استفسار عن قص السوست (اليايات)

**nice_bird** · 25-03-2011 02:27 AM

أى شئ مصمم لتحمل أحمال، بيكون متصمم على الحمل المفترض انه يشيله بالأضافة إلى هامش أمان

وأى شئ يغير من خواصه، فده بيأثر على هامش الامان، وممكن يأثر على الشئ نفسه

كلام سليم بس احنا دايما في السوقة الرياضية مش بنكون راكبين 5 مثلا بيكون اتنين تلاتة بالكتير يعني اقل من الحمل الاقصي للسوستة اساسا و غير الامان اللي حضرتك قولت علية و بكدا مفيش حاجة تقلق ولا إيه !

**Most_H** · 25-03-2011 04:39 PM

المشاركة الأصلية كتبت بواسطة nice_bird

كلام سليم بس احنا دايما في السوقة الرياضية مش بنكون راكبين 5 مثلا بيكون اتنين تلاتة بالكتير يعني اقل من الحمل الاقصي للسوستة اساسا و غير الامان اللي حضرتك قولت علية و بكدا مفيش حاجة تقلق ولا إيه !

راعى حضرتك برضة الصدمات المفاجأة اللى ممكن العربية تتعرض ليها أثناء القيادة من مطبات وبلاعات وحفر

عموما، لو قدرت تعرف السوستة بتشيل حمل قد اية ولو قصيت حلقة منها هتشيل قد اية، ولقيت العملية مطمئنة ليك. يبقى خلاص

بس دة لو حضرتك عاوز تبقى مطمن

**Akram.Gamal** · 03-07-2011 07:46 PM

نصيحه بقا من واحد مجرب
و مش فى اى عربيه دى بيجو
اسمع كلامى و انسا حوار قص اليايات ده خالص ولا صاروخ ولا غيره
و شوفلك يايات تانيه تكون عدد لفاتها اكتر
انا عندى الياي ال 9 حلقات بيبقا اوطى من ال 7 و 8 حلقات
روح انت بقا اسال ميكانيكة و عفشجى و شوف هيقولولك ايه

**nice_bird** · 02-04-2012 05:29 PM

المشاركة الأصلية كتبت بواسطة deltaacademy

انا عملت الموضوع دة فى عربيتى قصيت لفة بالظبط بالصاروخ وركبت اربع صدادات مرسيدس عاملين 160 جنية والفرق بين الكاوتش والرفرف صابعين بالظبط ولما العربية بيبقا فيها وزن او مطب مفاجئ الرفرف بينزل لاخر الكاوتش بس بدون ما يخبط
وحلوة فى المشى والاتزان جدااا

هيا الصدادات دي قصدك بيها ايه !

**A7MED_PHARMA** · 07-04-2012 05:53 PM

انا قاصص حلقة كاملة من السوست الي قدام لما ركبت الجنوط الكبيرة علشان العربية كانت مرفوعة اوي
هبطت شوية وبقت تحفة
والحمد لله كده بقالها سنتين من غير مشاكل

**yoko** · 09-04-2012 04:35 PM

جيب سوست سبور بيبقى لفاتها أكتر واتخن وبتتحمل اوزان اعلى ومن غير ما تنشف العربيه قوي
قص السوست بتغير متغيرات السوسته من معامل الإنضغاط وبيأثر على معامل ال damping في المساعد
والسوست مش غاليه قوي معلش تعالى على نفسك وحوش 1500 جنيه أضمن مليون مره من القص واللزق الي بيتعمل ده وبعد كده الناس تزعل
وحاجه كمان السوست السبور مع التحميل مبطوتاش قوي زي العاديه تخيل لما تقصر العاديه وتحمل هيحصل إيه (هتدعى للمساعدين عشان هيموتوا بدري بدري وتدفع قد كده فيهم)

**smsm_nabawy** · 17-04-2012 03:10 AM

من غير مقراء الموضوع يا أخي في الله !!

أكيد بتسأل عن قص اليايات ،، و أنا من زمان بقول لا ،، بلاش ، ده غلط !! ده فيه ضرر على شاسيه العربية !!و بيفتح فيه !! و بيزود الأجهاد على الشاسيه !!

و كان في ناس بتقول أنه صح ،ن و مفيش منه غلط طالما من غير شمعه ،، و بالصاروخ و بس

بس بردو دول خطاء ،، الي يقولك ان قص اليايات سح ،، قله أنت جاهل ! و معاك عذرك :)

اما الشرح ،، لو عايزه ،، قول و انا اديلك لينكات لكتب تشرحلك ليه !! :)

-

الموضوع: استفسار عن قص السوست (اليايات)

LinkBack

أدوات الموضوع

عرض

-

-

-

-

-

-

المواضيع المتشابهه

استفسار أماكن بيع اليايات الورقية وأسعارها في القاهرة

استفسار عن اليايات ( السوست ) السبور

استفسار في السوست ( اليايات )

استفسار في السوست ( اليايات )

عايز مواصفات السوست (اليايات &springs) الخاصة بمازدا 323 موديل 83

الكلمات الدلالية لهذا الموضوع

المفضلات

المفضلات

ضوابط المشاركة