على انهم فى سن صغير ان كانوا طلبه او مراهقين زى ما قلت او اى حاجه تانيه.... وتقول عليهم عقول غير ناضجه ...
الناس الى بتقول عليهم عقول غير ناضجه دى هى الى عملت شراره الثوره ومن غيرهم مكانش هيبقى فى ثوره... السن الى بتتريق عليه دا هما الى عملوا الى مقدرش الاجيال الى قبلهم تعمله .. لو كان جيلك طالب بحقوقه مكانش الشباب دا مات عشانى وعشانك
يعنى ببساطه بعد ربنا شئت ام ابيت ليهم فضل عليك وعليا ...
وان كنت تعتقد ان سنك الكبير ووظيفتك المرموقه( ان وجدت) هما الى ادوك الحق تقول الكلام دا تبقى غلطان ومهما كان لن تكون افضل فى هذه الجزئيه تحديدا من رجل مثل د. فاروق الباز الى قال : الجيل بتاعى كان فاسد ولابد ان نترك الفرصه للشباب

هو حضرتك مش معترف بالنضج الفكرى

يعنى أحنا أختزلنا الثوره فى شباب ثانوى وأعدادى وطلبة أولى جامعه هما اللى عملوا الثوره

هو شادى حرب مش من الثوره

هو كل اللى كانوا فى ميدان التحرير يوم 25 و 26 و 27 كانوا طلبه ولا الجامعه مكانش فيها أمتحانات

ولو زى ما بتقول ليه ميمسكوش وزراء

طب لو الدستور أتعدل بالكامل حد من الشباب هيصيغ البنود ولا هيسيبوا الموضوع ده للمتخصصين

محدش بيقلل من اللى الشباب عملوه بس مفهوم شباب الثوره هو كام سنه ( الغالبيه العظمى ) أكيد مش سن 20 سنه وأنت نازل

الجيش المصرى حارب فى 73 بس مش هو اللى رجع طابا
بعد الجيش ما خلص مهمته ساب التفاوض للقانونيين والسياسيين لأعادة طابا
منشفش دماغه وقال أنا اللى بدأت الحرب يبقى أنا اللى أرجع طابا وأنتوا السياسيين كنتوا نايمين فى بيوتكوا

المطلوب من موضوع السن والوظيفه أنى أعرف أنا بناقش أى عقليه , مش موضوع تكبر عليهم

أديلك مثل
كان فيه موضوع فى المنتدى فتحه أحد الأعضاء
ورد فيه أعضاء أفاضل فى المنتدى
وكان صاحب الموضوع داخل شمال فى الكل وبيهاجم أى رأى غير رأيه والباقى بيناقشه بالهدوء وبيحاول يفهمه
ولما الأعضاء بدأت تنفعل من أسلوب الرد عارف صاحب الموضوع قال أيه
معلش أعذرونى أنا عندى 20 سنه وخبرتى قليله وبحاول أفهم منكم
طب كنت بتهاجمهم ليه

ولو حضرتك مش عايز تعرف الناس سنك ووظيفتك أنت حر أصله مش أجبارى

معنديش أي مشكلة إن أي حد يسوق لرايه

بس فعلا حاسس إنهم بيشتغلوا الناس و بيخترعولهم فزاعات

يعني معتقدشي إن إحنا بنلعب لعبة الإستغماية

عشان يبقي التعديلات بتتكلم عن إلزام بإنشاء دستور جديد

و يقولك لأ لأ لأ ،،، دي مش واضحة كفاية

أو الإكتشاف الجديد بتاع دي مش أربع سنوات تالية و لا ثانية و لا مش عارف أيه

و واحد جامد اكتشف إنها ستة مش أربعة ،،،، واووووو عبقري

و المفاجأة بقه تعرفوا إن مفيش بلد في الدنيا بتعمل الاستفتاء علي الدستور بالبند ؟؟؟

يعني للي بيطالب بكده عايز يعمل بدعا من البشر ،،

طيب دوول كام بند و كمية التعليقات سواء بالحق و الباطل عليها ،،

ما بالكم بالدستور الكامل ؟؟؟؟ هيحتاج أد أيه نقاش و جدال

أرفض تماما وضع الدستور بدون انتخابات شرعية

مش بقول إن خيار التعديلات الدستورية ،،، الصواب المطلق

ولكن بالتأكيد إن إنشاء دستور أولا غير ناتج عن عملية ديمقراطية ،،،، الخطأ المطلق

كنت أتمني حل وسط يأما تعديلات دستورية واسعة تجب كل المخاوف ،، أو الإكتفاء ببيان دستوري و قانون انتخابات للفترة الإنتقالية

المشاركة الأصلية كتبت بواسطة tlrsiap

يا جماعة هو احنا هانبدأ في حملة انا اكبر منك فاعرف عنك ولا ايه ؟

قبل ما اقول ان المبدأ خاطيء تماما ليه
اعرفكم بنفسي عشان ماحدش يقول لي صغير 20 سنة و الكلام الغلط شكلا و موضوعا ده
مهندس تامر محمد , 30 سنة , متزوج

لو الموضوع بالسن , كان زكريا عزمي و فتحي سرور بقوا اعلم الناس
و كان مبارك بقى ابونا كلنا بحكم سنه الكبير جدا
لو الموضوع بالسن كان اي جاهل ثقافته كلها بيستمدها من القناة الأولى و الاشاعات و قال لي و قلت له كان بقى اعلم الناس لمجرد انه عنده 50 سنة ولا اكتر

لو الموضوع بالسن , ما كانش كتير من صحابة رسول الله عليه الصلاة و السلام بقوا شباب سنهم مش كبير و اكابر القبائل مازالوا كفار و منافقين ....

يا ريت نراجع افكارنا


اتمنى اني ما اضطرش اني اوضح ان الموضوع مش بالوظيفة المرموقة كمان

انا اول مره اتفق معاك على حاجه
بس انا ليا توضيح بسيط الهدف من معرفه السن هو ان لكل مرحله عمريه لها طريقه فى الحوار والتخاطب
(خاطبوهم على اد عقولهم) وليس الهدف منها انا اكبر او اصغر منك او انت لو عندك 20 سنه او طالب يبقى ما بتفهمش او ,,,,,الخ